Ахия 14:6 - Сыйлы Инжил бла Забур

⁶ Исса анга: «Жол да, хакъ керти да, жашау да Менме; Мени юсюм бла болмаса, Атагъа бир киши да келмейди.

Ахия 14:6 Iomraidhean Croise

Маттай 11:27

Мени Атам хар нени да Манга бергенди. Уланын Атадан башха бир киши да билмейди; Атаны да Уланындан бла, Улан билдирирге сюйген адамдан башха бир киши да билмейди.

Ахия 1:14

Сёз адам болуп толу шафауаты эм хакъ кертилиги бла, бизни бла жашагъанды; биз да Аны аламатлыгъын кёргенбиз, Атадан жангыз туугъанны аламатлыгъын.

Ахия 1:17

Нек десегиз Таурат Мусаны юсю бла берилгенди, шафауат бла хакъ керти уа Масих Иссаны юсю бла чыкъгъандыла.

Ахия 1:4

Жашау Анда эди, жашау да адамланы жарыгъы эди;

Ахия 10:28

Мен алагъа ёмюрлюк жашау береме, ала ёмюрде да жоюллукъ тюйюлдюле. Мени къолумдан аланы бир киши да сыйыраллыкъ тюйюлдю.

Ахия 10:7

Алай бла дагъыда Исса алагъа: «Кертисин, кертисин айтама сизге: Мен къойлагъа эшикме.

Ахия 10:9

Мен эшикме. Мени юсюм бла ким кирсе да, ол къутхарыллыкъды, кирген да, чыкъгъан да этерикди, отлау да табарыкъды.

Ахия 14:19

Бираздан сора дуния Мени энди кёрлюк тюйюлдю, сиз а Мени кёрлюксюз. Мен жашагъаным ючюн, сиз да жашарыкъсыз.

Ахия 15:1

«Мен керти Жюзюм Терекме, Мени Атам а Жюзюмчюдю.

Ахия 18:37

Пилат Анга: «Сора Сен Патчахмыса?» – деди. Исса анга: «Манга Патчах деп айтхан сенсе; Мен хакъ кертини юсюнден шагъатлыкъ этер ючюн туугъанма эм аны ючюн дуниягъа келгенме. Хакъ керти жанлы болгъан хар адам Мени ауазыма тынгылайды», – деп жууап берди.

Ахия 5:21

Ата ёлгенлени къалай тиргизе эсе эм сау эте эсе да, Улан да кимни сюйсе да алай сау этеди.

Ахия 6:33

Нек десегиз кёкден тюшген эм дуниягъа жашау берген, Олду Аллахны ётмеги», – деди.

Ахия 6:51

Кёкден тюшген, жашау бериучю ётмек Менме. Бу ётмекден ашагъан ёмюрге жашарыкъды. Мен берлик ётмег’а Мени чархымды; аны уа Мен дуниягъа жашау берир ючюн берликме», – деди.

Ахия 6:57

Мени жашау бериучю Атам ийгени, Мен да Атамы кючю бла сау жашагъаным кибик, Мени ашагъан да Мени кючюм бла сау жашарыкъды.

Ахия 6:68

Шимон Петер Анга: «Раббий! Биз кимге барайыкъ? Ёмюрлюк жашауну сёзлери Сендедиле.

Ахия 8:32

Эм хакъ кертини билирсиз, хакъ керти уа сизни азат этер», – деди.

Ахия 8:51

Кертисин, кертисин айтама сизге: Мени сёзюмю тутхан адам ёмюрге ёлюм кёрлюк тюйюлдю», – деп жууап этди.

Ишлери 3:15

Сиз Жашауну Башчысын ёлтюргенсиз, Аллах а Аны ёлгенледен тиргизгенди. Биз мынга шагъатбыз.

Ишлери 4:12

Нек десегиз кёкню тюбюнде адамлагъа берилген атланы арасында бизни къутхараллыкъ башха ат жокъду», – деди.

Ишлери 9:2

Дамаскда Иссаны жолун тутханланы – эр киши болсун, тиширыу болсун – барын да байлап Иерусалимге келтирир ючюн, Дамаскдагъы синагогалагъа къагъытла жазарын андан тиледи.

Римлилеге 15:16

Аллахны шафауаты бла мен Масих Иссагъа миллетледе къуллукъ этиучю болгъанма. Миллетле Сыйлы Нюр бла сыйлы болуп, Аллахны ыразы этген къурман болур ючюн, мен Аллахны Хайыр Хапарын дин къуллукъчуча жаяма.

Римлилеге 5:2

Аны юсю бла уа ийнаныуубуз бла бу биз тургъан шафауатха эркинлик алгъанбыз эм Аллахны махтаууна ышаныу бла махтанабыз.

