Ахия 15:1 - Сыйлы Инжил бла Забур

¹ «Мен керти Жюзюм Терекме, Мени Атам а Жюзюмчюдю.

Ахия 15:1 Iomraidhean Croise

Маттай 15:13

Ол а жууапха: «Мени Кёкдеги Атам орнатмагъан хар ёсюмлюк, тамыры бла къоратыллыкъды;

Маттай 20:1

«Кёклени Патчахлыгъы, эрттенликде-эртте кесини жюзюм бахчасына жалгъа ишчиле алыргъа чыкъгъан жер иесине ушайды.

Маттай 21:33

«Оюм берген башха таурухха да тынгылагъыз. Жер иеси бир адам болгъанды; ол жюзюм бахча орнатып, тёгерегине буруу этгенди, аны ичинде жюзюм эзиучю орун къазгъанды, къала ишлегенди, сора аны жюзюмчюлеге жалгъа берип, узакъгъа кетгенди.

Марк 12:1

Сора Исса алагъа оюм берген таурухла бла былай айтып башлады: «Бир адам, жюзюм бахча орнатып, тёгерегине буруу этгенди, жюзюм эзиучю орун къазгъанды, къала ишлегенди, сора аны жюзюмчюлеге жалгъа берип, узакъгъа кетгенди.

Лука 13:6

Сора бу оюм берген таурухну айтды: «Биреуню жюзюм бахчасында орнатылгъан бир инжир тереги болгъанды. Ол, келип, терекни юсюнде кёгет излегенди, алай а тапмагъанды.

Ахия 1:17

Нек десегиз Таурат Мусаны юсю бла берилгенди, шафауат бла хакъ керти уа Масих Иссаны юсю бла чыкъгъандыла.

Ахия 1:9

Дуниягъа келген хар адамны жарыкъландыргъан керти Жарыкъ бар эди.

Ахия 15:2

Менде болуп кёгет бермеген хар бутакъны Ол кесип атады; кёгет берген хар бутакъны да дагъыда кёп кёгет берир ючюн тазалайды.

Ахия 6:32

Исса уа алагъа: «Кертисин, кертисин айтама сизге: кёкден сизге ётмек берген Муса тюйюлдю, сизге кёкден керти ётмекни берген а Мени Атамды.

Ахия 6:55

Нек десегиз Мени чархым керти ашды эм Мени къаным керти суусунду.

Римлилеге 11:17

Бутакъладан бир бёлеги сыннган эселе уа, сен а, кийик зейтун терек, аланы жерлерине жалгъанып, зейтун терекни тамырына бла суууна ала бла бирча къошулгъан эсенг,

I Коринфлилеге 3:9

Нек десегиз биз Аллахха къуллукъ этиучю нёгерлебиз, сиз а Аллахны сабанысыз, Аллахны къурулуш мекямысыз.

I Ахия 2:8

Алай а аны юсюне жангы фарыз да жазама сизге. Муну хакъ керти болгъаны Масихде да, сизде да кёрюнеди. Нек десегиз къарангылыкъ кетеди, керти жарыгъ’а энди жарыйды.