Ахия 1:14 - Сыйлы Инжил бла Забур

¹⁴ Сёз адам болуп толу шафауаты эм хакъ кертилиги бла, бизни бла жашагъанды; биз да Аны аламатлыгъын кёргенбиз, Атадан жангыз туугъанны аламатлыгъын.

Ахия 1:14 Iomraidhean Croise

Забур 2:7

Белгиленнгенни билдирейим: Раббий Манга: «Сен Мени Уланымса, Мен Сени бюгюн туудурдум.

Забур 45:2

Аллах бизге ышыкъды эм кючдю, палахлада женгил болушлукъчуду.

Забур 85:9

Сен жаратхан битеу миллетле келликдиле эм Сени аллынгда сежда этерикдиле, Раббий, эмда Сени атынга махтау саллыкъдыла.

Маттай 1:16

Якъуп Мариямны эри Юсюпню туудургъанды, Мариямдан а Масих деп айтылгъан Исса туугъанды.

Лука 2:11

Бюгюн сизге Дауутну шахарында Къутхарыучу туугъанды, Ол а Раббий Масихди.

Лука 2:7

Эм кесини биринчи Уланын тапды. Аны бёлеп, куудушха салды, нек десегиз алагъа къонакъ юйде жер жокъ эди.

Лука 9:32

Петерни бла аны биргесине болгъанланы уа жукъу къысхан эди; болсада, уянып, Иссаны аламатлыгъын, эки кишини да Аны бла сюелип тургъанын кёрдюле.

Ахия 1:1

Эм алгъа Сёз бар эди, Сёз Аллахда эди эм Сёз Аллах эди.

Ахия 11:40

Исса Мартагъа: «Ийнансанг, Аллахны аламатлыгъын кёрлюксе деп айтмагъанмамы Мен санга?» – деди.

Ахия 14:6

Исса анга: «Жол да, хакъ керти да, жашау да Менме; Мени юсюм бла болмаса, Атагъа бир киши да келмейди.

Ахия 14:9

Исса анга: «Быллай бир заманны Мен сизни бла болгъанлай да, сен Мени танымаймыса, Филип? Мени кёрген Атаны кёргенди; сора сен: „Бизге Атаны кёргюзт“ деп къалай айтаса?

Ахия 17:22

Биз бирликли болгъаныбыз кибик, ала да бирликли болсунла деп, Сен Манга берген махтауну Мен алагъа бердим.

Ахия 17:24

Ата! Сен Манга берген адамла, Мен болгъан жерде Мени биргеме болуп, Сен Манга берген аламатлыгъымы кёрюрлерин сюеме; нек десенг дуния къуралырдан алгъа Мени сюйгенсе.

Ахия 18:37

Пилат Анга: «Сора Сен Патчахмыса?» – деди. Исса анга: «Манга Патчах деп айтхан сенсе; Мен хакъ кертини юсюнден шагъатлыкъ этер ючюн туугъанма эм аны ючюн дуниягъа келгенме. Хакъ керти жанлы болгъан хар адам Мени ауазыма тынгылайды», – деп жууап берди.

Ахия 2:11

Исса, бу биринчи илишанын Галилеяны Къана элинде этип, Кесини аламатлыгъын кёргюзтдю, сора Аны сохталары Анга ийнандыла.

Ахия 3:16

Нек десенг Аллах дунияны алай бек сюйгенинден, Кесини жангыз Уланын, Анга ийнаннган хар адам, жоюлмай, ёмюрлюк жашаулу болур ючюн бергенди.

Ахия 3:18

Анга ийнаннганнга сюд этилмейди, ийнанмагъаннга уа сюд этилип бошалгъанды, нек десенг Аллахны жангыз Уланыны атына ийнанмагъанды.

Ахия 6:51

Кёкден тюшген, жашау бериучю ётмек Менме. Бу ётмекден ашагъан ёмюрге жашарыкъды. Мен берлик ётмег’а Мени чархымды; аны уа Мен дуниягъа жашау берир ючюн берликме», – деди.

Ахия 8:32

Эм хакъ кертини билирсиз, хакъ керти уа сизни азат этер», – деди.

Ишлери 13:33

Забурну экинчи зикиринде да: „Сен Мени Уланымса, Мен энди Сени туудурдум“ деп жазылгъаны кибик.

Римлилеге 8:3

Адам табийгъатдан кючсюзленнген Тауратны Закону эталмагъанны Аллах этгенди; Кесини Уланын, адамны гюняхлы чархына ушагъан чарх бла гюнях ючюн къурман болургъа ийгенди эм гюняхха адам чархында сюд этгенди.

