YUSAK 8:35 - BALA LUK DO'

³⁵ Ratnan amung bala Musa sebila' bala pana' nateh luk na bica' Yusak kuan amung tebubpun Israil, dengan amung decur, anak-anak, idi lun sakai luk tudo arangdeh ineh.

YUSAK 8:35 Iomraidhean Croise

ESRA 10:1

Idi laba' Esra tekeradung idi sembayang dengan nangi' idi ngamo sala' pa atun Ruma' Allah, mula' lun deléi, decur, idi anak-anak rat nelun Israil, nepamung neneh idi nenangi'.

NEHEMIA 8:2

Idi Esra nengalap neneh idi nenguit neneh kuan deléi, decur, idi anak luk petap rayeh kali' ilungneh.

NEHEMIA 8:3

Idi ieh nemaca' Ukum ineh kuandeh luun natad ineh luk pa atun Tanga' Abpa' ineh rat masat aco macing muned aco. Idi amungdeh neninger do'-do'.

PURA' 12:38

Idi inan lun pupu baken nemaya' nedeh, idi teh mula' amék, dumba, idi sapi'.

YEREMIA 26:2

idi kebala Tuhan ni Yeremia, “Do' tuped luun natad Ruma' Allah idi mada' amung-amung luk icukKu namu, kuan amung-amung lemulun luk macing rat bawang-bawang Yahuda, pad ideh sembayang déi'. Aleg mekelupan sebila' bala pana'.

YOEL 2:16

Do' ngamung amung lun mula' ineh, pad ideh temina' amé' ku tebubpun luk meligan. Do' nguit lun luk mengered idi anak-anak, idi teh anak luk niti'. Meluun teh kuan lun luk aweh baruh, do' necan takepdeh idi amé' tebubpun.

SEKARIA 8:23

Kareb ineh, pulu' burur lun pupu baken miak amé' papu' seburur lun Yahudi idi pebala, ‘Kai pian maya' namu, ngaceku kai pangeh neninger bala ratnan Allah idi dengan muyuh.’ ”

MARKUS 10:14

Kareb Yésus nekali' ratnan ineh, idi Ieh museh, kebalaNeh, “Nima' anak-anak luk isuut amé' Negku, idi aleg mebpeng nedeh, ngaceku lemulun luk kudeng ini luk kuan Imet Allah.

KEKAMEN RASUL-RASUL 20:27

Ngaceku na ui nengalum anun-anun, iamo' ui nemada' kuan muyuh amung-amung luk pian Allah.

KEKAMEN RASUL-RASUL 21:5

Kareb pangeh mabud tuda'-tuda' aco kai netudo déi', idi kai nenalan. Idi amung-amungdeh dengan awan idi anak-anakdeh, nenated nekai remuat rat bang bawang ineh, idi kai netekeradung idi nesembayang tangeb abpa' rayeh.

BADA' RATNAN UKUM 29:10

“Idi aco sini amung muyuh tuped pa kiung Tuhan Allah muyuh, do' amung pengulu, lun rayeh, lun luk ngimet ukum, amung lun Israil,

BADA' RATNAN UKUM 29:11

amung anak idi awan muyuh, lun sakai luk tudo arang muyuh, lun luk ngapak kayuh apui macing ku lun luk ngereb abpa' rupen muyuh.

BADA' RATNAN UKUM 29:9

Idi ngaceku ineh do' muyuh nginita amung bala pejani' ini, pad muyuh ngalap peruan bang amung-amung luk ruen muyuh.

BADA' RATNAN UKUM 31:12

Do' nawar lun mula' ineh tebubpun, do' decur idi deléi teh, do' amung anak idi lun sakai luk bang bawang muyuh, pelé ideh ninger idi matot inan Tuhan Allah muyuh, pad ideh nginita amung bala Ukum ini.

BADA' RATNAN UKUM 4:2

Idi aleg muyuh ngeluun aceh bila' balaku ini. Idi aleg muyuh ngurang ineh. Iamo' nginita amung ukum Tuhan Allah muyuh luk bida'ku nemuyuh.