Ахия 13:31 - Сыйлы Инжил бла Забур

³¹ Иуда чыкъгъан заманда, Исса: «Энди Адам Улу махтаулу болду, Аллах да Анда махтаулу болду.

Ахия 13:31 Iomraidhean Croise

Маттай 8:20

Анга Исса: «Тюлкюлени тешиклери, кёкдеги къанатлыланы да уялары барды; Адам Улуну уа, башын салыр жери да жокъду», – деди.

Лука 12:50

Мен (башха) кёмюлдюрюлюу бла кёмюлдюрюлюрге керекме эмда ол иш болгъунчу, Мен къалай термилеме!

Ахия 11:4

Исса, муну эшитип: «Бу ауруу ёлюмге тюйюлдю; Аллахны махтауунады, аны юсю бла Аллахны Уланы махтаулу болур ючюндю», – деди.

Ахия 12:23

Исса уа алагъа жууапха: «Адам Улуну махтаулу болур сагъаты келди.

Ахия 12:28

Ата! Атынгы махтаулу эт!» – деди. Ол заманда кёкден: «Махтаулу да этгенме эм энтда махтаулу этерикме», – деген ауаз келди.

Ахия 14:13

Ата Уланыны юсю бла махтаулу болур ючюн, Мени атым бла не тилесегиз да, аны этерикме.

Ахия 16:14

Ол Мени махтаулу этерикди, нек десегиз Меникинден алып, сизге билдирликди.

Ахия 7:39

Муну уа Ол, Анга ийнаннганла аллыкъ Нюрню юсюнден айтхан эди. Алагъа алыкъа Сыйлы Нюр берилмеген эди, нек десегиз Исса алыкъа махтаулу болмагъан эди.

Ишлери 2:36

Алай бла битеу Израильни юйюрю, къаты билигиз, бу сиз къачха керген Иссаны, Аллах Бий эм Масих этгенди», – деп сёлешди.

Ишлери 3:13

Ибрахимни, Исхакъны, Якъупну Аллахы, бизни аталарыбызны Аллахы, Кесини Уланы Иссаны махтаулу этгенди. Сиз а Аны сатхансыз эм Пилат Аны эркин этерге оноу этгенде, сиз Аны Пилатны аллында инкяр этгенсиз.

II Коринфлилеге 3:18

Биз а барыбыз да, кюзгюде кибик, ачыкъ бетли болуп, Раббийни аламатлыгъына къарап, Анга ушаш болур ючюн аламатлыкъны бир даражасындан бир даражасына тюрленебиз; бу да Раббийни Нюрюню юсю бла болады.

Эфеслилеге 1:12

Алай бла биз, Масиххе эрттеден ышаннганла, Аллахны аламатлыгъына махтау салыныр ючюн жашайыкъ.

Эфеслилеге 2:7

Ол, Масих Иссада бизге этген игилик бла, Кесини шафауатыны мардасыз уллу байлыгъын келлик ёмюрледе кёргюзтюр ючюн алай этгенди.

Эфеслилеге 3:10

Аллах, Кесини кёп тюрлю акъылманлыгъы энди Жамауатыны юсю бла кёкледеги башчылагъа бла властьлагъа белгили болур ючюн, алай этгенди.

I Петер 1:21

Аны ёлгенледен тиргизип, Анга махтау берген Аллахха Аны юсю бла ийнанасыз. Алай бла ийнаныуугъуз эм ышаныуугъуз Аллаххады.

I Петер 2:12

Эм ийнанмагъан адамланы арасында жашауугъузну хайырлы ишле бла бардырыгъыз, сизге аманлыкъчылагъача аман сёзле айтханла, сизни хайырлы ишлеригизни кёрюп, алагъа жууукълашхан кюнюнде Аллахха махтау салсынла.

I Петер 4:11

Сёлешген адам Аллахны сёзлерин ангылатыр кибик сёлешсин. Къуллукъ этген адам да Аллах берген кючюне кёре къуллукъ этсин. Алай бла Масих Иссаны юсю бла Аллахха хар не жаны бла да махтау салынсын. Махтау да, бийлик да ёмюрледен ёмюрлеге да Аныды. Амин.