YUSAK 8:18 - BALA LUK DO'

¹⁸ Idi kebala Tuhan ni Yusak, “Ngegenang gaman luk bang paladmu ineh pa bawang Ai. Ngaceku Ui maré bawang ineh kuanmu.” Idi Yusak nengegenang gaman luk bang paladneh ineh pa bawang Ai.

YUSAK 8:18 Iomraidhean Croise

AYUB 15:25

Ieh ineh kekiped lemulun luk nicuk kiung Allah, idi luk sikal metueh ratnan luk Meluun Melalud.

AYUB 39:23

Repapeh lun luk pebunu' pék-pék, idi mesilo ku acang aco.

PURA' 14:16

Ngegenang rukudmu pa luun abpa'. Idi abpa' ineh miak mepatad, pad lun Israil nalan uned abpa' ineh su luk metekering.

PURA' 8:1

Kebala Tuhan ni Musa, “Amé' iko papu' raca', idi pebala neneh, ‘Ini bala Tuhan: Nima' pupuKu nalan amé' sembayang Negku.

PURA' 8:5

Idi teh kebala Tuhan ni Musa, “Ngecuk ni Arun ngegenang rukudneh ineh pa luun amung abpa', turuk, idi takungdeh, pad atit umak bang bawang Masir.”

YEHISKIEL 30:25

Ui ngelaya' neneh, idi Ui ngetueh raca' Babil. Kareb Ui maré pelapetKu neneh pad ieh munu' nelun Masir, amung lemulun miak kali' Ui ini Tuhan.

YUSAK 8:17

Seburur pana' nateh neketecan bang bawang Ai idi bang bawang Baitel, luk na nengerada' nelun Israil. Idi bawangdeh ticandeh laba' ideh ngerada' nelun Israil.

YUSAK 8:19

Idi kareb ieh pangeh nengegenang gaman ineh dengan saget-saget, idi lun luk ngabang ineh nudur rat su inandeh idi nupun iné' bang bawang ineh idi nengaro idi nenutung bawang ineh dengan saget-saget.

YUSAK 8:26

Idi Yusak pana' nateh nengererep gamanneh luk pangeh tigenangneh, pad amung lun bang bawang Ai pinatédeh.

YUSAK 8:7

Pangeh ineh do' muyuh remuat ratnan abang muyuh, idi semuet ngaro bawang ineh. Ngaceku Tuhan Allah muyuh miak maré bawang ineh kuan muyuh.

SEMUIL LUK PUN-PUN 17:41

Idi lun Pilistin ineh iné' matun ni Daud. Idi lun luk nguit utapneh pana' nenalan pa atunneh.

SEMUIL LUK PUN-PUN 17:45

Iamo' kebala Daud, “Inan peh Iko amé' matun negku dengan pelapet idi busu. Iamo' ui ini amé' matun namu dengan ngadan Tuhan luk Melalud, ieh ineh Allah amung baweh lun Israil luk inanmu situnga ineh.

SEMUIL LUK PUN-PUN 17:6

Idi teh inan ebpu tekaling mop kukudneh idi iyu tekaling arang mop tudungneh.