YUSAK 8:1 - BALA LUK DO'

¹ Kebala Tuhan ni Yusak, “Aleg iko matot, idi aleg megegker, lapenmu amung lun pebunu' idi nalan amé' bawang Ai. Ui maré raca' Ai idi amung anak itinneh, bawangneh, idi tana'neh kuanmu.

YUSAK 8:1 Iomraidhean Croise

NANI UBUR 27:1

Tuhan ineh acang idi ulunku. Idé-idé pana' nateh ui matot; Tuhan matar negku ratnan amung dereh. Na ui miak matot peh.

NANI UBUR 44:3

Na ideh nengaro bawang ineh ku pelapetdeh, idi na nengalap neneh dengan tuehdeh sebuleng, iamo' dengan lalud idi tuehMu, idi ngaceku ideh kali' pedengan idi awaMu nedeh.

NANI UBUR 46:11

Tuhan luk Melalud idi dengan tau, Allah Yakub ineh libung tau.

YESAYA 12:2

Allah ineh Lun Nengulun negku, ui merapet Neneh idi na matot. Tuhan maré lalud idi tueh negku; Ieh ineh ulunku.

YESAYA 43:2

Kareb iko guta abpa' luk medalem, Ui idi denganmu pad susa' na ngelaya' namu. Sagan tu pana' iko nalan bang apui, na iko melau'. Susa' luk rayeh pana' na ngedereh namu.

YEREMIA 46:27

“O amung inul demulunKu Yakub, aleg muyuh matot. O lun Israil, aleg megagap. Ui miak muit nemuyuh ratnan bawang luk mado, rat su luk inan muyuh pangeh tiban. Muyuh miak lemubed idi mulun dengan do'. Muyuh miak do' udeng, idi na lemulun miak ngagau nemuyuh.

YEREMIA 49:3

O lun Hesbon, do' muyuh ngitang! Bawang muyuh pangeh inusag! O muyuh decur lun Raba. Do' muyuh temido! Do' muyuh nacung idi nangi'. Do' muyuh perigéi' upun. Akang muyuh Milkom miak tebanen perapu dengan imam idi penguluneh.

DANIEL 2:21

Ieh luk ngimet amung kareb. Ieh luk mudut idi ngagka' raca'-raca'; Ieh maré ileh idi do' kali' kuan lemulun.

DANIEL 4:25

Iko miak uen ngusu rat arang lemulun, idi iko miak tudo dengan pung luk meliput. Idi iko miak kuman uduh mepad kudeng sapi', idi rudap déi' liang, idi ipup miak mebpeh luunmu kinio tudu' lak. Pangeh ineh iko miak kali' Allah luk Meluun rayeh luk kuan amung imet lemulun bang tana' ini, idi Ieh miak ngikit idé-idé luk pianNeh mangun ku raca'.

DANIEL 4:35

Kudeng lemulun bang tana' ini uen maad dengan Allah, ideh na anun-anun. Amung melaikat luk déi' Surga idi lemulun bang tana' ini pa liang imetNeh. Seburur pana' na miak ngeluun luk pianNeh, idi ngitun Neneh ratnan luk ruenNeh.

MATIUS 8:26

Idi kebala Yésus, “Ngudehké muyuh matot, O muyuh luk na petap anu?” Idi Ieh netumui idi nengagka' barui idi ribut abpa', pad ieh melitong peh.

BADA' RATNAN UKUM 1:21

Tuhan Allah tepun muyuh pangeh nemaré tana' ineh kuan muyuh. Amé' tebawang su ineh, maya' kudeng luk icukNeh. Aleg muyuh matot idi merapang.’

BADA' RATNAN UKUM 31:8

Tuhan sebuleng nalan pa atunmu idi Ieh miak ngedengan namu. Idi na Ieh nima' namu melaya', idi na Ieh necan namu. Aleg iko matot. Aleg iko megagap.”

BADA' RATNAN UKUM 7:18

Idi aleg muyuh matot nedeh. Do' megéi' ngerawé luk pangeh inau' Tuhan Allah muyuh kuan raca' Masir idi amung anak itinneh.

BADA' RATNAN UKUM 7:21

Aleg muyuh megegker pa kiungdeh. Ngaceku Tuhan Allah muyuh idi dengan muyuh. Ieh Ineh Allah luk meluun rayeh idi luk inan matot.

YUSAK 1:9

Ngerawé bala Kini, “Do' iko metueh idi mekuu'. Idi aleg iko matot, idi merapang Ngaceku Tuhan Allahmu idi denganmu iapeh-iapeh luk ulekmu.’ ”

YUSAK 10:7

Idi Yusak nenalan dengan bawehneh rat Gilgal.

YUSAK 10:8

Idi kebala Tuhan ni Yusak, “Aleg iko matot nedeh, ngaceku ideh pangeh biréKu namu. Idi seburur pana' nateh metueh rat namu.”

YUSAK 2:24

Kebala didueh ni Yusak, “Kali' rungen Tuhan pangeh nemaré amung tana' ini bang palad tau. Ngaceku niat amung lun bang bawang ineh megagau, ngaceku matot netau.”

YUSAK 6:2

Idi kebala Tuhan ni Yusak, “Kali' rungen Ui maré bawang Yeriko ini perapu ku raca'neh idi amung lun luk mesangit kuanmu.

YUSAK 7:9

Idi lun Kanaani idi amung lun bang bawang ini miak kali' ratnan ini, idi ideh miak ngelibut nekai idi ngaté nekai! Idi anunké miak ruenMu ratnan ngadanMu luk rayeh ineh?”