Ахия 10:10 - Сыйлы Инжил бла Забур

¹⁰ Гудучу жаланда урлар, ёлтюрюр эм жояр ючюн келеди; Мен а адамланы жашаулары болур ючюн эм жашаулары артыгъы бла болур ючюн келгенме.

Ахия 10:10 Iomraidhean Croise

Маттай 18:10

Къарагъыз, бу гитчеледен бирин да сан этмей къоймагъыз; нек десегиз кёкледе аланы мёлеклери хар заманда Мени Кёкледеги Атамы бетин кёредиле, деп айтама сизге.

Маттай 18:11

Нек десегиз Адам Улу жоюлгъанланы излеп табаргъа эм къутхарыргъа келгенди».

Маттай 20:28

Муну кибик Адам Улу да, Кесине къуллукъ этдирир ючюн тюйюл, Кеси къуллукъ этер ючюн эм кёплени жууар ючюн, Кесини жанын берирге келгенди», – деди.

Маттай 21:13

Сора алагъа: «„Мени юйюме тилек юй деп аталлыкъды“ деп жазылгъанды; сиз а аны тонаучуланы уясы этгенсиз», – деди.

Маттай 23:13

Сизге палах, дин алимле бла фарисейле, эки бетлиле! Сиз Кёклени Патчахлыгъын адамлагъа жабып турасыз; кесигиз да кирмейсиз, кирирге сюйгенлени да къоймайсыз.

Марк 11:17

Эмда алагъа: «Мени юйюме битеу миллетлеге да тилек юй деп аталлыкъды деп жазылмагъанмыды? Сиз а аны тонаучуланы уясы этгенсиз», – деп юйретди.

Лука 19:10

Нек десегиз Адам Улу, жоюлгъанланы излеп табып, къутхарыргъа келгенди», – деди.

Ахия 10:1

«Кертисин, кертисин айтама сизге: къой оруннга эшик бла кирмеген, алай а башха жер бла тюшген адам, ол гудучуду эм аманлыкъчыды.

Ахия 10:11

Мен огъурлу сюрюучюме. Огъурлу сюрюучю къойла ючюн кесини жанын береди.

Ахия 12:47

Мени сёзлерими эшитип ийнанмагъан адамгъа Мен сюд этмейме: нек десегиз Мен дуниягъа сюд этерге тюйюл, алай а дунияны къутхарыргъа келгенме.

Ахия 12:6

Муну уа ол, жарлылагъа жаны ауругъанындан айтмай эди, гудучу болгъаны себепли айта эди: ахча кюбюрчекни ол тута эди, ары салыннганны да жюрюте эди.

Ахия 3:17

Нек десенг дуниягъа Аллах Кесини Уланын дуниягъа сюд этер ючюн иймегенди, алай а дуния Аны юсю бла къутхарылыр ючюн ийгенди.

Ахия 5:40

Алай а сиз, жашауугъуз болур ючюн, Манга келирге сюймейсиз.

Ахия 6:33

Нек десегиз кёкден тюшген эм дуниягъа жашау берген, Олду Аллахны ётмеги», – деди.

Ахия 6:51

Кёкден тюшген, жашау бериучю ётмек Менме. Бу ётмекден ашагъан ёмюрге жашарыкъды. Мен берлик ётмег’а Мени чархымды; аны уа Мен дуниягъа жашау берир ючюн берликме», – деди.

Римлилеге 2:21

Сора сен, башханы юйретип, кесингкесинги уа къалай юйретмейсе?

I Тимотейге 1:15

«Масих Исса дуниягъа гюняхлыланы къутхарыр ючюн келгенди», – деген сёз ышаннгылыды эм хар жаны бла да къабыл этилирге тийишлиди. Аланы барындан да эм аман а менме.

Чюйютлелеге 6:17

Ол себепден Аллах да, сёз бергенинден юлюшлюлеге Кесини муратыны тюрленмезлигин кёргюзтюрге сюйюп, арада ант жюрютгенди.

Чюйютлелеге 7:25

Ол себепден Ол Аны юсю бла Аллахха жууукълашханланы толусунлай къутхарыргъа болаллыкъды, нек десегиз, алагъа ёкюллюк этер ючюн, хар заманда да сау жашап турады.

II Петер 1:11

Нек десегиз бизни Раббийибиз эм Къутхарыучубуз Масих Иссаны ёмюрлюк Патчахлыгъына эркин эшик сизге алай ачыллыкъды.