YUSAK 7:21 - BALA LUK DO'

²¹ Ngaceku ui nenier bang binaweh luk inaro ineh seputut kibung rat bawang Babil luk do' ayu, idi anem kati pirak, idi dueh kati amas. Idi ui melili ku ineh. Idi ui nengalap ineh idi nengapung ineh bang tana' uned lepoku. Idi pirak ineh pana' idi teh pa liang ineh.”

YUSAK 7:21 Iomraidhean Croise

PUDUT 10:10

Pun-pun ieh mengun ku raca' bang bawang Babil, Erik, idi Akad luk bang babpat Sinar.

PUDUT 3:6

Idi decur ineh nenier lawa ineh do' siren matehneh, idi bua'neh pana' do' én sirenneh. Idi ieh nengerawé ineh mangun ku luk do' kuanneh lek, pad ieh mileh. Idi ieh nengalap bua' ineh, idi nekuman ineh. Idi ieh nenguit kuan awanneh, idi awanneh pana' nekuman teh.

PUDUT 34:27

Idi anak-anak Yakub luk baken iné' bang bawang ineh idi nemano binawehdeh ngua' igu' kinanak didueh.

PUDUT 6:2

idi anak-anak deléi luk ratnan Allah nenier anak-anak decur luk ratnan lemulun pelaba do' taga, idi ideh nengalap nedeh ku awandeh padpad piandeh.

SEMUIL LUK KEDUEH 11:2

Idi aceh alem Daud netumui rat su inanneh rudap idi iné' luun apo ruma'neh, idi ieh nenier rat déi' inan aceh decur uned diu'. Idi decur ineh do' taga.

RACA'-RACA' LUK KEDUEH 7:8

Idi kareb lun mét susud ineh nacing iring su inan baweh nelupo, idi ideh nesemuet bang aceh lepo idi nekuman idi nengirup. Idi ideh nengalap amas, pirak, idi kibung. Idi ideh nengapung ineh. Pangeh ineh ideh nelemubed iné' bang lepo luk baken. Idi ideh nengalap teh idi nengapung ineh teh.

AYUB 31:1

Ui nepejani', pad ui na melili ku decur.

NANI UBUR 119:37

Ngimet negku pad ui na ngerawé luk na ulek; do' méi' negku, maya' jani'Mu.

PURA' 20:17

“Aleg iko melili ku ruma' lun denganmu. Aleg iko melili ku awanneh, lun tebarinneh, sapi'neh, keladaineh, idi anun-anun binaweh lun luk denganmu.”

BALE' 1:19

Lun luk mano idi ngaté lemulun na miak na maté.

BALE' 23:31

Aleg iko meraruh ku abpa' anggur luk do' sia', pad iko miak nier kiungmu bang sangkir ineh, idi pelaba do' ayuneh sirenmu.

BALE' 28:22

Lemulun luk ucet ngamung usin pian mangun ku lun do', iamo' na ieh kali' asi' denak-denak macing neneh.

BALE' 4:23

Matar terawému do'-do'. Ratnan terawému, ulunmu misu'.

YESAYA 28:15

Muyuh nengadan, kebala muyuh, “Kai pangeh nenganau' jani' dengan até, idi su luk inan até pana'. Na kai miak manud ku tubu' belen, ngaceku amung-amung balih idi saluk kai ngelibung nekai.”

YESAYA 29:15

Lemulun luk pian ngapung terawé deh ratnan Tuhan miak kumin! Ideh nganau' luk pangeh tirawédeh dengan lulem. Ideh ngerawé lemulun na miak nier nedeh idi kali' luk ruendeh.

HABAKUK 2:9

Muyuh miak kumin! Tetek ruma' muyuh inau' muyuh ku lun do' ku binaweh luk pino muyuh. Idi muyuh pian nganau' arar muyuh su luk medita', pad muyuh na mekaneh susa'.

LUKAS 12:15

Idi teh kebalaNeh nedeh, “Ngerawé do'-do', matar burur muyuh ratnan amung-amung lili, ngaceku ulun lemulun luk matu na macing ratnan ula' binawehneh, sagan tu pana' ieh lun do'.”

LUKAS 12:2

Anun-anun luk lininged miak uen ngegala', idi luk inalum miak kali' lemulun.

EPESUS 5:3

Ngaceku muyuh ineh lun manu, gayam ratnan pasét, luk melutak, idi lili na miak tetanen arang muyuh.

EPESUS 5:5

Ngerawé do'-do'! Lemulun luk pasét, lemulun luk melutak, idi lemulun luk melili (ngaceku lili ineh mepad kudeng sembayang inan akang) na ngalap babpat bang Imet Keristus idi Allah ineh.

BADA' RATNAN UKUM 7:25

Idi do' muyuh ngerupung amung akangdeh. Aleg muyuh melili ku amas idi pirak luk nedeh idi pian ngalap ineh kuan burur muyuh sebuleng, pad muyuh na mepabpung ku ineh. Ngaceku ieh ineh binaweh inan Tuhan Allah muyuh megateh.

KOLOSE 3:5

Do' muyuh ngilep amung-amung kekamen tana' ini, ieh ineh, pasét, luk melutak, maya' pian burur sebuleng, idi lili luk dat, idi teh lili luk mepad kudeng sembayang inan akang.

IBERANI 13:5

Do' muit burur muyuh ratnan mawa ku usin, idi do' muyuh mawang niat ratnan anun-anun luk inan bang palad muyuh; ngaceku Allah pangeh pebala, “Idi na tu-tu Ui miak nima' namu, idi na tu-tu Ui miak necan namu.”

YAKUB 1:15

Pangeh ineh pinian burur ineh ngeruat bua', idi ngacing sala' idi kareb sala' ineh iuk amé' rayeh, ieh ngacing até.

YUSAK 7:20

Idi kebala Akan, “Matu ui pangeh nenganau' sala' inan Tuhan Allah lun Israil. Idi kudeng ineh kudeng ini kekamenku.

YUSAK 7:22

Idi Yusak nengecuk nelun amé' nan lepo ineh. Idi matu binaweh ineh inapungneh bang leponeh. Idi amung pirak ineh idi pa liangneh.

2 PETRUS 2:15

Ideh nenecan dalan luk mesiri, idi maya' luk meraruh. Ideh maya' dalan Bilam Bior luk geregan ku tabpar kekamen luk dat;