Ахия 12:36 - Сыйлы Инжил бла Забур

³⁶ Жарыкъ сизни бла болгъан заманда жарыкъгъа ийнаныгъыз, алай бла жарыкъны уланлары болурсуз», – деди. Муну айтханлай, Исса, кетип, алагъа кёрюнмей къалды.

Ахия 12:36 Iomraidhean Croise

Маттай 21:17

Сора аланы къоюп, шахардан чыгъып, Бейтхиниге кетди эм кечени анда ашырды.

Маттай 5:14

Сиз – дунияны жарыгъысыз. Тау башындагъы шахар кёрюнмей туралмаз.

Лука 16:8

Сора бий, ышаннгысыз юй жюрютюучюсюн эслеп, этгени ючюн махтагъанды, нек десегиз бу ёмюрню адамлары кеслерини тукъумларында жарыкъны уланларындан эсе эслидиле.

Ахия 1:7

Ол шагъатлыкъ этерге келгенди; Жарыкъны юсюнден шагъатлыкъ этер ючюн, аны юсю бла бары да ийман салыр ючюн келгенди.

Ахия 11:54

Ол себепден Исса энди иудейлилени арасында ачыкъ жюрюмеди, андан а къум тюзге жууукъ жерни Эфраим атлы шахарына барып, сохталары бла анда турду.

Ахия 12:37

Ол аланы алларында аллай бир илишанла этгенлей да ала Анга ийнанмагъан эдиле.

Ахия 12:46

Манга ийнаннган бир адам да къарангылыкъда къалмаз ючюн, Мен дуниягъа келген жарыкъма.

Ахия 3:21

Кертиликни жашауда бардырыучу уа, ишлерин Аллахны болушлугъу бла этгени белгили болур ючюн, жарыкъгъа барады».

Ахия 8:12

Исса дагъыда халкъгъа сёлешди эм: «Мен дунияны жарыгъыма; Мени ызымдан келген адам, къарангыда жюрюрюк тюйюлдю, алай а анда жашауну жарыгъы боллукъду», – деди.

Ахия 8:59

Ол заманда, Анга атар ючюн, ташла алдыла; алай а Исса кёрюнмей къалды, аланы аралары бла ётюп, табыныучу юйден чыгъып, андан ары кетди.

Эфеслилеге 5:8

Сиз бир заманлада къарангылыкъ эдигиз, энди уа Раббийде жарыкъсыз. Жарыкъны сабийлерича жашагъыз.

I Фесалоникачылагъа 5:5

Нек десегиз сиз барыгъыз да жарыкъны уланларысыз эм кюнню уланларысыз: биз кечени неда къарангыны уланлары тюйюлбюз.

I Фесалоникачылагъа 5:8

Биз а кюндюзню уланлары эсек, юсюбюзге ийманны бла сюймекликни кюбесин, башыбызгъа да къутхарылыугъа ышаныуну темир бёркюн кийип аязып турайыкъ.