Ахия 14:13 - Сыйлы Инжил бла Забур

¹³ Ата Уланыны юсю бла махтаулу болур ючюн, Мени атым бла не тилесегиз да, аны этерикме.

Ахия 14:13 Iomraidhean Croise

Маттай 21:22

Тилегигизде ийнанып, не тилесегиз да, аллыкъсыз», – деди.

Маттай 7:7

«Тилегиз – берилир сизге; излегиз – табарсыз; эшикни къагъыгъыз – ачарла сизге.

Марк 11:24

Ол себепден сизге айтама: тилегигизде не тилесегиз да, алгъаныгъызгъа ийнаныгъыз – болур сизге.

Лука 11:9

Мен да сизге айтайым: тилегиз – берилир сизге, излегиз – табарсыз, (эшикни) къагъыгъыз – ачылыр сизге.

Ахия 10:30

Мен бла Ата бирбиз», – деп жууап этди.

Ахия 12:44

Исса уа, уллу айтып: «Манга ийнаннган, Манга тюйюл, Мени Ийгеннге ийнанады.

Ахия 13:31

Иуда чыкъгъан заманда, Исса: «Энди Адам Улу махтаулу болду, Аллах да Анда махтаулу болду.

Ахия 14:14

Мени атым бла Менден не тилесегиз да, Мен аны этерикме».

Ахия 14:6

Исса анга: «Жол да, хакъ керти да, жашау да Менме; Мени юсюм бла болмаса, Атагъа бир киши да келмейди.

Ахия 15:16

Мени сиз сайламагъансыз, Мен сайлагъанма сизни, сиз барыр ючюн эм битим келтирир ючюн эмда сизни битимигиз болуп турур ючюн салгъанма сизни; Атадан Мени атым бла не тилесегиз да, Ол сизге берир ючюн алай этгенме.

Ахия 15:7

Менде болуп турсагъыз эм Мени сёзлерим да сизде болуп турсала, не сюйсегиз да тилегиз, сизге берилликди.

Ахия 16:23

Ол кюн сиз Манга бир затны юсюнден да сорлукъ тюйюлсюз. Кертисин, кертисин айтама сизге: Мени атым бла Атадан не тилесегиз да, берликди сизге.

Ахия 16:26

Ол кюн Мени атым бла тилериксиз, сизни ючюн Атадан Мен тилерикме демейме сизге.

Ахия 16:7

Алай болсада, Мен сизге тюзюн айтама, сизге Мени кетгеним игиди. Нек десегиз Мен кетмесем, Жюрек Жапсарыучу сизге келлик тюйюлдю; кетсем а, Аны сизге иерикме.

Ахия 4:10

Исса анга жууапха: «Сен Аллахны саугъасын билсенг эди эмда санга: „Манга бир суу ичирчи“ деген ким болгъанын билсенг эди, сен кесинг Андан тилер эдинг, Ол да санга жашау бериучю суу берир эди», – деди.

Ахия 4:14

Мен берлик суудан ичген адам а ёмюрге да суусап боллукъ тюйюлдю; алай а, Мен анга берлик суу, аны ичинде, ёмюрлюк жашаугъа акъгъан шаудан суу боллукъду», – деди.

Ахия 5:19

Бу затха Исса: «Кертисин, кертисин айтама сизге: Улан Атасыны эте тургъанын кёрмесе, Кеси-Кесинден бир зат да эталлыкъ тюйюлдю; Ол не эте эсе да, Улан да алай этеди.

Ахия 7:37

Байрамны ахыргъы, уллу кюнюнде уа Исса, ёрге туруп, уллу ауаз бла: «Суусап болгъан адам, Манга келсин да ичсин!

I Коринфлилеге 14:13

Ол себепден а билинмеген тилде сёлешген, кёчюрюрге фахмусу болур ючюн тилек этсин.

Эфеслилеге 2:18

Нек десегиз Аны юсю бла эки къауумубузну да, бир Нюрде Атагъа барыргъа жолубуз барды.

Эфеслилеге 3:12

Масихде уа, бизни Анга ийнаныуубуз бла, Аллахха таукеллик бла эм ышаныу бла жууукълашыргъа амалыбыз барды.

Эфеслилеге 3:14

Ол себепден, кёкледе да, жерде да хар тюрлю аталыкъ да Андан аталгъан,

Колослулагъа 3:17

Эм сёз бла неда иш бла сиз не эте эсегиз да, барын да Раббий Масих Иссаны аты бла, Аны юсю бла Аллах Атагъа шукур этип тындырыгъыз.

Чюйютлелеге 13:15

Ол себепден Иссаны юсю бла Аллахха къурман орунуна тохтаусуз махтау салып, Аны атына барына да эшитдирип шукур этип турайыкъ.

Чюйютлелеге 4:15

Нек десегиз бизни Баш Дин Къуллукъчубуз къарыусузлукъларыбызда бизге жазыкъсыналмазча аллай тюйюлдю. Ол хар не жаны бла да бизни кибик сыналгъанды, алай а гюнях этмегенди.

Чюйютлелеге 7:25

Ол себепден Ол Аны юсю бла Аллахха жууукълашханланы толусунлай къутхарыргъа болаллыкъды, нек десегиз, алагъа ёкюллюк этер ючюн, хар заманда да сау жашап турады.

Якъуп 1:5

Сизде акъылманлыгъы жетишмеген адам а барысына да гурушхасыз чомарт бериучю Аллахдан тилесин, анга берилир.

Якъуп 5:16

Сау этилир ючюн, кеси гюняхларыгъызны бир-биригизге айтып ачыкъ этигиз эм бири-биригиз ючюн тилек этигиз; тюзлюклюню къаты тилеги кёп зат этерге болаллыкъды.

I Петер 2:5

Кесигиз да, тири ташла кибик, кесикесигизден нюр юй къурагъыз; алай бла сиз, Масих Иссаны юсю бла Аллахны ыразы этерча, нюр къурманла этер ючюн, Аллахха сыйлы къуллукъ этиучюле болурсуз.

I Ахия 3:22

Эм не тилесек да, Андан аллыкъбыз, нек десегиз Аны фарызларын тутабыз эмда Ол ыразы болгъан затланы этебиз.

I Ахия 5:14

Ма, бизни Аны аллында къаллай таукеллигибиз барды: Аны буйругъуна кёре, биз Андан не тилесек да, Ол бизге тынгылайды.