YUSAK 9:24 - BALA LUK DO'

²⁴ Idi kebala lun Gibion ineh ni Yusak, “O tuan, kai nenganau' kudeng ineh ngaceku kai nesibada' ratnan bala Tuhan Allah muyuh ni Musa, ratnan Ieh pian maré aput tana' ini nemuyuh, idi pian ngaté amung lun luk mudeng bang bawang ini pa kiung muyuh, pad kai pelaba tot pitayen muyuh.

YUSAK 9:24 Iomraidhean Croise

AYUB 2:4

Kebala Sétan, “Seburur lemulun miak maré luk amung-amung pad ieh mulun.

MATIUS 10:28

Idi aleg matot nedeh luk ngaté burur mo', idi na melalud ngaté niat; iamo' do' muyuh matot nan Allah luk melalud ngaté niat idi burur pana' bang apui.

YUSAK 10:2

Idi lun Yerusalim pelaba tot, ngaceku bawang Gibion ineh bawang luk rayeh ratnan Ai. Idi amung deléi pana' lun mesangit.

YUSAK 2:11

Kareb kai neninger amung ineh, idi kai matot. Seburur pana' nateh luk mekuu' ngaceku muyuh. Tuhan Allah muyuh, Ieh ineh Allah bang langit idi bang tana' pana'.

YUSAK 2:9

Idi kebalaneh nedidueh ineh, “Ui kali' tana' ini pangeh biré Tuhan nemuyuh, idi kali' rungen amung kai matot nemuyuh.

YUSAK 6:21

Idi ideh nengaté amung-amung luk bang bawang ineh, do' deléi idi decur, do' anak baruh idi lun merar, amung sapi, dumba, idi keladai pana'.

YUSAK 9:9

Idi kebaladeh neneh, “Kai ini pangeh nacing rat bawang luk pelaba ado ngaceku kai pangeh neninger ratnan Tuhan Allah muyuh. Idi kai pangeh neninger bala ratnan amung luk pangeh inau'Neh bang bawang Masir,