YUSAK 9:1 - BALA LUK DO'

¹ Idi bala ini nekali' amung raca' luk tudo pa acep aco Abpa' Yarden, luun pegkung idi luun tana' raked, idi nan amung ducur Abpa' Rayeh suet pa Lebanon, ieh ineh lun Hiti, lun Amori, lun Kanaani, lun Prisi, lun Hiwi, idi lun Yebusi.

YUSAK 9:1 Iomraidhean Croise

SEMUIL LUK KEDUEH 24:7

Idi ideh iné' pa kabing busat aco amé' Sur luk inan libung luk meraben, idi aput bawang lun Hiwi idi lun Kanaani, pad ideh nacing Birsiba déi' Negeb luk bang bawang Yahuda.

PURA' 23:23

MelaikatKu ineh miak nalan pa atunmu, pad nguit namu semuet bang bawang lun Amori, lun Hiti, lun Prisi, lun Kanaani, lun Hiwi, idi lun Yebusi. Idi Ui miak ngaté nedeh.

PURA' 23:31

Ui nganau' lakan bawangmu rat Abpa' Pisui macing Abpa' Pirat, idi rat Abpa' Rayeh macing su luk ali-ali. Ui maré lun bang bawang ineh bang imetmu, pad iko ngusu nedeh rat pa kiungmu.

PURA' 3:17

Ui pejani' muit nemuyuh remuat ratnan dereh bawang Masir ineh, pad muyuh amé' bawang lun Kanaani, lun Hiti, lun Amori, lun Prisi, lun Hiwi, idi lun Yebusi, ieh ineh tana' luk mebaleng.” ’

PURA' 34:11

Do' iko ngimet amung ukum luk bida'Ku namu aco sini. Ui ngusu amung lun Amori, lun Kanaani, lun Hiti, lun Prisi, lun Hiwi, idi lun Yebusi rat pa kiungmu.

IAP 13:29

Idi lun Amalek tudo déi' tana' Negeb. Idi lun Hiti, lun Yebusi, idi lun Amori tudo luun pegkung. Idi lun Kanaani tudo tangeb Abpa' Rayeh idi tangeb Abpa' Yarden teh.”

IAP 34:6

“Idi lakan muyuh pa acep aco ineh Abpa' Rayeh.

BADA' RATNAN UKUM 1:7

Idi do' muyuh nalan rat ieni amé luun pegkung lun Amori, idi amé' dengandeh luk tudo déi' luun Raked Yarden, do' luk luun raked, do' luk luun pegkung idi luk déi' Negeb, idi luk tudo déi' tangeb Abpa' Rayeh, ieh ineh amung tana' lun Kanaani idi Lebanon, macing abpa' luk rayeh, ieh ineh Abpa' Pirat.

BADA' RATNAN UKUM 3:25

Nima' negku guta, pad ui miak nier tana' mebaleng luk i dipar Abpa' Yarden, ieh ineh pegkung luk do' ineh idi Pegkung Lebanon pana'.’

BADA' RATNAN UKUM 4:49

Idi amung tana' luk pa busat aco Abpa' Yarden, macing Abpa' Luk Mepaci' luk luun surud iang Pegkung Pisga.

BADA' RATNAN UKUM 7:1

“Tuhan Allah muyuh nguit nemuyuh amé' bang bawang luk ulek muyuh, idi kareb muyuh nalan Ieh miak ngusu pupu-pupu luk meluun rayeh idi melalud rat nemuyuh, ieh ineh amung lun Hiti, Girgasi, Amori, Kanaani, Prisi, Hiwi, idi Yebusi.

YUSAK 1:15

pelé Tuhan maré tana' inan kinanak muyuh ucu' mepad kudeng muyuh. Pangeh ineh do' muyuh lemubed amé' nan babpat tana' muyuh luk biré Musa lun duken Tuhan ineh nemuyuh, tungé' pa busat aco Abpa' Yarden.”

