YUSAK 8:14 - BALA LUK DO'

¹⁴ Kareb raca' Ai nekali' nedeh, dengan tapapeh-tepapeh ideh temina', idi ieh neremuat dengan anak itinneh iné' munu' nelun Israil, su luk pangeh litepneh petutup ku Raked Yarden. Ngaceku na ieh kali' lun Israil ngabang pa keted bawang.

YUSAK 8:14 Iomraidhean Croise

LUN LUK MADA' 9:12

Iko na kali' kareb tarekmu macing. Mepad kudeng suit denak-denak mekaneh abpung, idi mepad kudeng lawid mekaneh pukat, kudeng ineh teh tau lemulun denak-denak mekaneh susa'.

YESAYA 19:11

Amung lun rayeh Soan pelaba bacé, idi lun Masir luk mileh mada' raca' maré bada' luk mebacé. Ngudehké ideh pebala kuan raca', “Kai ini anak lun mileh, idi anak-anak raca' luk mon”?

YESAYA 19:13

Lun rayeh Soan idi Mempis mebacé peh. Petulu ideh ngimet bawang. Iamo' ideh nengeraruh neneh.

DANIEL 4:31

Kareb uned ieh pebala, idi inan tang rat déi' langit, “O Raca' Nebukadnesar, ninger balaKu. Nekini imetmu pangeh ilap rat namu.

MATIUS 24:39

iamo' ideh na kali' megala' pad macing ereb luk nengabud amungdeh. Kudeng ineh teh acing Anak-Lemulun.

MATIUS 24:50

Idi tuan demulun ineh miak macing kareb seaco luk ieh na nginulat neneh, idi bang aceh kareb luk na kali'neh.

BADA' RATNAN UKUM 1:1

Idi ini amung bala luk bida' Musa nelun Israil dipar Abpa' Yarden, déi' su luk ali-ali, ieh ineh déi' luun Raked Yarden luk petutup ku Sup, arang Paran dengan Topel, Laban, Haserot, idi Disahab.

YUSAK 8:13

Kudeng ineh lawéneh ngatur lun pebunu', pad amung baweh ineh iné' pa tinueh busat aco bawang ineh, idi luk ngabang pa acep aco bawang ineh. Idi bang alem sineh idi Yusak nenalan suet ku alung ineh.

YUSAK 8:15

Yusak idi amung lun Israil pana' ayu-ayu melaya' pa kiungdeh. Idi ideh nupun maya' dalan iné' su luk ali-ali.

YUSAK 8:16

Idi kareb ineh raca' nenawar amung lun Ai amé' ngerada' nedeh ineh. Idi ideh nengerada' ni Yusak pad ideh nepetatang ratnan bawangdeh.

YUSAK 8:5

Idi ui dengan amung lun luk maya' negku amé' ngerieng bawang ineh. Idi kareb ideh remuat amé' matun nekai, kai buro rat pa kiungdeh mepad kudeng luk atun.

2 PETRUS 2:3

Dengan lilideh ideh miak nakap tabpar rat nemuyuh dengan bala luk naluk. Iamo' ngaceku kekamendeh ineh, rat mon ukum pangeh tinina' kuandeh, idi atédeh na miak uen ngiuk.

LUN LUK NGUYUT 20:37

Idi ideh luk nengabang nupun inée' Gibia. Idi ideh nurap idi nengatée amung lun bang bawang ineh.