YUSAK 8:28 - BALA LUK DO'

²⁸ Idi Yusak nenutung bawang Ai ineh, idi nengisu' ineh ku aceh perupun batu macing ruked-ruked idi aceh tabpa macing aco sini.

YUSAK 8:28 Iomraidhean Croise

RACA'-RACA' LUK KEDUEH 19:25

“Naké iko kali', Ui pangeh nengeletep amung ini rat mon. Idi nekini Ui pangeh nengacing amung ineh. Ui luk nemaré lalud namu, pad iko nenabpa amung libung bawang luk meraben, pelé bawang ineh mangun ku tuda'-tuda' bubpun batu mo'.

YESAYA 17:1

Ini bala ratnan Damsik. Kebala Tuhan, “Damsik na miak mangun ku aceh bawang teh; ieh mangun ku usag mo'.

YESAYA 25:2

Iko nengisu' bawang-bawang mangun ku usag, idi nengusag libungdeh luk meraben. Ruma'-ruma' raca' luk pinudut bunu' kai pangeh netabpa.

YEREMIA 49:2

Ngerawé do'-do', tarekneh miak macing kareb Ui nganau' lun bang bawang Raba ninger uni lun pebunu'. Bawang lun Amon ineh miak uen ngusag idi amung ruma'deh miak mabud sabpen. Idi lun Israil miak ngalap tana'deh lemubed ratnan lemulun luk nengaro neneh. Ui ini Tuhan pangeh nepebala.

YEREMIA 50:26

Do' munu' Babil rat selipa idi rat pa selipa, idi ngaro lepo padédeh. Ngamung amung binaweh luk ruen muyuh ngaro mepad kudeng aceh bubpun padé. Do' ngusag bawang ineh idi aleg necan anun-anun pana'.

YEREMIA 9:11

Kebala Tuhan, “Ui miak nganau' Yerusalim mangun ku ruma' tican, su luk inan galau tudo. Amung bawang Yahuda miak mangun ku su luk ali-ali idi na lemulun.”

MIKA 3:12

Idi nekini, ngaceku sala' muyuh, Sion miak uen ngeradu mepad kudeng aceh lati', Yerusalim miak mangun ku aceh usag batu, idi surud su luk inan Ruma' Allah miak mangun ku pulung.

BADA' RATNAN UKUM 13:16

Do' ngamung amung binawehdeh luun natad. Idi do' nutung bawang ineh idi amung binawehdeh mangun ku aceh baré kuan Tuhan Allah muyuh. Idi bawang ineh pana' musag macing ruked-ruked idi na miak piduten baruh peh.

BADA' RATNAN UKUM 13:17

Idi aleg muyuh ngalap binaweh anun-anun luk pangeh kidiman ineh, pad Tuhan ugka' ratnan usehNeh, idi Ieh miak mada' katuNeh kuan muyuh, idi Ieh miak méi' nemuyuh idi ngula' nemuyuh maya' kudeng luk pijani'Neh kuan tepun muyuh,

YUSAK 4:9

Idi Yusak nenaped pulu' dueh batu luk baken teh uned Abpa' Yarden, ieh ineh su luk ridu' amung imam luk mirir Pati' Pejani' ineh, idi batu ineh idi teh su ineh macing aco sini.

YUSAK 8:29

Idi ieh nengekito raca' Ai ineh nan sepekatu kayuh macing kareb malem. Kareb aco macep Yusak nengecuk ngerurut butungneh ratnan kayuh ineh. Idi butung ineh pipetdeh pa atun tanga' bawang ineh. Idi ideh nenaped pa luunneh aceh perupun batu luk rayeh luk idi su ineh macing aco sini.