YUSAK 9:10 - BALA LUK DO'

¹⁰ idi amung luk inau'Neh kuan didueh raca' lun Amori luk tudo pa busat aco Abpa' Yarden, idi kuan Sihon, raca' Hesbon, idi Og, raca' Basan, luk déi' Astarot.

YUSAK 9:10 Iomraidhean Croise

PUDUT 14:5

Idi bang lak luk kepulu' apat Kedorlaumer idi amung-amung raca' luk denganneh nacing dengan bawehdeh, idi nengelaya' lun Repaim déi' bawang Asterot Karnaim, lun Susim déi' bawang Ham, lun Imim déi' Saweh Kiritaim,

INUL LUK PUN-PUN 6:71

Tetek-tetek ruma' pupu Gerson nengalap bawang-bawang ini dengan amung lamandeh: Bang babpat Manasé luk pa busat aco: Golan luk déi' Basan, idi Astarot.

IAP 20:14

Idi Musa nengecuk tuda'-tuda' lun duken amé' matun raca' Edom rat Kadis, idi kebaladeh neneh, ‘Kebala kinanakmu lun Israil kudeng ini, “Iko kali' amung susa' luk pangeh nangun nekai,

BADA' RATNAN UKUM 1:4

idi muci ratnan ieh pangeh nengelaya' ni Sihon, raca' lun Amori luk tudo déi' Hesbon, idi Og raca' Basan luk tudo bang bawang Asterot déi' tana' Edri.

BADA' RATNAN UKUM 2:30

“Iamo' Raca' Sihon na nemaré netau lemaba bawangneh. Ngaceku Tuhan Allah muyuh nengetueh niatneh, pad Ieh nemaré neneh bang palad muyuh mepad kudengluk pangeh mangun nekini.

YUSAK 12:4

Idi ideh nengelaya' ni Og, raca' Basan, ratnan lun Repaim luk ketecan, luk tudo déi' Astarot idi déi' Edri.

YUSAK 13:31

Idi seupa Giliad, dengan Astarot idi Edri, ieh ineh bawang Raca' Og déi' Basan pangeh biré kuan sebuang inul Makir anak Manasé, maya' tetek ruma'deh.

YUSAK 2:10

Ngaceku kai pangeh neninger ratnan kudeng apeh Tuhan nengeket Abpa' Pisui pa kiung muyuh, kareb muyuh neremuat rat bang bawang Masir. Idi teh kai neninger ratnan kudeng apeh muyuh nengaté raca' Amori, ieh ineh Sihon idi Og dengan bawehdeh pa busat aco Abpa' Yarden.

YUSAK 2:9

Idi kebalaneh nedidueh ineh, “Ui kali' tana' ini pangeh biré Tuhan nemuyuh, idi kali' rungen amung kai matot nemuyuh.

YUSAK 9:11

Kebala amung lun rayeh kai idi amung lun bang bawang kai nekai, ‘Ngalap balu' muyuh idi nalan. Amé' matun nedeh idi mada' nedeh, “Amung kai ini lun dukenmu. Ngaceku ineh nganau' kuan kai aceh pejani'.” ’

YUSAK 9:9

Idi kebaladeh neneh, “Kai ini pangeh nacing rat bawang luk pelaba ado ngaceku kai pangeh neninger ratnan Tuhan Allah muyuh. Idi kai pangeh neninger bala ratnan amung luk pangeh inau'Neh bang bawang Masir,