YUSAK 7:26 - BALA LUK DO'

²⁶ Idi ideh nenaped pa luundeh aceh perupun batu luk rayeh luk idi macing aco sini. Idi ngaceku ineh ideh neten su ineh Ruan Susa' macing aco sini. Idi Tuhan nugka' ratnan usehNeh.

YUSAK 7:26 Iomraidhean Croise

SEMUIL LUK KEDUEH 18:17

Idi ideh nemirir butung Absalom idi nenala' ineh bang aceh lubang rayeh luk bang pulung. Idi ideh nengerupun su ineh ku aceh perupun batu luk meluun rayeh. Idi amung lun Israil pana' neburo iné' anid-anid ruma'deh.

SEMUIL LUK KEDUEH 21:14

Idi ideh nenanem amung tulang Saul idi Yonatan déi' tana' Beniamin déi' Sila, bang tanem tamanneh Kis. Idi ideh nenganau' maya' kudeng luk icuk raca' ineh, idi pangeh ineh Allah neninger sembayang lun bang bawang ineh.

INUL LUK KEDUEH 29:10

“Idi nekini inan terawéku sikal nganau' aceh pejani' dengan Tuhan Allah lun Israil, pelé Ieh na museh netau.

ESRA 10:14

Do' amung lun rayeh ketecan déi' Yerusalim idi ngatur lawé ini. Idi idé-idé bang bawang kai luk pangeh nengaweh decur pupu baken do' ideh macing bang kareb luk litep idi dengandeh amung lun luk mutut ukum, idi lun rayeh rat anid-anid bawang, pad ngagka' useh Allah ngaceku sala' ini.”

NANI UBUR 85:4

Nguit nekai lemubed, O Allah Lun Nengulun nekai, idi ugka' tekedamut nekai!

PURA' 32:12

Aleg nima' nelun Masir pebala kudeng ini, ‘Dengan niat luk dat Tuhan nenated nedeh remuat, pad ideh mabud maté luun pegkung.’ Ugka' museh nedeh, idi nginuud ratnan dat luk Iko pian ngacing kuan pupuMu.

YESAYA 40:2

Ngubuk nelun Yerusalim. Do' mada' nedeh, nekini ideh petap dereh, idi Ui maré do' ratnan sala'deh. UkumKu nedeh ngaceku sala'deh pangeh petap.”

YESAYA 65:10

Ideh sembayang Negku, idi ideh miak nguyut dumba idi sapi'deh amé' nan laman déi' Raked Saron luk pa acep aco, idi Ruan Susa' luk pa busat aco.

TIDO YEREMIA 3:53

Ideh nenala' negku bang aceh lubang idi nemapen neneh ku batu.

HOSIA 2:15

Idi teh Ui maré kabun anggurneh lemubed kuanneh, pad Raked Susa' mangun ku tanga' rapet. Ieh mawa Negku mepad kudeng kareb ieh anak adi', kareb ieh neburo rat bawang Masir.

HOSIA 2:17

Idi na Ui nima' neneh neten ngadan Baal baruh teh.

YOEL 2:13

Nima' niat muyuh luk meberat ngegala' susa' muyuh, aleg narak kuyu' muyuh sebuleng mo'.” Lemubed amé' inan Tuhan Allah muyuh. Ieh do' niat idi panu' ku éi'. Ieh mulai niat idi maya' jani'Neh. Ieh pian maré do' idi na sikal ngukum.

YOEL 2:18

Idi Tuhan nengegala' éi'Neh kuan bawangNeh idi pupuNeh.

YUNUS 1:15

Idi ideh nengakem ni Yunus idi nemala' neneh bang abpa', idi petacu ribut ineh nugka'.

SEKARIA 6:8

Idi melaikat nengitang negku, “Kuda-kuda luk iné' Babil luk pa tinueh busat aco ineh pangeh nengagka' useh Allah.”

IAP 25:8

Idi ieh iné' maya' puet didueh macing bang lepo sedeléi. Idi ieh nemayung nedidueh perapu. Idi kareb ineh idi ét lun Israil nugka'.

BADA' RATNAN UKUM 13:17

Idi aleg muyuh ngalap binaweh anun-anun luk pangeh kidiman ineh, pad Tuhan ugka' ratnan usehNeh, idi Ieh miak mada' katuNeh kuan muyuh, idi Ieh miak méi' nemuyuh idi ngula' nemuyuh maya' kudeng luk pijani'Neh kuan tepun muyuh,

BADA' RATNAN UKUM 13:18

kudeng muyuh maya' amung ukumNeh luk bida'ku nemuyuh aco sini idi nganau' luk matu pa kiung Tuhan Allah muyuh.

YUSAK 10:27

Idi kareb aco macep Yusak nengecuk ngerurut nedeh ratnan kayuh ineh idi nala' nedeh bang lubang batu su luk inandeh nesigapung ineh. Idi ideh nengerareng tuda'-tuda' batu luk rayeh munung lubang batu ineh, idi macing aco sini pana', idi tieh su ineh.

YUSAK 7:24

Idi Yusak idi amung lun Israil nengalap ni Akan, idi amung pirak, idi kibung luk do' ayu, idi amas, dengan amung anak deléi idi anak decur, amung sapi'deh, keladaideh, dombadeh, lepodeh, idi amung-amung luk ideh kuan. Idi amung ineh inuitdeh amé' Ruan Susa'.

YUSAK 8:29

Idi ieh nengekito raca' Ai ineh nan sepekatu kayuh macing kareb malem. Kareb aco macep Yusak nengecuk ngerurut butungneh ratnan kayuh ineh. Idi butung ineh pipetdeh pa atun tanga' bawang ineh. Idi ideh nenaped pa luunneh aceh perupun batu luk rayeh luk idi su ineh macing aco sini.