Ахия 14:26 - Сыйлы Инжил бла Забур

²⁶ Ата Мени атым бла иерик, Жюрек Жапсарыучу, Сыйлы Нюр а, сизни хар неге да юйретир эм битеу Мен сизге айтханланы сизни эсигизге салыр.

Ахия 14:26 Iomraidhean Croise

Забур 51:11

Сени этгенинг ючюн, Санга ёмюрге да шукур этип эмда Сени атынга ышанып турлукъма, нек десенг Сени сыйлыларынгы аллында ол ахшылыкълыды.

Маттай 1:18

Масих Иссаны туугъаны былай болгъанды: Аны анасы Мариям Юсюп бла сёз тауусхан эди. Алай а, ала юйленип бирбирине къошулгъунчу, Мариямны Сыйлы Нюрден бууаз болгъаны белгили болгъанды.

Маттай 1:20

Алай а ол былай ойлагъан заманда, Раббийни бир мёлеги анга тюшюнде кёрюнюп: «Дауут улу Юсюп! Сен къатынынг Мариямны алыргъа къоркъма, нек десенг аны жаш орунунда жаратылгъан Сыйлы Нюрденди.

Маттай 28:19

Энди барыгъыз, битеу миллетлени юйретигиз, Атаны, Уланыны эмда Сыйлы Нюрню аты бла аланы сууда кёмюлдюрюгюз.

Маттай 3:11

Мен сизни тобагъа къайтышханыгъыз себепли сууда кёмюлдюреме, алай а мени ызымдан Келген менден кючлюдю; мен Аны аякъ кийимин элтирге да тийишли тюйюлме; Ол сизни Сыйлы Нюр бла эмда от бла кёмюлдюрлюкдю.

Марк 12:36

Нек десегиз Дауут кеси Сыйлы Нюрню кёллендириую бла: „Раббий мени Бийиме: ,Мен душманларынгы Сени аякъ тюбюнге салгъынчыгъа дери, Мени онг жанымда олтур‘, – дегенди“ деп айтханды.

Марк 13:11

Сизни сюдге берирге элтген заманларында уа, сиз не айтырбыз деп къайгъы этмегиз эм алгъадан ойламагъыз; алай а сизге ол сагъатда не берилсе, аны айтыгъыз; нек десегиз сиз айтырыкъ тюйюлсюз, алай а Сыйлы Нюр айтырыкъды.

Лука 1:15

Нек десенг ол Раббийни аллында уллу боллукъду, чагъыр эм эсиртиучю ичги ичерик тюйюлдю, анасыны къарынында заманындан окъуна Сыйлы Нюрден толлукъду.

Лука 1:35

Мёлек анга жууапха: «Санга Сыйлы Нюр тюшерикди эмда Аллаху-Тааланы кючю сени жабарыкъды. Ол себепден, туугъан Сыйлыгъа да Аллахны Уланы аталлыкъды.

Лука 1:41

Элизабет Мариямны салам бергенин эшитген заманда, аны къарынындагъы сабий ойнакълады. Элизабет да Сыйлы Нюрден толуп

Лука 1:67

Аны атасы Зекерия Сыйлы Нюрден толуп, файгъамбарлыкъ этип:

Лука 11:13

Алай бла, сиз огъурсуз болгъаныгъызлай да, сабийлеригизге ахшы саугъала берирге биле эсегиз, бегирек да кёкдеги Ата Андан тилегенлеге Сыйлы Нюрню берир», – деди.

Лука 2:25

Ол заманда Иерусалимде Шимон атлы бир адам бар эди. Ол Израильни жапсарыллыкъ заманын сакълагъан, тюзлюклю эм дин ахлу киши эди эм аны юсюнде Сыйлы Нюр бар эди.

Лука 24:49

Мен сизге Атамы берирге айтханын иерикме, сиз а, огъартындан кюч алгъынчы, Иерусалим шахарда къалыгъыз», – деди.