YUSAK 1:4

Idi lakan muyuh ineh rat su luk ali-ali luk pa kabing busat aco macing Pegkung Lebanon luk pa tinueh busat aco; rat Abpa' Pirat luk pa busat aco, idi aput tana' lun Hiti, idi suet Abpa' Rayeh luk pa acep aco.

YUSAK 10:23

Idi ideh nenganau' kudeng ineh idi nenguit limeh burur raca' ineh rat bang lubang batu ineh, ieh ineh raca' Yerusalim, raca' Hebron, raca' Yarmut, raca' Lakis, idi raca' Eglon.

YUSAK 11:17

rat Pegkung Halak luk muneng ku Edom, macing déi' Baal Gad luun raked Lebanon luk pa kabing busat aco Pegkung Hermon. Idi ieh nengaté amung raca'deh.

YUSAK 13:5

idi teh tana' lun Gebali, idi amung Lebanon, pa busat aco, rat Baal Gad luk liang Pegkung Hermon macing iring bawang Hamat.

YUSAK 15:12

Idi lakan tana'deh pa acep aco, ieh ineh tangeb Abpa' Rayeh. Idi amung ini lakan tana' lun Yahuda maya' tetek ruma'deh.

YUSAK 22:4

Idi nekini Tuhan Allah muyuh pangeh nemaré pedo' kuan amung kinanak muyuh, maya' kudeng amung bala Tuhan nedeh. Ngaceku ineh do' muyuh muli' nekini amé' lepo muyuh idi babpat muyuh luk pangeh biré Musa lun duken Tuhan ineh kuan muyuh dipar Abpa' Yarden.

YUSAK 22:7

Idi Musa pangeh nemaré babpat kuan sebuang inul Manasé déi' Basan, iamo' Yusak pangeh nemaré tana' pa acep aco Abpa' Yarden kuan inul Manasé luk baken, perapu pupu Israil luk baken. Idi kareb Yusak nengecuk nedeh muli', ieh nemaré peruan nedeh,

YUSAK 23:4

Idi ui pangeh nemabpat pupu-pupu luk ketecan ini kuan muyuh maya' babpat inul muyuh, mepad kudeng amung pupu luk pangeh ilap rat Abpa' Yarden, pa busat aco suet Abpa' Rayeh luk pa acep aco.

YUSAK 24:11

Pangeh ineh idi muyuh neguta Abpa' Yarden. Kareb pangeh macing déi' Yeriko idi lun bang bawang Yeriko nepebunu' nemuyuh, ieh ineh lun Amori, lun Prisi, lun Kanaani, lun Hiti, lun Gergasi, lun Hiwi, idi lun Yebusi. Idi amungdeh ineh biréKu bang palad muyuh.

YUSAK 3:10

Aco sini muyuh miak kali' Allah mulun arang muyuh. Idi Ieh miak ngusu amung lun Kanaani, lun Hiti, lun Hiwi, lun Prisi, lun Girgasi, lun Amori, idi lun Yebusi rat pa kiung muyuh.

YUSAK 3:17

Idi amung imam luk mirir Pati' Pejani' Tuhan ineh tuped su luk nekeket uned Abpa' Yarden, laba' amung lun Israil guta maya' su luk tekering ineh, pad amung lun mula' ineh nabud neguta.

YUSAK 5:1

Amung raca' lun Amori luk pa acep aco déi' Abpa' Yarden, idi amung raca' lun Kanaan luk tangeb Abpa' Rayeh nekali' bala Tuhan pangeh nengeket Abpa' Yarden pa kiung amung lun Israil, pad lun Israil neguta. Idi ideh matot idi na mekuu' ngaceku lun Israil.

YUSAK 6:27

Idi Tuhan idi dengan Yusak. Idi ngadanneh nebala bang aput-aput bawang.

YUSAK 9:7

Idi kebala lun Israil, “Kian, muyuh tudo arang kai lek. Kudeng apeh kai nganau' jani' kuan muyuh?”