Ахия 12:42 - Сыйлы Инжил бла Забур

⁴² Алай болгъанлыкъгъа оноучуладан да кёпле Иссагъа ийнаннган эдиле, алай а, синагогадан къысталмаз ючюн, фарисейле амалтын ийнаннганларын ачыкъламай эдиле.

Ахия 12:42 Iomraidhean Croise

Маттай 10:32

Манга ийнанып, адамланы аллында Мени ачыкъ къабыл этген ким болсада, Мен да аны Мени Кёкдеги Атамы аллында ачыкъ къабыл этерикме;

Лука 12:8

Сизге айтама: Манга ийнанып адамланы аллында Мени ачыкъ къабыл этген хар адамны, Адам Улу да Аллахны мёлеклерини аллында ачыкъ къабыл этерикди.

Лука 23:13

Пилат а, баш дин къуллукъчуланы, таматаланы эм халкъны жыйып,

Лука 6:22

Адам Улу ючюн сизни адамла кёрюп болмагъан заманда, сизни (жамауатдан) къыстагъан, сёкген эм сизни атыгъызны аманнга чыгъаргъан заманда сиз насыплысыз.

Ахия 11:45

Ол заманда Мариямгъа келген эм Иссаны этген ишлерин кёрген иудейлиледен кёбюсю Анга ийнандыла.

Ахия 12:11

Нек десегиз Лазарьны себебинден иудейлиледен кёпле, келип, Иссагъа ийнана эдиле.

Ахия 16:2

Сизни синагогаладан къыстарыкъдыла, сизни ёлтюрген хар адам аны бла Аллахха къуллукъ этген сунарыкъ заман окъуна келеди.

Ахия 19:38

Андан сора Араматиялы Юсюп, Иссаны ёлюгюн къачдан тюшюрюрге, Пилатдан эркинлик тиледи. Юсюп Иссаны сохтасы эди, алай а, иудейлиледен къоркъгъанындан, жашыртын сохта эди. Пилат да эркинлик берди. Юсюп, барып, Иссаны ёлюгюн къачдан тюшюрдю.

Ахия 3:2

Ол, Иссагъа кече келип, Анга: «Устаз! Сен Аллахдан келген Устаз болгъанынгы биз билебиз; нек десенг бир киши да, Аллах аны бла бирге болмаса, Сен этген илишанланы эталлыкъ тюйюлдю», – дегенди.

Ахия 7:13

Алай болсада, иудейлиледен къоркъгъандан, бир киши да Аны юсюнден ачыкъ айтмады.

Ахия 7:31

Халкъдан кёпле уа Анга ийнаннган эдиле эм: «Масих келсе, Бу этген илишанладан кёп этерми?» – дей эдиле.

Ахия 9:22

Иудейлиледен къоркъгъанлары себепли, аны атасы-анасы алай жууап этген эдиле; нек десегиз иудейлиле, Исса Масихди деп ачыкъ айтхан адамны синагогадан къыстаргъа оноу этген эдиле.

Ахия 9:34

Анга жууапха: «Саулай гюняхларынг бла туугъанса, сен да бизними юйретирге кюрешесе?» – дедиле да, аны тышына къыстадыла.

Ишлери 5:41

Абустолла уа Раббий Иссаны аты ючюн сансыз этилирге тийишли кёрюлгенлерине къууанып, синедриондан кетдиле.

Римлилеге 10:10

Нек десенг адам жюреги бла ийнанып ариуланады, ийнаннганына уа ауузу бла шагъатлыкъ этип къутхарылады.

I Ахия 4:15

Исса Аллахны Уланы болгъанын ким ачыкъ къабыл этсе, Аллах ол адамда, ол да Аллахда жашайды.

I Ахия 4:2

Аллахны Нюрюн былай билигиз: адам чархы бла келген Масих Иссаны ачыкъ къабыл этген нюр Аллахданды.