Лука 3:22

Анга Сыйлы Нюр, кёгюрчюн кибик, сан сыфатда тюшдю эмда Анга кёкледен: «Сен Мени сюйюлюннген Уланымса; Мен Санга ыразыма», – деген ауаз келди.

Ахия 1:33

Мен Аны танымай эдим; алай а мени адамланы сууда кёмюлдюртюрге Ийген, манга: „Нюр Кимни юсюне тюшгенин эм Аны юсюнде тургъанын кёрсенг, Олду – Сыйлы Нюр бла кёмюлдюрюучю“ деп айтханды;

Ахия 12:16

Аны сохталары алгъа муну ангыламагъан эдиле; Исса махтаулу болгъан заманда уа, Аны юсюнден былай жазылгъанын эм муну Анга этгенлерин эслерине тюшюрген эдиле.

Ахия 14:16

Мен да Атадан тилерме эм Ол сизге, биргегизге ёмюрде да турлукъ башха Жюрек Жапсарыучуну, Хакъ Кертини Нюрюн берир.

Ахия 14:25

Муну уа Мен сизге, сизни бла тургъанымда айтдым.

Ахия 15:26

Мен сизге Атадан иерик Жюрек Жапсарыучу – Кеси Атадан чыгъа тургъан Хакъ Кертини Нюрю – келген заманда уа, Ол Мени юсюмден шагъатлыкъ этерикди.

Ахия 16:7

Алай болсада, Мен сизге тюзюн айтама, сизге Мени кетгеним игиди. Нек десегиз Мен кетмесем, Жюрек Жапсарыучу сизге келлик тюйюлдю; кетсем а, Аны сизге иерикме.

Ахия 2:22

Исса ёлгенледен тиргизилген заманда уа, Ол алай айтханын, Аны сохталары эслерине тюшюрген эдиле эм Китаплагъа да, Иссаны ол айтхан сёзюне да ийнаннган эдиле.

Ахия 20:22

Муну айтханлай, юфгюрюп алагъа: «Сыйлы Нюрню алыгъыз.

Ахия 6:45

Файгъамбарланы Китапларында: „Барысын да Аллах юйретирикди“ деп жазылгъанды. Атадан эшитип юйреннген хар адам Манга келеди.

Ахия 7:39

Муну уа Ол, Анга ийнаннганла аллыкъ Нюрню юсюнден айтхан эди. Алагъа алыкъа Сыйлы Нюр берилмеген эди, нек десегиз Исса алыкъа махтаулу болмагъан эди.

Ишлери 1:2

Аны хар не этгенини эм неге юйретгенини юсюнден жазгъан эдим.

Ишлери 1:4

Сора, ала бла кёрюшюп, алагъа былай буйрукъ бергенди: «Иерусалимден кетмей, сиз Менден эшитген, Ата берирге айтханны сакълагъыз;

Ишлери 1:8

Сиз а Сыйлы Нюр юсюгюзге тюшгенде кюч алырсыз, сора Иерусалимде, битеу Иудеяда, Самарияда эм жерни этегине дери да Мени шагъатларым болурсуз», – деди.

Ишлери 11:16

Ол заманда Раббийни: „Ахия суу бла кёмюлдюргенди, сиз а Сыйлы Нюр бла кёмюлдюрюллюксюз“ деп айтхан сёзю мени эсиме тюшдю.

Ишлери 13:2

Ала, ораза тутуп, Раббийге къуллукъ этген заманда, алагъа Сыйлы Нюр: «Барнабаны бла Шауулну Манга айырып, Мен алагъа буюргъан ишге ийигиз», – деп айтды.

Ишлери 13:4

Алай бла Сыйлы Нюр ийген бу эки адам, Селевкиягъа келдиле, андан а кеме бла Кипрге кетдиле.

Ишлери 15:28

Нек десегиз Сыйлы Нюрге да, бизге да сизни боюнугъузгъа бу бек керекли жорукъладан башха жюк салмазгъа тийишли кёрюнеди:

Ишлери 15:8

Адамланы жюреклерин билген Аллах а, Сыйлы Нюрню бизге бергени кибик, алагъа да берип, аланы къабыл этгенин кёргюзтгенди.

