Ахия 15:10 - Сыйлы Инжил бла Забур

¹⁰ Мен Атамы фарызларын тутуп, Аны сюймеклигинде болуп тургъаным кибик, сиз да Мени фарызларымы тутсагъыз, Мени сюймеклигимде болуп турлукъсуз.

Ахия 15:10 Iomraidhean Croise

Ахия 10:18

Жанымы Менден бир киши да сыйырмайды, алай а аны Мен Кесим береме; аны берирге эркинлигим барды эм дагъыда артха алыргъа эркинлигим да барды; бу фарызны Мен Атамдан алгъанма», – деди.

Ахия 12:49

Нек десегиз Мен Кесим-Кесимден айтмагъанма, алай а Мени ийген Ата, не айтыргъа эм не сёлеширге, Кеси Манга фарыз бергенди.

Ахия 14:15

«Мени сюе эсегиз, Мени фарызларымы тутугъуз.

Ахия 14:21

Мени фарызларымы алып, аланы тутхан адам, Мени сюеди; Мени сюйген адамны уа, Мени Атам сюерикди, Мен да аны сюерикме эмда анга Кесим кёрюнюрюкме», – деди.

Ахия 14:23

Исса анга жууапха былай айтды: «Мени сюйген адам, Мени сёзюмю тутады; Мени Атам да аны сюерикди, Биз да анга келликбиз эмда анда мекям этерикбиз.

Ахия 14:31

Алай а, Мен Атаны сюйгеними дуния билир ючюн, Ата Манга къалай фарыз этген эсе да, алай этеме. Туругъуз, былайдан кетейик».

Ахия 17:4

Мен Сени жер башында махтаулу этдим, Сен толтур деп боюнума салгъан ишни тамам этдим.

Ахия 4:34

Исса алагъа: «Мени ашым Мени Ийгенни буйругъун толтурмакълыкъды эм Аны ишин битдирмекликди.

Ахия 8:29

Мени Ийген Мени биргемеди; Ата Мени жангызлай къоймагъанды; нек десегиз Мен хар заманда да Ол ыразы болгъан затланы этеме», – деди.

Ахия 8:55

Сиз Аны танымадыгъыз, Мен а Аны таныйма. Аны танымайма десем а, сора сизни кибик ётюрюкчю боллукъма; алай а Мен Аны таныйма эм Аны сёзюн тутама.

I Коринфлилеге 7:19

Сюннетлилик да, сюннетсизлик да бошду, алай а бары да Аллахны фарызларын тутуудады.

I Фесалоникачылагъа 4:1

Къарындашла, сиз къалай жашаргъа эмда Аллахны къалай ыразы этерге керек болгъаныгъызгъа бизден юйреннгенсиз. Сиз да алай жашайсыз. Ахырында бу ишде андан да бек жетишимли болугъуз деп, сизден Раббий Иссаны аты бла тилейбиз эм жалбарабыз.

Чюйютлелеге 7:26

Аллай Баш Дин Къуллукъчу бизни кереклибизге болушаллыкъды. Ол сыйлыды, аманлыкъгъа къатышмагъанды, таза айыпсызды, гюняхлыладан айырылгъанды эм кёкледен да бийикде турады.

II Петер 2:21

Тюзлюкню жолун билип, алагъа берилген сыйлы фарыздан артха къайтхандан эсе, ол жолну билмеген болсала, алагъа иги болур эди.

I Ахия 2:3

Биз Аны таныгъаныбызны уа Аны фарызларын тутханыбыздан билебиз.

I Ахия 2:5

Аны сёзюн тутхан адамда уа Аллахны сюймеклиги керти тамам болгъанды: биз Анда болгъаныбызны уа, муну бла билебиз.

I Ахия 2:6

„Жашауум Аллахдады“ деген адам Исса жюрюген жолда жюрюрге керекди.

I Ахия 5:3

Нек десегиз биз Аны фарызларын тутсакъ, ол Аллахны сюймекликди. Аны фарызлары уа къыйын тюйюлдюле.

Билим Ачханы 22:14

Аланы жашау терегине эркинликлери болур ючюн эм шахаргъа къабакъла бла кирир ючюн, кеслерини кийимлерин жуугъанла насыплыдыла.