Ахия 1:29 - Сыйлы Инжил бла Забур

²⁹ Экинчи кюн Ахия Иссаны анга келе тургъанын кёрюп: «Ма Аллахны Къозусу, Ол, дунияны гюняхын Кесини боюнуна алады.

Ахия 1:29 Iomraidhean Croise

Маттай 1:21

Ол Улан табарыкъды, сен Анга Исса атны атарыкъса, нек десенг Ол Кесини халкъын гюняхларындан къутхарлыкъды», – деди.

Маттай 20:28

Муну кибик Адам Улу да, Кесине къуллукъ этдирир ючюн тюйюл, Кеси къуллукъ этер ючюн эм кёплени жууар ючюн, Кесини жанын берирге келгенди», – деди.

Ахия 1:35

Экинчи кюн дагъыда Ахия бла аны сохталарындан экиси сюелип тура эдиле.

Ахия 1:36

Ол, Иссаны келе тургъанын кёрюп: «Ма Аллахны Къозусу!» – деди.

Ахия 1:43

Экинчи кюн Исса Галилеягъа барыргъа сюйдю эм, Филипни табып, анга: «Мени ызымдан кел», – деди.

Ахия 2:1

Ючюнчю кюн Галилеяны Къана элинде некях той бар эди, Иссаны анасы да анда эди.

Ахия 3:16

Нек десенг Аллах дунияны алай бек сюйгенинден, Кесини жангыз Уланын, Анга ийнаннган хар адам, жоюлмай, ёмюрлюк жашаулу болур ючюн бергенди.

Ахия 4:42

Ол тиширыугъа уа: «Бизни ийнаныуубуз энди сени сёзлеринге кёре тюйюлдю; нек десенг Аны айтханын кесибиз эшитдик эм Ол хакъ керти, дунияны Къутхарыучусу Масих болгъанын билдик», – дей эдиле.

Ахия 6:51

Кёкден тюшген, жашау бериучю ётмек Менме. Бу ётмекден ашагъан ёмюрге жашарыкъды. Мен берлик ётмег’а Мени чархымды; аны уа Мен дуниягъа жашау берир ючюн берликме», – деди.

Ишлери 13:39

Мусаны Таурат Закону бла сиз кесигизни ариулап болалмагъан хар затыгъыздан, Иссагъа ийнаннган хар адам Аны юсю бла ариуланады.

Ишлери 8:32

Китапдан окъугъан жери уа бу эди: «Ол, къой кибик кесилирге элтилгенди эм къозу аны къыркъгъанны аллында тауушсуз болгъаны кибик, Ол да ауузун ачмады.

I Коринфлилеге 15:3

Нек десегиз мен сизге алгъы бурун кесим да къабыл этгеними юйретгенме; Масихни бизни гюняхларыбыз ючюн ёлгени, Сыйлы Китаплада жазылгъанына кёре болгъанын,

II Коринфлилеге 5:21

Нек десегиз биз Масихни юсю бла Аллахны аллында тюзлюклю болур ючюн, Аллах гюнях не болгъанын билмеген Масихни бизни гюняхларыбыз ючюн къурман этгенди.

Галатиялылагъа 1:4

Атабыз Аллахны буйругъуна кёре, Масих, бу эндиги огъурсуз ёмюрден бизни къутхарыр ючюн, бизни гюняхларыбыз ючюн Кеси-Кесин бергенди.

Галатиялылагъа 3:13

Ибрахимге берилген ыразылыкъ Масих Иссаны юсю бла башха миллетлеге да жайылыр ючюн эм Аллах берирге айтхан Сыйлы Нюрню биз ийманыбыз бла алыр ючюн,

I Тимотейге 2:6

Ол, битеу адамланы жууар ючюн, Кеси-Кесин къурманнга бергенди, кезиуюнде этилген шагъатлыкъ буду.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.

Чюйютлелеге 1:3

Улан Аллахны аламатлыгъыны нюр жарыгъыды, Ол Аллахны Кесини сыфатыды эм хар нени да Кесини кючлю сёзю бла тутады. Кеси, бизни гюняхларыбыздан тазалап, уллу Аллахны тахтасыны онг жанында бийикде олтургъанды.

Чюйютлелеге 2:17

Ол себепден Исса, Аллахха къуллукъ этиую бла мархаматлы эм ышаннгылы Баш Дин Къуллукъчу болуп, халкъны гюняхларын кечдириучю къурман болур ючюн, хар не жаны бла да къарындашларына ушаргъа керек эди.

Чюйютлелеге 9:28

Масих да алай, кёплени гюняхларын Кесини боюнуна алыр ючюн, Кесин бир кере къурманнга келтиргенди. Экинчи кере уа гюняхдан тазалар ючюн тюйюл, алай а Аны сакълагъанланы къутхарыр ючюн келликди.

I Петер 1:19

Алай а къыяусуз эм таза къозуну къаны кибик, Масихни багъалы къаны бла жулуннганыгъызны билигиз.

I Петер 2:24

Биз, гюняхларыбыздан къутулуп, тюзлюк амалтын жашар ючюн, Ол Кеси бизни гюняхларыбызны Кесини чархы бла къачха кётюргенди. Сиз Аны жаралары бла сау этилгенсиз.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.

I Ахия 2:2

Ол бизни гюняхларыбызны эм жаланда бизни гюняхларыбызны тюйюл, алай а битеу дунияны гюняхларын да кечдирген къурманды.

I Ахия 3:5

Масих бизни гюняхларыбызны Кесини боюнуна алыр ючюн келгенин эм Анда гюнях болмагъанын сиз билесиз.

