Ахия 10:36 - Сыйлы Инжил бла Забур

³⁶ Сора: „Мен Аллахны Уланыма“ дегеним ючюн, Ата Кеси Аны сыйлы этип дуниягъа ийгеннге сиз кяфырлыкъ этесе депми айтасыз?

Ахия 10:36 Iomraidhean Croise

Забур 2:2

Дунияны патчахлары къозгъаладыла, башчылары да Раббийге эм Ол майлагъаннга къажау бирге кенгешедиле.

Маттай 27:43

Аллахха ышана эди; Аллах Анга ыразы эсе, энди Аны къутхарсын! Ол: „Мен Аллахны Уланыма“ деп айтханды», – дей эдиле.

Маттай 27:54

Жюзбашчы эм аны бла бирге Иссаны сакълагъанла, жер титирегенни эм битеу болуннганны кёргенде, бек къоркъуп: «Кертиси да Бу Аллахны Уланы эди!» – дей эдиле.

Лука 1:35

Мёлек анга жууапха: «Санга Сыйлы Нюр тюшерикди эмда Аллаху-Тааланы кючю сени жабарыкъды. Ол себепден, туугъан Сыйлыгъа да Аллахны Уланы аталлыкъды.

Ахия 10:35

Аллах, алагъа Кесини сёзюн ийген адамлагъа „аллахла“ атагъан эсе, – эмда аны ючюн Китапда жазылгъан бузулмай эсе, –

Ахия 17:18

Сен Мени дуниягъа ийгенинг кибик, Мен да аланы дуниягъа ийдим.

Ахия 17:21

Бары да бирликли болсунла; Ата, Сен Менде, Мен да Сенде болгъаныбыз кибик, ала да Бизде бирликли болсунла, Мени Сен ийгенинге дуния ийнансын.

Ахия 17:8

Нек десенг Сен Манга берген сёзлени Мен алагъа бергенме, ала да къабыл этгендиле; Мен Сенден чыгъып келгеними тюз ангылагъандыла эмда Мени Сен ийгенинге ийнаннгандыла.

Ахия 19:7

Иудейлиле анга: «Бизни Законубуз барды, бизни Законубузгъа кёре, Ол ёлюрге керекди; нек десенг Кесин Аллахны Уланы этгенди», – деп жууап бердиле.

Ахия 20:28

Тома Анга жууапха: «Мени Раббийим, мени Аллахым!» – деди.

Ахия 20:31

Была уа, Исса Аллахны Уланы Масих болгъанына сиз ийнаныр ючюн эм ийнанып, Аны аты бла жашау алыр ючюн жазылгъандыла.

Ахия 3:17

Нек десенг дуниягъа Аллах Кесини Уланын дуниягъа сюд этер ючюн иймегенди, алай а дуния Аны юсю бла къутхарылыр ючюн ийгенди.

Ахия 3:34

Аллах ийген Киши Аллахны сёзлерин айтады; нек десегиз Аллах Нюрюн ёлчелеп бермейди.

Ахия 5:30

«Мен Кеси-Кесимден бир зат да эталлыкъ тюйюлме. Къалай эшите эсем да, алай хукму этеме, Мени хукмум да тюзлюклюдю; нек десегиз Кесим сюйгенни тюйюл, алай а Мени ийген Атаны буйругъун толтурургъа излейме.

Ахия 6:27

Чиририк аш ючюн кюрешмегиз, алай а ёмюрлюк жашауда болуп турлукъ аш ючюн кюрешигиз, аны уа сизге Адам Улу берликди; нек десегиз Анга, Аллах Ата Кесини мухурун салгъанды», – деди.

Ахия 6:38

Нек десегиз Мен кёкден Кесим сюйгенни этер ючюн тюйюл, алай а Мени ийген Атаны буйругъун толтурур ючюн тюшгенме.

Ахия 6:57

Мени жашау бериучю Атам ийгени, Мен да Атамы кючю бла сау жашагъаным кибик, Мени ашагъан да Мени кючюм бла сау жашарыкъды.

Ахия 6:69

Сен жашау бериучю Аллахны Уланы Масих болгъанынга, биз ийнаннганбыз эм билгенбиз», – деп жууап берди.

Ахия 8:42

Исса алагъа: «Аллах сизни Атагъыз болса эди, сиз Мени сюер эдигиз, нек десегиз Мен Аллахдан чыгъып келгенме, Мен Кесим-Кесимден келмегенме, алай а Мени Ол ийгенди.

Римлилеге 1:4

Эм Кесини кючю бла, сыйлы Нюрюне кёре, ёлгенледен тиргизилгенини юсю бла, Аллахны Уланы болгъаны ачыкъ болгъанды.

Римлилеге 8:3

Адам табийгъатдан кючсюзленнген Тауратны Закону эталмагъанны Аллах этгенди; Кесини Уланын, адамны гюняхлы чархына ушагъан чарх бла гюнях ючюн къурман болургъа ийгенди эм гюняхха адам чархында сюд этгенди.

Римлилеге 9:5

Уллу атала аланы аталарыдыла. Масих да чархына кёре аладанды. Ол а ёмюрледе да алгъышлы, барыны да башында болгъан Аллахды. Амин.

Галатиялылагъа 4:4

Заманны толулугъу келгенде уа, Аллах, къатындан туугъан эмда Законнга кёре жашагъан Кесини Уланын,