Ахия 15:24 - Сыйлы Инжил бла Забур

²⁴ Мен аланы араларында, аллай ишлени бир киши да этмеген ишле этмесем эди, алагъа гюнях болмаз эди; энди уа кёрген да этгендиле эм Мени да, Мени Атамы да кёрюп болмай къалгъандыла.

Ахия 15:24 Iomraidhean Croise

Маттай 11:5

Сокъурла кёрюп, акъсакъла да жюрюп башлайдыла, келепенле тазаланадыла, сангыраула эшитедиле, ёлгенле тиргизиледиле, жарлылагъа да Хайыр Хапар бериледи.

Маттай 21:32

Нек десегиз Ахия сизге тюзлюклюлюк жол бла келгенде, сиз анга ийнанмагъансыз, жасакъ жыйыучула бла саякъ тиширыула уа анга ийнаннгандыла; сиз а, муну кёргенде да, артда сокъуранып анга ийнанмагъансыз!»

Маттай 9:33

Жин къысталгъанда уа, тилсиз сёлешип башлады. Халкъ да сейирсинип: «Быллай иш Израильде бир заманда да болмагъанды», – дей эди.

Марк 2:12

Ол адам олсагъат турду да, жатхан жерин алып, барыны да алларында чыкъды, алай бла бары да сейирсинип: «Бир заманда да биз быллай иш кёрмегенбиз!» – деп, Аллахха махтау салдыла.

Лука 24:19

Ол алагъа: «Не болуннганны?» – деди. Ала Анга: «Назаретли Иссагъа не болгъанын. Ол Аллахны эм битеу халкъны аллында иши бла да, сёзю бла да кючлю файгъамбар эди.

Ахия 10:32

Исса алагъа: «Мен сизге Атамы кючю бла кёп ахшы ишле кёргюзтгенме. Мени ташла бла тюйюп ёлтюрюрге аланы къайсы ючюн излейсиз?» – деп сорду.

Ахия 10:37

Мен Атамы ишлерин этмей эсем, Манга ийнанмагъыз;

Ахия 12:10

Баш дин къуллукъчула уа Лазарьны да ёлтюрюрге бегим этген эдиле.

Ахия 12:45

Мени кёрген да Мени Ийгенни кёреди.

Ахия 14:9

Исса анга: «Быллай бир заманны Мен сизни бла болгъанлай да, сен Мени танымаймыса, Филип? Мени кёрген Атаны кёргенди; сора сен: „Бизге Атаны кёргюзт“ деп къалай айтаса?

Ахия 15:21

Алай а быланы барын да Мени атым ючюн сизге этерикдиле, нек десегиз Мени Ийгенни танымайдыла.

Ахия 15:22

Мен, келип, алагъа айтмагъан болсам эди, алагъа гюнях болмаз эди; энди уа аланы гюняхларына кечгинлик жокъду.

Ахия 15:23

Мени кёрюп болмагъан Мени Атамы да кёрюп болмайды.

Ахия 16:9

Гюняхны юсюнден – нек десегиз Манга ийнанмайдыла;

Ахия 3:2

Ол, Иссагъа кече келип, Анга: «Устаз! Сен Аллахдан келген Устаз болгъанынгы биз билебиз; нек десенг бир киши да, Аллах аны бла бирге болмаса, Сен этген илишанланы эталлыкъ тюйюлдю», – дегенди.

Ахия 5:36

Мени уа Ахияны шагъатлыгъындан эсе уллу шагъатлыгъым барды: нек десегиз Ата Манга этерге берген ишле, Мен эте тургъан ишле кеслери Мени Ата ийгенине шагъатлыкъ этедиле.

Ахия 6:36

Мен а сизге, сиз Мени кёрген да этгенсиз, ийнаннган да этмейсиз деп айтханма.

Ахия 7:31

Халкъдан кёпле уа Анга ийнаннган эдиле эм: «Масих келсе, Бу этген илишанладан кёп этерми?» – дей эдиле.

Ахия 9:32

Сокъур туугъанны кёзлерин биреу ачханды деп, ёмюрден да эшитилмегенди;

Ахия 9:41

Исса алагъа былай айтды: «Сиз сокъур болгъан болсагъыз эди, сора гюняхыгъыз болмаз эди; алай а сиз кёребиз деп айтханыгъыз себепли, гюняхыгъыз юсюгюзде къалады».

Ишлери 10:38

Аллах Сыйлы Нюр бла эм кюч бла Назаретли Иссаны къалай майлагъанын билесиз. Исса халкъгъа игилик эте эм ибилис бийлегенлени барын да сау эте айланнганды, нек десегиз Аллах Аны бла эди.

Ишлери 2:22

Израильли кишиле! Тынгылагъыз бу сёзлеге: кесигиз да билгенигиз кибик, Назаретли Исса, Аллах Аны юсю бла сизни арагъызда этген къудуретли ишлери, сейирликлери эм илишанлары бла белгили болгъан Кишиди.

Римлилеге 1:30

Аман сёзлю, тилчи, Аллахны кёрюп болмаучу, жюрек къыйнаучу, ёхтем, кеслерин махтаучу, аманлыкъгъа уста, ата-анагъа тынгыламаучу,

II Тимотейге 3:4

Сатлыкъла, оюмсузла, кётенлиле, Аллахны сюйгенден эсе да бек, нафысына берилиуню сюйюучюле,

Якъуп 4:4

Зийначыла бла хаулечиле! Бу дуния бла шуёхлукъ Аллахха къажау душманлыкъ болгъанын билмеймисиз? Алай бла бу дуниягъа шуёх болургъа сюйген адам Аллахха душман болады.