YUSAK 8:29 - BALA LUK DO'

²⁹ Idi ieh nengekito raca' Ai ineh nan sepekatu kayuh macing kareb malem. Kareb aco macep Yusak nengecuk ngerurut butungneh ratnan kayuh ineh. Idi butung ineh pipetdeh pa atun tanga' bawang ineh. Idi ideh nenaped pa luunneh aceh perupun batu luk rayeh luk idi su ineh macing aco sini.

YUSAK 8:29 Iomraidhean Croise

SEMUIL LUK KEDUEH 18:17

Idi ideh nemirir butung Absalom idi nenala' ineh bang aceh lubang rayeh luk bang pulung. Idi ideh nengerupun su ineh ku aceh perupun batu luk meluun rayeh. Idi amung lun Israil pana' neburo iné' anid-anid ruma'deh.

ESTER 7:10

Idi Haman tikito luun ineh luk tinina'neh kuan Mordekai. Pangeh ineh useh raca' nugka'.

NANI UBUR 107:40

idi Ieh nengegala' gatehNeh kuan lemulun luk ngedereh nedeh, idi nenganau' nedeh meraruh déi' su luk ali-ali.

NANI UBUR 110:5

Tuhan ineh pa tinuehMu; idi Ieh miak ngelaya' amung raca' kareb Ieh museh.

YAHYA 19:31

Idi ngaceku aco sineh aco limeh, ieh ineh Aco Temina' kuan Irau Paska, pad butung lemulun luk sinalib ineh na ketecan luun salib, meluun teh ngaceku Aco luk inan Mudeng bang minggu ineh meluun ligan, idi lun Yahudi nemutuh Pilatus nima' nedeh mutul kukuddeh idi ngalap butungdeh ratnan salib.

KEKAMEN RASUL-RASUL 12:23

Idi petacu aceh melaikat Tuhan nenecat neneh, ngaceku na ieh nengerayeh Allah. Idi ieh kinan uled idi petacu niatneh neputut.

YUSAK 10:30

Idi Tuhan nemaré bawang ineh dengan raca'neh kuan lun Israil. Idi ideh nengaté amung lun luk mudeng bang bawang ineh. Idi Yusak nenganau' kuan raca' Libna mepad kudeng tau'neh kuan raca' Yeriko.

YUSAK 10:33

Idi kareb ineh nacing Horam, raca' Giser ineh, pian ngedengan lakis, Iamo' Yusak nengelaya' neneh idi anak itinneh, pad seburur pana' nateh luk mulun.

YUSAK 12:9

Amung raca' ini pangeh linaya' lun Israil: raca' Yeriko, raca' Ai luk muneng ku Baitel,

YUSAK 7:26

Idi ideh nenaped pa luundeh aceh perupun batu luk rayeh luk idi macing aco sini. Idi ngaceku ineh ideh neten su ineh Ruan Susa' macing aco sini. Idi Tuhan nugka' ratnan usehNeh.

YUSAK 8:23

Idi ideh nengakem raca' Ai ineh, idi ideh nenguit neneh amé' matun ni Yusak.