Ахия 10:4 - Сыйлы Инжил бла Забур

⁴ Сора, кесини къойларын чыгъаргъанлай, аланы алларында барады; къойла уа аны ызындан барадыла, нек десегиз аны ауазын таныйдыла.

Ахия 10:4 Iomraidhean Croise

Маттай 16:24

Андан сора Исса сохталарына: «Мени ызымдан келирге сюйген адам, кесин унутсун да, кесини къачын алып, Мени ызымдан келсин.

Ахия 10:16

Мени бу къой орундан болмагъан башха къойларым да бардыла. Мен аланы да къой оруннга жыяргъа керекме, ала да Мени ауазыма тынгыларыкъдыла. Сора бир сюрюу, бир Сюрюучю боллукъду.

Ахия 10:27

Мени къойларым Мени ауазыма тынгылайдыла, Мен аланы таныйма, ала да Мени ызымдан келедиле.

Ахия 10:3

Анга эшик сакълаучу эшикни ачады, къойла да аны ауазына тынгылайдыла, ол да кесини къойларын, атларын айтып чакъырып, аланы чыгъарады.

Ахия 10:5

Тыш адамны ызындан а бармайдыла, алай а андан къачадыла; нек десегиз тыш адамны ауазын танымайдыла».

Ахия 10:8

Мени аллымда аланы ненчасы келген эселе да, бары да гудучуладыла эм аманлыкъчыладыла; къойла уа алагъа тынгыламагъандыла.

Ахия 12:26

Манга жумуш этген адам Мени ызымдан келсин, Мен болгъан жерде Мени жумушчум да боллукъду; Манга жумуш этген адамгъа Мени Атам хурмет этерикди.

Ахия 13:15

Нек десегиз Мен сизге этгенни сиз да этер ючюн, Мен сизге юлгю бергенме.

Ахия 18:37

Пилат Анга: «Сора Сен Патчахмыса?» – деди. Исса анга: «Манга Патчах деп айтхан сенсе; Мен хакъ кертини юсюнден шагъатлыкъ этер ючюн туугъанма эм аны ючюн дуниягъа келгенме. Хакъ керти жанлы болгъан хар адам Мени ауазыма тынгылайды», – деп жууап берди.

Ахия 3:29

Келин кимни эсе, киеу олду. Киеуню къатында туруп, анга тынгылагъан нёгери уа, киеуню ауазын эшитип, бек къууанады. Ма, мени къууанчым алай толду.

I Коринфлилеге 11:1

Мен Масихден юлгю алыучу болгъаным кибик, сиз да менден юлгю алыучу болугъуз.

Эфеслилеге 5:1

Алай бла, Аллахны сюйюлюннген сабийлери кибик, Аллахдан юлгю алыгъыз.

Чюйютлелеге 12:2

Ийманыбызны башчысы эм тамамлаучусу болгъан Иссагъа къарайыкъ. Ол, Анга боллукъ къууанч ючюн Кесини ыйлыкъдырылыууна къайгъырмай къоюп, къачны юсюнде ёлюмге тёзгенди, энди уа Аллахны тахтасыны онг жанында олтурады.

Чюйютлелеге 6:20

Ары уа Мелкиседекни чынында ёмюрге да Баш Дин Къуллукъчубуз болгъан Исса бизге жол ачханды.

I Петер 2:21

Сиз муну ючюн чакъырылгъансыз; нек десегиз Масих, биз Аны ызындан барыр ючюн, бизни ючюн азап чегип, бизге юлгю къойгъанды.

I Петер 4:1

Алай бла, Масих бизни ючюн чархы бла азап чекгенине кёре, сиз да ол акъыл бла азап чегерге хазыр болугъуз; нек десегиз чархы бла азап чекген гюнях этиуню къойгъанды.

I Петер 5:3

Аллахны халкъына бийлик этмей, алай а сюрюуге юлгю берип къуллукъ этигиз.