YUSAK 8:8 - BALA LUK DO'

⁸ Idi kareb muyuh pangeh nengalap bawang ineh, do' muyuh nutung ineh maya' kudeng luk bila Tuhan.”

YUSAK 8:8 Iomraidhean Croise

SEMUIL LUK KEDUEH 13:28

Idi kebalaneh kuan lun dukenneh, “Matar do'-do' kareb Amnon mabuk. Kareb ui ngecuk, do' muyuh ngaté neneh. Aleg matot. Ngaceku ui sebuleng mabeh ineh. Do' muyuh metueh idi mekuu!”

BADA' RATNAN UKUM 20:16

“Iamo' bang bawang pupu ini luk barén Tuhan Allah nemuyuh, do' muyuh ngaté anun-anun luk nginiat.

YUSAK 1:16

Idi ideh nengor bala Yusak ineh, kebaladeh, “Amung luk icukmu nekai ineh pian kai maya', idi iapeh-iapeh pana' iko ngecuk nekai, kai pana' amé' teh.

YUSAK 1:9

Ngerawé bala Kini, “Do' iko metueh idi mekuu'. Idi aleg iko matot, idi merapang Ngaceku Tuhan Allahmu idi denganmu iapeh-iapeh luk ulekmu.’ ”

YUSAK 6:24

Idi ideh nengesep bawang ineh dengan amung uangneh. Iamo' amas, pirak, idi amung binaweh tekaling idi belawan biré ku binaweh bang Ruma' Tuhan.

YUSAK 8:13

Kudeng ineh lawéneh ngatur lun pebunu', pad amung baweh ineh iné' pa tinueh busat aco bawang ineh, idi luk ngabang pa acep aco bawang ineh. Idi bang alem sineh idi Yusak nenalan suet ku alung ineh.

YUSAK 8:2

Do' iko nganau' kuan bawang Ai idi kuan raca'neh mepad kudeng luk inau'mu kuan bawang Yeriko idi kuan raca'neh. Iamo' binaweh luk inaro idi amung aya'deh pana' miak iko ngaro kuan burur muyuh. Do' iko ngecuk tuda'-tuda' lun temina' ngabang pa keted bawang ineh.”

YUSAK 8:22

Idi lun luk pangeh nesemuet bang bawang ineh pana' iné' matun nedeh, pad amung lun bang bawang Ai ineh arang uned lun Israil. Inan luk bal pa déi'. Inan luk pa tungé'. Idi lun Israil nengaté lun bang bawang Ai ineh, pad seburur pana' na luk miak buro idi mepuit.

YUSAK 8:28

Idi Yusak nenutung bawang Ai ineh, idi nengisu' ineh ku aceh perupun batu macing ruked-ruked idi aceh tabpa macing aco sini.

YUSAK 8:7

Pangeh ineh do' muyuh remuat ratnan abang muyuh, idi semuet ngaro bawang ineh. Ngaceku Tuhan Allah muyuh miak maré bawang ineh kuan muyuh.

YUSAK 8:9

Idi Yusak nengecuk nedeh. Idi ideh iné' su luk inandeh ngabang. Idi ideh netudo arang Baitel dengan Ai pa acep aco bawang Ai. Iamo' Yusak netudo malem ineh su luk inan lun mula' nelupo.

LUN LUK NGUYUT 4:6

Idi ieh nengecuk nelun ngalap Barak Abinoam rat Kedes Naptali. Kebalaneh neneh, “Bala Tuhan Allah lun Israil kudeng ini, ‘Do' iko nguit 10,000 burur pupu Naptali idi Sebulon amée' Pegkung Tabor.