Ишлери 16:6

Сыйлы Нюр аланы Аллахны сёзюн Асияда билдирирге къоймагъаны себепли, Пауул бла нёгерлери, Фригияны бла Галатия къыралны юсю бла бардыла.

Ишлери 2:33

Алай бла Ол, Аллахны онг жанына чыгъарылып, Атадан, Ол берирге айтхан Сыйлы Нюрню алып, энди, сиз кёргенча эм эшитгенча, бу Нюрню юсюбюзге къуйгъанды.

Ишлери 2:4

Ийнаннганланы барысы да Сыйлы Нюрден толдула эм Нюр алагъа айтыргъа берген башха-башха тилледе сёлешип башладыла.

Ишлери 20:28

Ол себепден кесигизге да, Сыйлы Нюр сизни кютюучюле этип салгъан битеу сюрюуге да сакъ болуп къарагъыз. Раббийни эм Аллахны жамауатын, Ол Кеси къаны бла сатып алгъан жамауатны кютюгюз.

Ишлери 20:35

Мен этген хар ишде сизге, алай урунуп, къарыусузлагъа болушургъа эмда Раббий Иссаны Кеси: „Алгъандан эсе, берген насыплыды“ деп айтхан сёзюн эсде тутаргъа керек болгъанын кёргюзтгенме» деп сёлешди.

Ишлери 28:25

Ала бир-бирлери бла келишмей кетип башлагъан заманда Пауул алагъа бу сёзню айтды: «Сыйлы Нюр, Иешая файгъамбарны юсю бла аталарыбызгъа былай тап айтханды:

Ишлери 5:3

Петер а анга: «Ханания! Жюрегинги шайтаннга нек бердинг, Сыйлы Нюрге ётюрюк айтып жеринги багъасыны бир кесегин кесинге нек къойдунг?

Ишлери 7:51

Къаты боюнлула! Жюреклерине бла къулакъларына сюннет этилмеген адамла! Сиз хар заманда да Сыйлы Нюрге къажау кюрешесиз, аталарыгъыз къалай этген эселе да, сиз да алай этесиз.

Ишлери 7:55

Истефан а Сыйлы Нюрден толуп, кёкге къарап, Аллахны аламатлыгъын эмда Иссаны Аллахны онг жанында сюелип тургъанын кёрюп:

Римлилеге 14:17

Нек десегиз Аллахны Патчахлыгъы аш бла суусун тюйюлдю, алай а тюзлюклюлюк, жарашыулукъ эмда Сыйлы Нюрде къууанчды.

Римлилеге 15:13

Умут берген Аллах, сиз Сыйлы Нюрню кючюнден ышаныу бла бай болур ючюн ийманда сизни хар тюрлю къууанчдан эм ырахатлыкъдан толтурсун.

Римлилеге 15:16

Аллахны шафауаты бла мен Масих Иссагъа миллетледе къуллукъ этиучю болгъанма. Миллетле Сыйлы Нюр бла сыйлы болуп, Аллахны ыразы этген къурман болур ючюн, мен Аллахны Хайыр Хапарын дин къуллукъчуча жаяма.

Римлилеге 5:5

Ышаныу а айыплы этмейди; нек десегиз бизге берилген Сыйлы Нюрню юсю бла бизни жюреклерибизге Аллахны сюймеклиги къуюлгъанды.

I Коринфлилеге 12:3

Ол себепден сизге айтама, Аллахны Нюрю бла сёлешген бир адам да, Иссагъа налат бермез эм бир адам да Сыйлы Нюр бла болмаса, Иссагъа Раббий деп айталмаз.

I Коринфлилеге 6:19

Сизни чархларыгъыз, сиз Аллахдан алгъан, Ол сизде жашагъан Сыйлы Нюрню юйю болгъанын эмда сиз кесигизге ие болмагъаныгъызны билмеймисиз?

