YUSAK 7:25 - BALA LUK DO'

²⁵ Idi kebala Yusak, “Ngudehké iko ngacing dat kuan kai? Idi Tuhan ngedereh namu aco sini.” Idi amung lun Israil nemitung ni Akan ku batu, idi nengeseb amung uang tetek ruma'neh, kareb ideh pangeh nemitung nedeh ku batu.

YUSAK 7:25 Iomraidhean Croise

PUDUT 34:30

Idi kebala Yakub ni Simion idi Liwi, “Medueh pangeh nengesusa' negku, idi nengedat ngadanku arang lun Kanaani idi lun Prisi, idi amung lun baken luk tudo bang bawang ini megateh negku. Tau ini sesuut mo'. Kudeng ideh pamung sikal metueh rat negku, idi na miak na ideh metueh rat negku, idi ngaté negku dengan amung uang tetek ruma'ku pana'.”

PUDUT 38:24

Pangeh teluh bulan, idi lun nemada' ni Yahuda, kebaladeh, “Tamar, ibanmu ineh pangeh pasét, idi nekini ieh kebatek.” Idi kebala Yahuda, “Do' nguit neneh remuat idi ngeseb neneh.”

INUL LUK PUN-PUN 2:7

Idi Akan, anak Karmi, nengesusa' nelun Israil, ngaceku ieh nengalap binaweh luk inaro kareb pebunu', luk bibpeng na miak lapen.

BALE' 1:19

Lun luk mano idi ngaté lemulun na miak na maté.

BALE' 15:27

Lemulun luk nakap binaweh maya' dalan luk tekilu' miak ngacing susa' kuan tetek ruma'neh. Aleg ngalap suap, pad iko mekadang ulun.

UKUM 20:14

Idi kudeng selemulun ngalap aceh decur perapu dengan tinanneh ku awanneh, ieh ineh kekamen luk dat. Na miak na ideh sabpen, pad na inan kekamen luk dat arang muyuh.

UKUM 20:2

“Mada' kuan amung lun Israil: Idé-idé rat arang lun Israil, idi lun sakai luk tudo arang lun Israil, luk maré anakdeh kuan Molek, lun ineh bitungin lun bang bawang ineh ku batu, pad ieh maté.

UKUM 21:9

Idi kudeng anak decur imam mangun ku aceh decur luk mesawa', idi ieh ngedat tamanneh. Na miak na decur ineh sabpen.

UKUM 24:14

“Nguit lemulun luk nguyo ineh remuat rat su luk inandeh nelupo. Do' amung lun luk pangeh neninger neneh ineh ngerareng ticu'deh luun uluhneh, idi do' lun mula' mitung neneh ku batu.

GALATIA 5:12

Nima' amung-amung lemulun luk ngagau niat muyuh ineh ngurat bururdeh sebuleng.

BADA' RATNAN UKUM 13:10

Do' muyuh mitung neneh ku batu pad ieh maté, ngaceku iko pangeh tinutunneh nelemubed ratnan Tuhan Allahmu luk pangeh nenguit nemuyuh remuat rat bang bawang Masir, ieh ineh bawang luk inan muyuh tiban ineh.

BADA' RATNAN UKUM 13:11

Idi amung lun Israil miak ninger idi mator, pad ideh na mekuu' maya' dalan luk dat kudeng ineh arang muyuh.

BADA' RATNAN UKUM 17:5

idi do' iko nguit lemulun luk pangeh nenganau' luk dat ineh remuat rat bang bawang. Idi do' iko mitung lun deléi' kian decur ineh ku batu macing maté.

BADA' RATNAN UKUM 21:21

Idi do' amung lun bang bawang ineh mitung neneh ku batu pad ieh maté. Kudeng ineh dalanneh muyuh nala' luk dat ineh rat arang muyuh, idi kareb amung lun Israil kali' ineh, ideh miak matot.

2 TESALONIKA 1:6

Ngaceku Allah miak nganau' luk matu. Ieh pian ngedereh lemulun luk ngedereh nemuyuh.

IBERANI 12:15

Matar do'-do' pad seburur pana' na teketed ratnan katu Allah. Matar do'-do', pad aceh “uat luk mepét” na mulun idi nganau' susa' kuan muyuh pad amung-amung lemulun uenneh ngelutak.

YUSAK 6:18

Iamo' do' muyuh nginita burur muyuh ratnan binaweh luk uen ngusag ineh, pad na kediman macing nemuyuh ngaceku ngalap aceh binaweh luk miak sagen, pad muyuh na ngacing susa' idi dereh kuan baweh lun Israil.

YUSAK 7:15

Idi lun luk tinicul luk nengalap luk uen ngusag ineh, do' ieh sabpen dengan amung-amung luk ieh kuan. Ngaceku ieh nengelaba pejani' Tuhan, idi nenganau' luk ku gateh arang lun Israil.”

SEMUIL LUK PUN-PUN 14:29

Idi kebala Yonatan, “I Ama' ngesusa' nelun mula'. Nier kudeng apeh tuehku kareb ui nengil sesuut mo' duru' tebikan ini.