Ахия 15:16 - Сыйлы Инжил бла Забур

¹⁶ Мени сиз сайламагъансыз, Мен сайлагъанма сизни, сиз барыр ючюн эм битим келтирир ючюн эмда сизни битимигиз болуп турур ючюн салгъанма сизни; Атадан Мени атым бла не тилесегиз да, Ол сизге берир ючюн алай этгенме.

Ахия 15:16 Iomraidhean Croise

Забур 145:4

Аны жаны чыгъады, сора ол андан жаратылгъан топуракъгъа къайтады. Ол кюнде аны битеу сагъышлары жокъ боладыла.

Забур 71:18

Израильни Аллахы, Раббий Аллах алгъышлыды! Аламат ишле этиучю жангыз Олду!

Маттай 21:22

Тилегигизде ийнанып, не тилесегиз да, аллыкъсыз», – деди.

Маттай 7:7

«Тилегиз – берилир сизге; излегиз – табарсыз; эшикни къагъыгъыз – ачарла сизге.

Лука 6:13

Танг атхан заманда уа, Кесини сохталарын чакъырып, аладан онекисин сайлап, алагъа абустолла атады. Аны сайлагъанлары:

Ахия 13:18

«Сизни барыгъызны юсюнден айтмайма: Мен билеме къайсыланы сайлагъанымы. Алай а Китапда: „Мени биргеме ётмек ашагъан Манга табанын кётюрдю“ деп жазылгъан толур ючюн былай болады.

Ахия 15:19

Сиз дуниядан болсагъыз эди, дуния кесиникин сюер эди; сиз а дуниядан тюйюлсюз, Мен сизни дуниядан сайлагъанма; дуния сизни аны ючюн кёрюп болмайды.

Ахия 15:5

Мен Жюзюм Терекме, сиз а бутакъласыз; кеси Менде болуп тургъан, Мен да анда тургъан адам кёп битимли болады; нек десегиз Менсиз бир зат да эталлыкъ тюйюлсюз.

Ахия 6:70

Исса алагъа: «Сиз онекини сайламагъанмамы Мен? Алай а сизден биригиз ибилисди», – деп жууап берди.

Ишлери 1:24

Сора, тилек этип: «Раббий, Сен барыны да жюреклерин билесе. Бу экисинден Сен къайсын сайлагъанынгы кёргюзт,

Ишлери 1:8

Сиз а Сыйлы Нюр юсюгюзге тюшгенде кюч алырсыз, сора Иерусалимде, битеу Иудеяда, Самарияда эм жерни этегине дери да Мени шагъатларым болурсуз», – деди.

Ишлери 10:41

Исса битеу халкъгъа тюйюл, жангыз бизге – Аллах алгъындан сайлагъан шагъатлагъа, Кеси ёлгенледен тиргизилгенден сора, Аны бла бирге ашагъан да, ичген да этгенлеге кёрюннгенди.

Ишлери 22:14

Ол а манга: „Бизни аталарыбызны Аллахы, сен Аны буйругъун билир ючюн эмда Тюзлюклюню кёрюп, Аны ауузундан сёзюн эшитир ючюн, сени алгъындан сайлагъанды.

Ишлери 9:15

Алай а Раббий анга: «Бар! Нек десенг миллетлеге эм патчахлагъа эмда Израиль улулагъа Мени атымы билдирир ючюн, ол Мени сайлагъан сауутумду.

Римлилеге 1:13

Къарындашла, сизге билдирмей къояргъа сюймейме, башха миллетледе болгъаны кибик, сизде да хайырым болур ючюн, мен сизге келирге кёп кере ниет этгенме, алай а эндиге дери окъуна чырмаулагъа жолугъуп тургъанма.

Римлилеге 1:5

Битеу миллетледен адамланы ийманнга бойсундурур ючюн, Масихни юсю бла эм аны аты ючюн Аллахны шафауатын эм абустоллукъ алгъанбыз.

Римлилеге 15:4

Битеу алгъындан жазылгъанла уа, бизге акъыл юйретир ючюн, биз Сыйлы Китапладан алгъан тёзюмлюлюк бла эм кёл этиу бла бизни ышаныуубуз болур ючюн жазылгъандыла.

Римлилеге 9:21

Къошун ишлеучю, бир балчыкъдан окъуна бир сауутну энчи жюрютюуге, башхасын а сансыз жюрютюуге этерге топурагъына эркин тюйюлмюдю?

I Коринфлилеге 10:11

Была бары да башхалагъа юлгю болур ючюн аланы башларына келгенди; жазылгъаны уа бизге, ахыргъы ёмюрлеге жетгенлеге акъыл юйретир ючюндю.

Галатиялылагъа 1:15

Анамы къарынында заманымдан мени сайлагъан эм Кесини шафауаты бла мени чакъыргъан Аллах а,

Эфеслилеге 2:10

Нек десегиз биз Аллахны чыгъармасыбыз, Масих Иссада ахшы ишле этерге жаратылгъанбыз. Биз жашауубузну ол ишлени этип ашырыр ючюн Аллах аланы бизге этерге алгъындан буюргъанды.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:6

Ол Хайыр Хапар, сиз Аллахны шафауатыны юсюнден эшитген эм аны керти ангылагъан кюнден башлап, сизни арагъызда этгени кибик, битеу дунияда да битим береди эм жайылады.

I Тимотейге 2:7

Аны ючюн мен Хайыр Хапарны жайыучу эмда абустол болургъа сайланнганма – Масихники болуп тюзюн айтама, ётюрюк айтмайма – миллетлени ийманнга эмда хакъ кертиге юйретген устаз болургъа сайланнганма.

II Тимотейге 1:11

Мен бу Хайыр Хапарны миллетлеге билдириучю абустол эм устаз болургъа сайланнганма.

II Тимотейге 2:2

Эм кёп шагъатланы къатында менден эшитгенинги башхаланы да юйретирге болаллыкъ ышаннгылы адамлагъа аманат эт.

Титге 1:5

Мен сени Критде, сен бошалмагъан ишлени битдирир ючюн, санга буюргъаным кибик, битеу шахарлада жамауатлагъа таматала салыр ючюн къойгъан эдим.

Чюйютлелеге 11:4

Ийманы бла Къабилден эсе Абил Аллахха иги къурман келтиргенди. Ол тюзлюклю болгъанына ийманы бла шагъатлыкъ алгъанды; нек десегиз аны саугъаларыны юсюнден Аллах ыразы болгъанына шагъатлыкъ этгенди. Абил ёлген эсе да, ийманы бла ол энтда айтып турады.

Якъуп 3:18

Жарашыулукъ этиучюле тюзлюклюлюкню битимин жарашыулукъ бла себедиле.

I Петер 3:15

Раббий Аллахны жюреклеригизде сыйлы тутугъуз. Сизни Аллахха ышаныуугъузну юсюнден сизге соруп билирге излеген хар адамгъа сабырлыкъ бла эм хурметлик бла жууап берирге хар заманда хазыр болугъуз.

I Петер 3:2

Ала, сизни Аллахдан къоркъгъан таза жашау халыгъызны кёрюп, кеслерине бир сёз да айтылмай, къатынларыны жашау халлары бла ийманнга къайтышсынла.

I Ахия 4:10

Аллахны биз сюймегенбиз, алай а бизни Ол сюйгенди эм бизни гюняхларыбызны кечдирген къурманнга Кесини Уланын ийгенди; сюймеклиг’а ма олду.

I Ахия 4:19

Биз сюебиз, нек десегиз Аллах бизни алгъа сюйгенди.