YUSAK 7:6 - BALA LUK DO'

⁶ Idi Yusak narak-narak ayungneh ngaceku ieh mesusa' niat, idi netekunal pa atun Pati' Pejani' Tuhan macing aco malem, dengan amung lun rayeh Israil, idi ideh nemubpur uluhdeh ku abuh.

YUSAK 7:6 Iomraidhean Croise

PUDUT 37:29

Kareb Rubin nelemubed iné' ku subuk ineh, idi nenier Yusup na idi bang subuk ineh, idi ieh nengerarek ayungneh.

PUDUT 37:34

Idi Yakub nengerarak ayungneh, idi nenacung. Idi ieh netemido bang tuda'-tuda' aco ngaceku anakneh na idi.

SEMUIL LUK KEDUEH 1:11

Idi Daud nenarak ayungneh sebuleng. Kudeng ineh teh luk inau' anak itinneh.

SEMUIL LUK KEDUEH 1:12

Idi amungdeh ineh nenangi' idi netemido idi mawa' macing malem aco, ngaceku Saul idi Yonatan anak raca' ineh, idi ngaceku pupu Tuhan, idi ngaceku amung uang tetek ruma' Israil luk pinaté.

SEMUIL LUK KEDUEH 1:2

Kenebpa seburur anak adi' rat arang baweh Saul ineh nacing. Idi ayungneh nedarak idi abuh pana' inan teh luun uluhneh. Idi kareb ieh nacing ni Daud idi ieh netekeradung pa kiungneh.

SEMUIL LUK KEDUEH 12:16

Idi Daud nemutuh Allah ngedo' anak ineh. Idi ieh mawa'; idi anid alem ieh nesemuet bang takepneh idi tekulub luun tana' kedangan-kedangan.

SEMUIL LUK KEDUEH 13:19

Idi Tamar nenganau' abuh luun uluhneh. Idi ieh nenarak kuyu'neh, idi ieh nengerareng ticu'neh luun uluhneh idi nenalan dengan nangi'.

SEMUIL LUK KEDUEH 13:31

Idi raca' nudur idi nenarak ayungneh idi netelubid luun tana'. Idi amung lun duken raca' pana' netuped idi nenarak ayungdeh teh.

RACA'-RACA' LUK KEDUEH 22:11

Kareb raca' neninger bala bang Surat Ukum ineh, idi ieh nenarak ayungneh ku dat niatneh.

INUL LUK KEDUEH 34:19

Kareb raca' neninger bala surat ineh, idi ieh nenarak ayungneh.

ESRA 10:1

Idi laba' Esra tekeradung idi sembayang dengan nangi' idi ngamo sala' pa atun Ruma' Allah, mula' lun deléi, decur, idi anak-anak rat nelun Israil, nepamung neneh idi nenangi'.

NEHEMIA 9:1

Idi dueh ngepulu' apat aco bulan ineh teh, lun Israil nepamung sikal mawa' na kuman ngaceku mesusa' niat ku sala'deh. Ideh nenacung idi nenganau' abuh luun uluhdeh mangun ku tanu' susa' niatdeh.

ESTER 4:1

Kareb Mordekai nekali' bala ineh, ieh nengerarak ayungneh ku susa' niatneh. Idi ieh nenacung idi lawé-lawé bang bawang dengan pelaba tangi',

ESTER 4:3

Idi inan tido arang lun Yahudi aput babpat-babpat imet ineh, su luk inan ukum raca' pangeh bida'. Ideh mawa' na kuman, ideh nangi', idi temido, idi lélé amung-amungdeh nenacung.

AYUB 1:20

Idi Ayub nudur idi nengerarak kuyu'neh ngaceku ieh dat niat. Idi ieh nengiki uluhneh, idi netekeradung.

AYUB 2:12

Kareb ideh mado rat neneh, ideh nenier ni Ayub, iamo' na ideh miti neneh. Kareb ideh kali' neneh Ayub, idi diteluh nangi' idi temido. Ideh nengerarak kuyu'deh, ngaceku ideh dat niat, idi ideh nengisak abuh iné' dita' idi teh luun uluhdeh.

AYUB 42:6

idi ui migu' ngaceku amung luk bilaku, idi nekini ui uren tu-tu.

TIDO YEREMIA 2:10

Lun mengered rat Yerusalim tudo idi ungeng; idi nacung dengan abuh luun uluhdeh. Anak adi' decur munel idi nier i tana'.

IAP 14:6

Iamo' Yusak Nun idi Kaleb Yepuneh luk rat arangdeh luk iné' nier bawang ineh teh nengedarak kuyu' didueh sebuleng,

IAP 16:22

Idi didueh netekeradung, kesembayang didueh, “O Allah, Allah lawa amung ulun! Kudeng seburur mesala', miakké Iko museh kuan lun mula' ini?”

IAP 16:45

“Buro medueh rat arang lun Israil ini, ngaceku dengan segageh Ui miak ngaté nedeh.” Idi didueh netekeradung.

KEKAMEN RASUL-RASUL 14:14

Kareb Barnabas idi Paulus neninger ratnan luk pian ruendeh, idi didueh nenarak ayung didueh idi nupun semuet arang uned lun mula' idi nengitang,

YUSAK 7:7

Idi kesembayang Yusak, “O Tuhan Allah, kudeng apeh Iko ngecuk lun mula' ini guta Abpa' Yarden, pad kai biré bang palad lun Amoriké, pad kai uen ngederehké? Adui, do' teh kai neketecan déi' dipar Abpa' Yarden!

BALA LUK LINIO 18:19

Idi ideh mubpur uluhdeh ku abuh dengan ngitang, nangi' idi temido, keburi'deh, “Mesusa', pelaba susa' kuan bawang rayeh ineh, ieh ineh bawang su luk inan lemulun luk maya' kapal bang abpa' rayeh pangeh mangun ku lun do' ku amung-amung binawehneh! Idi bang sejam mo' ieh pangeh inusag!”

LUN LUK NGUYUT 11:35

Kareb Yepta nenier neneh, idi ieh nengerarak ayungneh sebuleng ku dat niatneh, kebalaneh, “O, anakku! Iko luk ngesusa' niatku. Ngudeh iko inée' papu' negku. Ngaceku ui pangeh nepejani' inan Tuhan, idi ui na miak ngelubed jani'ku Neneh.”

LUN LUK NGUYUT 20:26

Pangeh ineh idi amung lun Israil inée' Baitel idi nenangi'. Idi ideh netudo ieneh pa kiung Tuhan idi na nekuman pad macing malem. Idi ideh nemarée barée luk sabpen idi barée luk nguit pedo pa kiung Tuhan.

LUN LUK NGUYUT 21:2

Idi ideh inée' déei' Baitel idi netudo pa kiung Allah pad macing malem. Idi ideh pelaba tangi',

SEMUIL LUK PUN-PUN 4:12

Idi seburur lun Beniamin neburo rat uned baweh ineh, idi ieh nacing déi' Silo kareb aco sineh teh. Ayungneh darak-darak, idi kipu teh inan luun uluhneh.