Римлилеге 5:21

Алай бла гюнях ёлюмню юсю бла бийлик этгени кибик, Аллахны шафауаты да, бизни Раббийибиз Масих Иссаны юсю бла ёмюрлюк жашау берир ючюн, тюзлюклюлюк бла бийлик этеди.

I Коринфлилеге 15:45

Китапда: «Биринчи инсан Адам жашагъан жан болгъанды», – деп алай жазылгъанды; ахыргъы Адам а тиргизиучю нюрдю.

Эфеслилеге 2:18

Нек десегиз Аны юсю бла эки къауумубузну да, бир Нюрде Атагъа барыргъа жолубуз барды.

Колослулагъа 2:17

Была бары да боллукъну ауанасыдыла, барыны да керти магъанасы уа Масихди.

Колослулагъа 2:9

Нек десегиз Аллахлыкъны битеу толулугъу сан бла Масихде жашайды.

Колослулагъа 3:4

Сизни жашауугъуз Масих кёрюннгенде уа, сиз да ол заманда Аны бла бирге махтау бла кёрюнюрсюз.

Чюйютлелеге 7:25

Ол себепден Ол Аны юсю бла Аллахха жууукълашханланы толусунлай къутхарыргъа болаллыкъды, нек десегиз, алагъа ёкюллюк этер ючюн, хар заманда да сау жашап турады.

Чюйютлелеге 9:8

Биринчи чатыр тургъанлыкъдан алыкъа сыйлы жерге жол ачылмагъанын Сыйлы Нюр муну бла кёргюзтеди.

I Петер 1:21

Аны ёлгенледен тиргизип, Анга махтау берген Аллахха Аны юсю бла ийнанасыз. Алай бла ийнаныуугъуз эм ышаныуугъуз Аллаххады.

I Петер 2:4

Анга – адамла сансыз этген, алай а Аллах сайлагъан, багъалы, тири Ташха – жууукълашыгъыз.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.

I Ахия 1:8

Гюняхыбыз жокъду дей эсег’а, кесикесибизни алдайбыз эм бизде хакъ керти жокъду.

I Ахия 2:23

Уланын ачыкъ къабыл этмеген хар ким Атадан да къуруду, Уланын ачыкъ къабыл этген адамда уа Ата да барды.

I Ахия 5:20

Эмда Аллахны Уланы келип, биз хакъ керти Аллахны билир ючюн бизге акъыл бергенин билебиз. Биз хакъ керти Аллахдабыз эмда Аны Уланы Масих Иссадабыз. Ол а хакъ керти Аллахды эм ёмюрлюк жашауду.

I Ахия 5:6

Ол суу бла эм къан бла Келген Масих Иссады. Жангыз суу бла тюйюл, алай а суу бла эм къан бла келгенди. Анга шагъатлыкъ этген Нюрдю; нек десегиз Нюр хакъ кертиди.

II Ахия 1:9

Масихни юйретиуюн бузгъан эм ол юйретиуде турмагъан ким болсада, ол адамда Аллах жокъду; Масихни юйретиуюнде тургъанда Ата да, Улан да барды.

Билим Ачханы 1:5

Эм тюз шагъат болгъан, ёлгенледен биринчи болуп тиргизилген, дунияны патчахларыны Бийи Масих Иссадан сизге шафауат эм ырахатлыкъ болсун. Бизни сюйген, Кесини къаны бла гюняхларыбыздан бизни азат этген

Билим Ачханы 19:11

Сора мен кёк ачылгъанын эм анда акъ ат тургъанын кёрдюм. Атха минип тургъанны аты Тюздю эм Хакъ Кертиди. Ол, тюзлюк бла сюд этип, къазауат этеди.

Билим Ачханы 20:15

Сора жашау китабында аты жазылмагъан хар адам от кёлге атылды.

Билим Ачханы 22:1

Сора мёлек манга Аллахны эм Къозуну тахтасындан чыкъгъан, кристалл кибик жарыкъ, жашау сууну баргъан ариу сууун кёргюзтдю.

Билим Ачханы 22:17

Нюр да, келин да: «Кел!» – дейдиле. Эшитген да: «Кел!» – десин. Суусап болуп термилген келсин, алыргъа сюйген да жашау сууун хакъсыз алсын.

Билим Ачханы 3:14

«Лаодикиядагъы жамауатны мёлегине да былай жаз: Аллахны жаратханын Башлатыучу, тюз эм хакъ керти Шагъат Амин былай айтады:

Билим Ачханы 3:7

«Филадельфиядагъы жамауатны мёлегине да былай жаз: Сыйлы, Хакъ Керти, Анда Дауутну ачхычы болгъан, Ол ачса, бир киши да жапмазлыкъ, жапса, бир киши да ачмазлыкъ былай айтады: