Ахия 14:16 - Сыйлы Инжил бла Забур

¹⁶ Мен да Атадан тилерме эм Ол сизге, биргегизге ёмюрде да турлукъ башха Жюрек Жапсарыучуну, Хакъ Кертини Нюрюн берир.

Ахия 14:16 Iomraidhean Croise

Маттай 28:20

Битеу Мен сизге буюргъанны тутаргъа аланы юйретигиз; ма, Мен, бу ёмюрню ахырына дери хар кюн да сизни блама», – деди. Амин.

Ахия 14:14

Мени атым бла Менден не тилесегиз да, Мен аны этерикме».

Ахия 14:18

Сизни ёксюз къоярыкъ тюйюлме, сизге къайтырыкъма.

Ахия 14:26

Ата Мени атым бла иерик, Жюрек Жапсарыучу, Сыйлы Нюр а, сизни хар неге да юйретир эм битеу Мен сизге айтханланы сизни эсигизге салыр.

Ахия 15:26

Мен сизге Атадан иерик Жюрек Жапсарыучу – Кеси Атадан чыгъа тургъан Хакъ Кертини Нюрю – келген заманда уа, Ол Мени юсюмден шагъатлыкъ этерикди.

Ахия 16:22

Энди сизни да алай бушууугъуз барды; алай а Мен сизни энтда кёрлюкме, сора сизни жюрегигиз къууанырыкъды, сизни къууанчыгъызны сизден бир киши да сыйырлыкъ тюйюлдю.

Ахия 17:15

Сен аланы дуниядан ал деп тилек этмейме, алай а Сен аланы аманлыкъдан сакъла деп тилек этеме.

Ахия 17:20

Жаланда ала ючюн тилек этип къоймайма, алай а аланы сёзлери бла Манга ийнаннганла ючюн да тилек этеме:

Ахия 4:14

Мен берлик суудан ичген адам а ёмюрге да суусап боллукъ тюйюлдю; алай а, Мен анга берлик суу, аны ичинде, ёмюрлюк жашаугъа акъгъан шаудан суу боллукъду», – деди.

Ахия 7:39

Муну уа Ол, Анга ийнаннганла аллыкъ Нюрню юсюнден айтхан эди. Алагъа алыкъа Сыйлы Нюр берилмеген эди, нек десегиз Исса алыкъа махтаулу болмагъан эди.

Ишлери 1:4

Сора, ала бла кёрюшюп, алагъа былай буйрукъ бергенди: «Иерусалимден кетмей, сиз Менден эшитген, Ата берирге айтханны сакълагъыз;

Ишлери 13:52

Сохтала уа къууанчдан эмда Сыйлы Нюрден тола эдиле.

Ишлери 9:31

Битеу Иудеяда, Галилеяда эм Самарияда болгъан жамауат ла ырахатлыкъда эди ле. Ийманда ёсе, Раббийден къоркъуу бла жашай, Сыйлы Нюрден кёлленип кёп бола эди ле.

Римлилеге 14:17

Нек десегиз Аллахны Патчахлыгъы аш бла суусун тюйюлдю, алай а тюзлюклюлюк, жарашыулукъ эмда Сыйлы Нюрде къууанчды.

Римлилеге 15:13

Умут берген Аллах, сиз Сыйлы Нюрню кючюнден ышаныу бла бай болур ючюн ийманда сизни хар тюрлю къууанчдан эм ырахатлыкъдан толтурсун.

Римлилеге 5:5

Ышаныу а айыплы этмейди; нек десегиз бизге берилген Сыйлы Нюрню юсю бла бизни жюреклерибизге Аллахны сюймеклиги къуюлгъанды.

Римлилеге 8:34

Ким айып этеди? Масих Исса ёлгенди, алай болгъанлыкъгъа тиргизилгенди. Ол Аллахны онг жанындады, Ол бизни ючюн ёкюллюк этеди.

Галатиялылагъа 5:22

Сыйлы Нюрню битими уа: сюймеклик, къууанч, жарашыулукъ, тёзюмлюлюк, ахшылыкъ, огъурлулукъ, ышаннгылылыкъ,

II Фесалоникачылагъа 2:16

Бизни Раббийибиз Масих Исса Кеси эм бизни сюйюп шафауаты бла ёмюрлюк жапсарылыуну эмда ахшы умутну берген бизни Атабыз Аллах,

Чюйютлелеге 7:25

Ол себепден Ол Аны юсю бла Аллахха жууукълашханланы толусунлай къутхарыргъа болаллыкъды, нек десегиз, алагъа ёкюллюк этер ючюн, хар заманда да сау жашап турады.

I Ахия 2:1

Сабийлерим! Быланы сизге сиз гюнях этмез ючюн жазама; гюнях этген адам бар эсе уа, тюзлюклю Масих Исса Атаны аллында бизни Ёкюлюбюздю.

I Ахия 2:27

Алай а, сиз Масихден алгъан майланыу сизде болуп турады эм сизни киши юйретир кереклигиз да жокъду; алай а сизни хар неге да юйретген ол майланыу жалгъан тюйюл, керти болгъаны себепли, ол сизни юйретгени кибик, Масихде болуп туругъуз.

II Ахия 1:2

Нек десегиз хакъ керти бизде жашайды эм ёмюрде да бизни бла боллукъду.