YUSAK 8:20 - BALA LUK DO'

²⁰ Kareb amung lun Ai ineh nelumi nier pa puet, idi ideh nenier rabpun bawang ineh. Idi na luk idi dalandeh buro. Ngaceku lun mula' luk pangeh nupun iné' su luk ali-ali ineh nelemubed iné' ngaté nedeh.

YUSAK 8:20 Iomraidhean Croise

PUDUT 19:28

Idi ieh nenier pa bawang Sodom idi Gemora dengan aput tana; raked ineh. Idi ieh nenier inan rabpun umak ratnan tana' ineh mepad kudeng rabpun ratnan tetel luk rayeh.

AYUB 11:20

Iamo' lun luk dat miak lemiget dengan na merapet, idi kali' na luk idi dalan mepuit. Ideh merapet ku até mo'.

NANI UBUR 76:5

Binaweh lun pebunu'deh luk mesangit pangeh inaro, idi nekini ideh pangeh naté, idi seburur pana' nateh luk ketecan.

YESAYA 34:10

Apui ineh mulun tebaco kedangan. Idi rabpun pana' umak ratnan apui ineh ruked-ruked. Tana' ineh mangun ku su luk ali-ali macing ruked-ruked, idi seburur pana' nateh luk lemaba bawang ineh teh.

YUSAK 8:19

Idi kareb ieh pangeh nengegenang gaman ineh dengan saget-saget, idi lun luk ngabang ineh nudur rat su inandeh idi nupun iné' bang bawang ineh idi nengaro idi nenutung bawang ineh dengan saget-saget.

YUSAK 8:21

Kareb Yusak idi lun denganneh nenier idi amung lun Israil luk ngabang ineh pangeh nesemuet bang bawang, idi teh ideh nenier rabpun bawang ineh, idi ideh nelemubed idi nengaté nelun bang bawang Ai.

BALA LUK LINIO 18:9

Idi raca'-raca' bang tana' ini luk pangeh nepasét idi netudo dengan lutak pad-pad denganneh miak nangi' idi temido neneh kareb ideh nier rabpun apui luk ngeseb neneh.

BALA LUK LINIO 19:3

Idi kebaladeh luk kedueh kua'neh, “Ngubur Allah! Rabpun ratnan bawang luk meseb ineh umak macing ruked-ruked!”

LUN LUK NGUYUT 20:38

Idi baweh Israil pangeh nepegayam nedeh luk ngabang ineh nganau' aceh tanu'. Kareb ideh nenier rabpun luk pelaba ula' rat bang bawang ineh,

LUN LUK NGUYUT 20:40

Idi denak-denak inan rabpun luk pelaba ula' rat bang bawang ineh, ieh ineh tanu'deh luk nengabang. Idi lun Beniamin nelumi idi mawa nier bawangdeh meseb.

LUN LUK NGUYUT 20:41

Idi lun Israil pana' nelemubed munu' nedeh. Idi amung lun Beniamin megagau ngaceku ideh kali' ideh pangeh linaya'.