I Ахия 4:10

Аллахны биз сюймегенбиз, алай а бизни Ол сюйгенди эм бизни гюняхларыбызны кечдирген къурманнга Кесини Уланын ийгенди; сюймеклиг’а ма олду.

Билим Ачханы 1:5

Эм тюз шагъат болгъан, ёлгенледен биринчи болуп тиргизилген, дунияны патчахларыны Бийи Масих Иссадан сизге шафауат эм ырахатлыкъ болсун. Бизни сюйген, Кесини къаны бла гюняхларыбыздан бизни азат этген

Билим Ачханы 12:11

Ала Къозуну къаны бла эм кеслерини шагъатлыкъ сёзлери бла аны хорлагъандыла, ала жанларын аямагъандыла эмда ёлюмден артха турмагъандыла.

Билим Ачханы 13:8

Жер башында жашагъанла барысы да, аланы атлары дуния жаратылгъандан бери союлгъан Къозуну жашау китабында жазылып болмагъанла анга баш урлукъдула.

Билим Ачханы 14:1

Сора мен, къарап, Къозу Сион тауну башында тургъанын кёрдюм. Аны биргесине да, Аны Атасыны аты аланы мангылайларында жазылгъан жюз къыркъ тёрт минг адам тура эдиле.

Билим Ачханы 14:10

Ол Аллахны чамланыуууну чагъырын, Аны ачыу аягъында хазырланнган таза чагъырны ичерикди эмда сыйлы мёлеклени бла Къозуну аллында отда бла кукуртда азап чегерикди.

Билим Ачханы 14:4

Бу адамла кеслерин къатынла бла харам этмегенледиле; нек десегиз ала таптаза адамладыла. Ала, Къозу къайры барса да, Аны ызындан баргъанладыла. Ала, Аллахха бла Къозугъа тюнгючлеча, адамланы арасындан сатып алыннгандыла.

Билим Ачханы 15:3

Ала, Аллахны къулу Мусаны зикирин эм Къозуну зикирин айтып: «Битеу дунияны тутхан Раббий Аллах! Сени ишлеринг уллудула эм аламатдыла! Миллетлени Патчахы! Сени жолларынг тюзлюклюдюле эм хакъ кертидиле!

Билим Ачханы 17:14

Ала Къозу бла къазауат этерикдиле, Къозу аланы хорларыкъды; нек десенг Ол бийлени Бийиди эм патчахланы Патчахыды, Аны бла болгъанла да чакъырылгъанладыла, сайланнганладыла эм ийманлыладыла», – деди.

Билим Ачханы 19:7

Сюйюнейик, къууанч этейик эмда Анга махтау салайыкъ! Нек десегиз Къозуну той сагъаты келгенди, Аны къатыны кесин хазырлагъанды!

Билим Ачханы 19:9

Сора мёлек манга: «Жаз: Къозуну некях тоюна чакъырылгъанла насыплыдыла!» – деди. Дагъыда манга: «Была хакъ керти сёзледиле, Аллахны сёзлеридиле», – деди.

Билим Ачханы 21:14

Шахарны къабыргъасы онеки мурдорну юсюнде ишленнген эди, аланы юсюнде да Къозуну онеки абустолуну атлары жазылып эди.

Билим Ачханы 21:27

Аны ичине бир тюрлю харам зат эм жийиргенчли ишге бла ётюрюкге кесин берген бир киши да кирлик тюйюлдю; жаланда атлары, Къозуну жашау китабында жазылгъанла кирликдиле.

Билим Ачханы 21:9

Сора жети ахыргъы палахладан толгъан жети аякъны жюрютген жети мёлекден бирлери, мени къатыма келип, манга сёлешип: «Кел, мен санга, Къозуну къатыны боллукъ келинни кёргюзтейим», – деди.

Билим Ачханы 5:6

Сора мен, къарап, тахтаны эм тёрт хайыуанны арасында эмда таматаланы арасында тургъан, боюну кесилгеннге ушаш Къозуну кёрдюм; Аны жети мюйюзю эм жети кёзю бар эди; была да, Аллахны битеу дуниягъа ийген жети Нюрюдю.

Билим Ачханы 5:8

Ол китапны алгъан заманда, тёрт хайыуан бла жыйырма тёрт тамата Къозуну аллында жерге къапландыла; хар бирини да къолунда арфа эм ариу ийисли фимиамдан толу алтын аякъ бар эди, была уа сыйлыланы тилеклеридиле.

Билим Ачханы 6:1

Сора Къозу жети мухурдан бирин ачханын кёрдюм эм тёрт хайыуандан бирлери кёк кюкюрегеннге ушагъан ауазы бла: «Кел да къара!» – дегенин эшитдим.

Билим Ачханы 6:16

Эм таулагъа бла ташлагъа: «Бизни юсюбюзге ауугъуз, тахтада Олтургъанны бетинден эм Къозуну чамланыуундан бизни букъдуругъуз!

Билим Ачханы 7:14

Мен анга: «Жюйюсхан, сен билесе», – дедим. Ол да манга: «Была ол уллу азапдан келгенледиле; ала, Къозуну къаны бла кеслерини кийимлерин жуууп, аны бла кийимлерин акъ этгендиле;

Билим Ачханы 7:17

Нек десенг тахтаны арасындагъы Къозу аланы кютерикди эм жашау суу шауданлагъа жюрютюрюкдю эмда Аллах аланы кёзлеринден хар тюрлю жилямукъну сюртюрюкдю», – деди.