Ахия 15:19 - Сыйлы Инжил бла Забур

¹⁹ Сиз дуниядан болсагъыз эди, дуния кесиникин сюер эди; сиз а дуниядан тюйюлсюз, Мен сизни дуниядан сайлагъанма; дуния сизни аны ючюн кёрюп болмайды.

Ахия 15:19 Iomraidhean Croise

Маттай 10:22

Мени атым ючюн сизни бары да кёрюп болмай къаллыкъдыла; ахырына дери тёзген а къутхарыллыкъды.

Маттай 24:9

Ол заманда сизни азапха берликдиле, сизни ёлтюрлюкдюле; эмда Мени атым ючюн сизни битеу миллетле кёрюп боллукъ тюйюлдюле.

Лука 6:32

(Жаланда) сизни сюйгенлени сюе эсегиз, аны ючюн сизге не ыспас? Нек десегиз гюняхлыла да аланы сюйгенлени сюедиле.

Ахия 13:18

«Сизни барыгъызны юсюнден айтмайма: Мен билеме къайсыланы сайлагъанымы. Алай а Китапда: „Мени биргеме ётмек ашагъан Манга табанын кётюрдю“ деп жазылгъан толур ючюн былай болады.

Ахия 15:16

Мени сиз сайламагъансыз, Мен сайлагъанма сизни, сиз барыр ючюн эм битим келтирир ючюн эмда сизни битимигиз болуп турур ючюн салгъанма сизни; Атадан Мени атым бла не тилесегиз да, Ол сизге берир ючюн алай этгенме.

Ахия 6:70

Исса алагъа: «Сиз онекини сайламагъанмамы Мен? Алай а сизден биригиз ибилисди», – деп жууап берди.

Якъуп 4:4

Зийначыла бла хаулечиле! Бу дуния бла шуёхлукъ Аллахха къажау душманлыкъ болгъанын билмеймисиз? Алай бла бу дуниягъа шуёх болургъа сюйген адам Аллахха душман болады.

I Петер 4:3

Нек десегиз сиз озгъан заманда жашауугъузда мажюсю талпыу бла адепсизликлеге, тыйгъычсызлыкълагъа, ичгичиликге, ашауда эм ичиуде артыкъ оздурмакълыкъгъа эм жийиргенчли идоллагъа табыныугъа кесигизни берип жашагъаныгъыз боллукъду.

I Ахия 3:12

Ибилисден болуп, кесини къарындашын ёлтюрген Къабил кибик болмайыкъ. Аны уа не ючюн ёлтюргенди? Кесини ишлери аман болгъаны ючюн, къарындашыны ишлери уа тюзлюклю болгъаны ючюн ёлтюргенди.

Билим Ачханы 12:17

Сора аждагъан къатыннга къутуруп къалды эм Аллахны фарызларын сакълагъан эмда Масих Иссагъа шагъатлыкъ этиуню бардыргъан, ол къатынны урлугъундан болгъан башхала бла къазауат этерге кетди.

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.