Ахия 14:17 - Сыйлы Инжил бла Забур

¹⁷ Аны уа дуния къабыл эталмайды, нек десегиз Аны кёрмейди эм танымайды. Сиз а таныйсыз Аны, нек десегиз Ол сизни бла болуп турады эм ичигизде боллукъду.

Ахия 14:17 Iomraidhean Croise

Маттай 10:20

Ол себепден сиз айтырыкъ тюйюлсюз, алай а сизни Атагъызны Нюрю сизни ичигизде айтып турлукъду.

Ахия 14:16

Мен да Атадан тилерме эм Ол сизге, биргегизге ёмюрде да турлукъ башха Жюрек Жапсарыучуну, Хакъ Кертини Нюрюн берир.

Ахия 14:23

Исса анга жууапха былай айтды: «Мени сюйген адам, Мени сёзюмю тутады; Мени Атам да аны сюерикди, Биз да анга келликбиз эмда анда мекям этерикбиз.

Ахия 15:26

Мен сизге Атадан иерик Жюрек Жапсарыучу – Кеси Атадан чыгъа тургъан Хакъ Кертини Нюрю – келген заманда уа, Ол Мени юсюмден шагъатлыкъ этерикди.

Ахия 16:13

Ол, Хакъ Кертини Нюрю келген заманда уа, сизни хар тюрлю кертиликге тюзетирикди; нек десегиз Ол Кесинден айтырыкъ тюйюлдю, алай а не эшитсе да, аны айтырыкъды эмда боллукъну сизге билдирликди.

Ахия 6:40

Уланны кёрген эм Анга ийнаннган хар адамны ёмюрлюк жашауу болургъа, Мени ийген Атаны буйругъу олду; Мен да аны ахыр кюн тиргизирикме», – деди.

I Коринфлилеге 14:15

Сора не этейим? Нюрюм бла да этерикме тилек, акъылым бла да этерикме тилек; нюрюм бла да зикир айтырыкъма, акъылым бла да зикир айтырыкъма.

I Коринфлилеге 2:14

Табийгъат халы бла адам Аллахны Нюрюнден болгъан затланы къабыл этмейди. Нек десегиз ол быланы акъылсызлыкъгъа санайды, быланы юсюнден нюр бла оюм этилгени себепли, быланы ангыларгъа болалмайды.

I Коринфлилеге 3:16

Сиз Аллахны юйю болгъаныгъызны эм Аллахны Нюрю сизде жашагъанын билмеймисиз?

I Коринфлилеге 6:19

Сизни чархларыгъыз, сиз Аллахдан алгъан, Ол сизде жашагъан Сыйлы Нюрню юйю болгъанын эмда сиз кесигизге ие болмагъаныгъызны билмеймисиз?

II Коринфлилеге 13:5

Сиз иймандамысыз – кесигиз-кесигизни сынагъыз, кесигиз-кесигизни тинтип къарагъыз. Масих Иссаны сизде болгъанын сиз кесигиз билмеймисиз? Алай болмаса, сиз сыналыугъа чыдаялмай къалыр эдигиз.

II Коринфлилеге 6:16

Аллахны юйюню идолла бла бирге не келишиую барды? Нек десегиз сиз, жашау берген Аллахны юйюсюз: «Алада мекям салып, араларында жюрюрюкме. Мен аланы Аллахы боллукъма, ала да Мени халкъым боллукъдула, – деп Аллахны айтханы кибик.

Галатиялылагъа 4:6

Сиз а уланлары болгъаныгъыз себепли, Аллах сизни жюреклеригизге: «Абба, Атам!», – деп къычыргъан Кесини Уланыны Нюрюн ийгенди.

Эфеслилеге 2:22

Аны юсюнде сиз да бирге къуралып Сыйлы Нюрню юсю бла Аллахны жашагъан жери болгъансыз.

Эфеслилеге 3:17

Ийманыгъыз бла Масих жюреклеригизде жашасын деп тилейме.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

II Тимотейге 1:14

Санга ышанып берилген огъурлу окъууну бизде жашагъан Сыйлы Нюрню болушлугъу бла сакъла!

I Ахия 2:27

Алай а, сиз Масихден алгъан майланыу сизде болуп турады эм сизни киши юйретир кереклигиз да жокъду; алай а сизни хар неге да юйретген ол майланыу жалгъан тюйюл, керти болгъаны себепли, ол сизни юйретгени кибик, Масихде болуп туругъуз.

I Ахия 3:24

Аллахны фарызларын тутхан адам, Аллахда жашайды, Аллах да ол адамда жашайды. Аллах бизде жашагъанын, Ол бизге берген Нюрден билебиз.

I Ахия 4:4

Сабийле! Сиз Аллахдансыз эм жалгъан файгъамбарланы хорлагъансыз; нек десегиз Ол сизде болгъан, бу дунияда болгъандан уллуду.

I Ахия 4:6

Биз Аллахданбыз; Аллахны таныгъан бизге тынгылайды; Аллахдан болмагъан адам бизге тынгыламайды. Хакъ кертини Нюрюн эмда ажашыуну нюрюн а аны бла айырып таныйбыз.

I Ахия 5:7

Нек десегиз кёкде шагъатлыкъ этгенле ючдюле: Ата, Сёз, Сыйлы Нюр. Быланы ючюсюню да болуму бирди.

Билим Ачханы 2:17

Нюрню жамауатлагъа не айтханын, къулагъы болгъан эшитсин: хорлагъаннга жашырын сакъланнган маннаны ашаргъа эркинлик берликме эм анга жангы ат жазылгъан акъ таш берликме; ол атны уа ташны алгъан адамдан башха бир киши да билмейди“».