YUSAK 8:22 - BALA LUK DO'

²² Idi lun luk pangeh nesemuet bang bawang ineh pana' iné' matun nedeh, pad amung lun bang bawang Ai ineh arang uned lun Israil. Inan luk bal pa déi'. Inan luk pa tungé'. Idi lun Israil nengaté lun bang bawang Ai ineh, pad seburur pana' na luk miak buro idi mepuit.

YUSAK 8:22 Iomraidhean Croise

AYUB 20:5

lemulun luk dat na mio mawang niat.

BADA' RATNAN UKUM 7:2

Idi kareb Tuhan Allah muyuh pangeh nemaré nedeh bang palad muyuh, idi muyuh pangeh nengelaya' nedeh, do' muyuh ngaté amungdeh. Aleg muyuh pejani' nedeh. Idi aleg muyuh méi' nedeh.

1 TESALONIKA 5:3

Kareb lemulun pebala, “Pelaba do' ali idi do' udeng,” idi denak-denak até macing kuandeh, mepad kudeng luk mét nenganak kuan seburur decur luk mali'. Idi na tu-tu ideh miak muit bururdeh.

YUSAK 10:28

Idi aco sineh teh Yusak nengaro bawang Makeda, idi ieh nengaté raca' idi lun luk bang bawang ineh. Idi seburur pana' nateh luk mulun. Idi ieh nenganau' kuan raca' Makeda ineh mepad kudeng luk inau'neh kuan raca' Yeriko.

YUSAK 6:21

Idi ideh nengaté amung-amung luk bang bawang ineh, do' deléi idi decur, do' anak baruh idi lun merar, amung sapi, dumba, idi keladai pana'.

YUSAK 8:21

Kareb Yusak idi lun denganneh nenier idi amung lun Israil luk ngabang ineh pangeh nesemuet bang bawang, idi teh ideh nenier rabpun bawang ineh, idi ideh nelemubed idi nengaté nelun bang bawang Ai.

YUSAK 8:23

Idi ideh nengakem raca' Ai ineh, idi ideh nenguit neneh amé' matun ni Yusak.

YUSAK 8:8

Idi kareb muyuh pangeh nengalap bawang ineh, do' muyuh nutung ineh maya' kudeng luk bila Tuhan.”