Римлилеге 9:5

Уллу атала аланы аталарыдыла. Масих да чархына кёре аладанды. Ол а ёмюрледе да алгъышлы, барыны да башында болгъан Аллахды. Амин.

I Коринфлилеге 15:47

Биринчи адам жерден, топуракъдан жаратылгъанды, экинчи Адам а кёкден келген Раббий ди.

II Коринфлилеге 12:9

Алай а Раббий манга: «Санга Мени шафауатым тамамды; нек десенг Мени кючюм къарыусузлукъда толу болады», – деп айтханды. Алай бла, Масихни кючю менде турур ючюн, мен бегирек да сюйюп къарыусузлукъларым бла махтанырыкъма.

Галатиялылагъа 4:4

Заманны толулугъу келгенде уа, Аллах, къатындан туугъан эмда Законнга кёре жашагъан Кесини Уланын,

Эфеслилеге 3:8

Сыйлыланы битеу барындан да эм гитче болгъанымлай, Масихни акъылгъа сыйынмагъан байлыгъыны юсюнден башха миллетлеге хайыр хапар берирге

Колослулагъа 1:19

Нек десегиз Иссада хар тюрлю толулукъну болурун Ата иги кёргенди.

Колослулагъа 2:3

Масихде уа битеу акъылманлыкъны бла билимни хазнасы жашырылыпды.

Колослулагъа 2:9

Нек десегиз Аллахлыкъны битеу толулугъу сан бла Масихде жашайды.

I Тимотейге 3:16

Сёзсюз, Аллахны жолуну тасхасы уллуду: Аллах адам чархы бла Кесин ачыкъ этгенди, Кесин Сыйлы Нюр бла тюз кёргюзтгенди, мёлеклеге кёрюннгенди, миллетле арасында билдирилгенди, дунияда ийман бла къабыл этилгенди, жер башындан махтау бла кётюрюлгенди.

Чюйютлелеге 1:3

Улан Аллахны аламатлыгъыны нюр жарыгъыды, Ол Аллахны Кесини сыфатыды эм хар нени да Кесини кючлю сёзю бла тутады. Кеси, бизни гюняхларыбыздан тазалап, уллу Аллахны тахтасыны онг жанында бийикде олтургъанды.

Чюйютлелеге 1:5

Нек десегиз Аллах мёлеклени кимине къачан: «Сен Мени Уланымса, Мен Сени бюгюн туудурдум», – эм дагъыда: «Мен Анга ата боллукъма, Ол Манга Улан боллукъду», – деп айтханды?

Чюйютлелеге 10:5

Ол себепден Масих, дуниягъа киргенинде, былай айтады: «Къурманланы бла саугъаланы Сен унамай къойгъанса, алай а Манга чарх хазырлагъанса.

Чюйютлелеге 2:11

Нек десегиз сыйлы этген Исса да, сыйлы этилгенле да, бары да бир Атадандыла. Ол себепден Исса алагъа къарындашларым дерге ыйлыкъсынырыкъ тюйюлдю:

Чюйютлелеге 5:5

Масих да алай, Баш Дин Къуллукъчу болуу махтауну Кеси-Кесинден алмагъанды, алай а Анга: «Сен Мени Уланымса, Мен бюгюн Сени туудурдум», – деп Ким айтхан эсе да, Ол бергенди;

I Ахия 4:14

Ата Уланын Къутхарыучу этип дуниягъа ийгенин биз кёргенбиз эм мынга шагъатлыкъ этебиз.

I Ахия 4:9

Аллах бу дуниягъа Кесини жангыз Уланын, биз Аны юсю бла жашау алыр ючюн ийгени бла, Аллахны сюймеклиги бизге ачылгъанды.

II Ахия 1:7

Нек десегиз адам чархы бла келген Масих Иссаны къабыл этмеген кёп терилтиучюле дуниягъа чыкъгъандыла. Аллай адам терилтиучюдю эм Масиххе къаршчыды.

Билим Ачханы 19:13

Ол, къаннга боялгъан кийим кийип эди. Анга «Аллахны Сёзю» деген ат берилгенди.

Билим Ачханы 21:3

Дагъыда мен тахтадан уллу ауазны: «Ма, Аллахны чатыры адамланы арасындады. Ол ала бла жашарыкъды; ала Аны халкъы боллукъдула, Аллах Кеси да, ала бла болуп, аланы Аллахы боллукъду.