II Коринфлилеге 6:6

Тазалыкъда, билимде, чыдамлылыкъда, ахшылыкъ этиуде, Сыйлы Нюрде, кёзбаусуз сюймекликде,

Эфеслилеге 1:13

Сиз да Масихде, хакъ кертини юсюнден сёзню – сизни къутхарылыуугъузну Хайыр Хапарын – эшитип анга ийнаннганыгъызда, ант сёз бла берилген Сыйлы Нюр бла мухурланнгансыз.

Эфеслилеге 1:17

Раббийибиз Масих Иссаны Аллахы, махтаулу Ата, сиз Аны таныр ючюн сизни акъылман этерик эм сизге билим ачарыкъ Нюрюн берсин деп тилейме.

Эфеслилеге 4:30

Эмда Аллахны Сыйлы Нюрюн жарсытмагъыз. Ол сизни гюняхларыгъыздан азат болур кюнюгюзге мухурлагъанды.

I Фесалоникачылагъа 4:8

Алай бла, бу юйретиуню къабыл этмеген, адамны тюйюл, алай а бизге Кесини Сыйлы Нюрюн берген Аллахны къабыл этмей къояды.

II Тимотейге 1:14

Санга ышанып берилген огъурлу окъууну бизде жашагъан Сыйлы Нюрню болушлугъу бла сакъла!

Титге 3:5

Ол бизни, биз этген тюзлюклю ишле бла тюйюл, алай а Кесини мархаматы бла, Сыйлы Нюр бла жангыдан туудуруу эм жангыртыу хамам бла къутхаргъанды.

Чюйютлелеге 10:15

Аны юсюнден бизге Сыйлы Нюр да шагъатлыкъ этеди, нек десегиз:

Чюйютлелеге 2:4

Аллах да ол хапаргъа илишанла бла, сейирликле бла, кёп тюрлю къудуретли ишле бла эмда Сыйлы Нюрню саугъалары бла шагъатлыкъ этгенди; аланы уа адамлагъа Кеси сюйгенча юлешгенди.

Чюйютлелеге 3:7

Ол себепден, Сыйлы Нюрню айтханыча, «Бюгюн Аны ауазын эшитсегиз,

Чюйютлелеге 9:8

Биринчи чатыр тургъанлыкъдан алыкъа сыйлы жерге жол ачылмагъанын Сыйлы Нюр муну бла кёргюзтеди.

I Петер 1:12

Кёкледен ийилген Сыйлы Нюр бла Хайыр Хапарны айтханланы энди сизге билдиргенлерини хайыры, аланы кеслерине тюйюл, сизге жарагъаны алагъа ачыкъ болгъанды. Бу затлагъа уа мёлекле да къараргъа талпыйдыла.

II Петер 1:21

Нек десегиз бир заманда да файгъамбарлыкъ адамны излеую бла келмегенди, алай а Аллахны сыйлы адамлары аланы Сыйлы Нюр жюрютгени себепли айтхандыла.

I Ахия 2:20

Алай а сиз Сыйлы Нюрден майланнгансыз эм нени да билесиз.

I Ахия 2:27

Алай а, сиз Масихден алгъан майланыу сизде болуп турады эм сизни киши юйретир кереклигиз да жокъду; алай а сизни хар неге да юйретген ол майланыу жалгъан тюйюл, керти болгъаны себепли, ол сизни юйретгени кибик, Масихде болуп туругъуз.

I Ахия 5:7

Нек десегиз кёкде шагъатлыкъ этгенле ючдюле: Ата, Сёз, Сыйлы Нюр. Быланы ючюсюню да болуму бирди.

Яхуда 1:20

Сиз а, сюйюлюннгенле, эм сыйлы ийманыгъыз бла кесигизни кючлендирип, Сыйлы Нюр бла тилек этигиз.

Билим Ачханы 2:11

Нюрню жамауатлагъа не айтханын къулагъы болгъан эшитсин: хорлагъан экинчи ёлюмден заран кёрлюк тюйюлдю“».