YUSAK 8:33 - BALA LUK DO'

³³ Idi amung lun Israil, amung lun rayehdeh, amung lun luk ngimet ukum, idi lun luk mutut besara'deh, tuped pa kabing idi pa tinueh Pati' Pejani' Tuhan, pa kiung amung imam lun Liwi luk mirir Pati' Pejani' Tuhan ineh, do' lun sakai idi lun kuan bawang. Sebuangdeh petutup ku Surud Gerisim. Idi sebuangdeh petutup ku Surud Ibal, maya' kudeng luk bila Musa demulun Tuhan atun, pelé lun Israil uen ngeperuan.

YUSAK 8:33 Iomraidhean Croise

PURA' 12:49

Inan aceh ukum kuan lun Israil idi lun sakai luk tudo arang muyuh.”

UKUM 24:22

Idi ukum ini kuan amung muyuh, do' kuan lun sakai, idi lun kuan bawang, ngaceku Ui ini Tuhan Allah muyuh.”

IAP 15:15

Idi inan sebuleng dalan mo' kuan muyuh lun Israil idi kuan lun sakai luk tudo arang muyuh, ieh ineh aceh ukum luk meruked. Idi lun sakai pana' mepad kudeng muyuh pa kiung Tuhan.

IAP 15:16

Inan sebuleng ukum idi sebuleng dalan kuan muyuh amung, idi kuan lun sakai luk tudo arang muyuh.”

IAP 15:29

Inan sebuleng dalan mo' kuan lemulun luk nganau' sala' dengan na inau' rungen, do' kuan muyuh lun Israil idi kuan lun sakai luk tudo arang muyuh pana'.

YAHYA 4:20

Tepun kai nesembayang luun surud ini iamo' kebala muyuh, Yerusalim ineh luk do' inan lemulun sembayang.”

BADA' RATNAN UKUM 11:29

Idi kareb Tuhan Allah muyuh pangeh nenguit nemuyuh amé' bang bawang luk ulek muyuh, idi do' muyuh mada' peruan ineh rat luun Surud Gerisim, idi kediman ineh rat Surud Ibal.

BADA' RATNAN UKUM 31:12

Do' nawar lun mula' ineh tebubpun, do' decur idi deléi teh, do' amung anak idi lun sakai luk bang bawang muyuh, pelé ideh ninger idi matot inan Tuhan Allah muyuh, pad ideh nginita amung bala Ukum ini.

BADA' RATNAN UKUM 31:25

idi ieh neperiteteng kuan lun Liwi luk mirir Pati' Pejani' Tuhan, kebalaneh,

BADA' RATNAN UKUM 31:9

Idi Musa nengayud Ukum Allah ini, idi nemaré kuan imam-imam lun Liwi, luk mirir Pati' Pejani' Tuhan, idi kuan amung lun rayeh pupu Israil.

YUSAK 23:2

Idi Yusak nenawar amung lun Israil, dengan amung lun mengered, idi lun rayeh, idi luk mutut ukum idi luk ngimet nedeh ineh. Idi kebalaneh nedeh, “Ui pangeh mengered.

YUSAK 24:1

Muci ratnan ineh idi Yusak nengamung amung inul pupu lun Israil déi' Sikem. Idi ieh nenawar amung lun Israil luk mengered, idi amung lun rayeh, idi lun luk mutut ukum, idi luk ngimet nedeh ineh. Idi ideh nacing tuped pa kiung Tuhan.

YUSAK 3:14

Idi kareb ngeranih, amung tangeb Abpa' Yarden mereb. Idi lun mula' ineh nengusag lepo-lepodeh pian guta Abpa' Yarden. Idi imam-imam nemirir Pati' Pejani' pa atun lun mula' ineh.

YUSAK 3:3

idi nemada' nelun mula' ineh, kebaladeh, “Kareb muyuh nier Pati' Pejani' Tuhan Allah muyuh idi amung imam lun Liwi mirir ineh, do' muyuh nalan rat su inan muyuh idi pebaya' Pati' ineh,

YUSAK 3:6

Idi kebala Yusak nelun imam, “Kedingen muyuh Pati' Pejani' ineh, idi nalan pa atun lun mula'.” Idi ideh nenganau' maya' kudeng luk bilaneh.

YUSAK 4:10

Idi amung imam ineh tuped uned Abpa' Yarden pad pangeh mangun amung-amung luk pangeh icuk Tuhan ni Yusak badén kuan lun mula' ineh, maya' kudeng amung luk inan Musa neperiteteng ni Yusak. Idi lun mula' ineh pana' neguta saget-saget.

YUSAK 4:18

Idi kareb amung imam ineh numak rat bang Abpa' Yarden, idi kareb kukud amung imam pun nengeradu' tana' luun, idi Abpa' Yarden ineh nepetuneb idi manud mepad kudeng atun ngereb amung tangebneh.

YUSAK 6:6

Idi Yusak nenawar amung imam, kebalaneh nedeh, “Kedingen muyuh Pati' Pejani' ineh. Idi do' tudu' burur imam ngiup tudu' serupit luk ratnan unga dumba deléi, idi nalan pa atun Pati' Pejani' Tuhan.”