YUSAK 7:19 - BALA LUK DO'

¹⁹ Idi kebala Yusak ni Akan, “O anakku, ngerayeh Tuhan Allah lun Israil, do' iko ngamo sala'mu Neneh, idi maré kali' negku anun luk pangeh inau'mu ineh. Aleg iko ngapung ineh negku.”

YUSAK 7:19 Iomraidhean Croise

RACA'-RACA' LUK KEDUEH 20:15

Idi kebala Yesaya, “Anun luk sinierdeh bang ruma'mu?” Idi kebala Hesekia, “Ideh pangeh nenier amung luk bang ruma'ku. Sebuleng pana' luk bang amung takepku nateh luk na bida'ku nedeh.”

INUL LUK KEDUEH 30:22

Idi Hesekia nengubur nelun Liwi ngaceku ilehdeh bang kekamen Tuhan. Kareb pangeh irau tudu' aco kinioneh, dengan maré baré idi ngubur Tuhan Allah tepundeh,

NANI UBUR 32:5

Idi ui nengamo sala'ku Namu; na ui nengalum kekamenku luk dat. Terawéku, “Ui sikal ngamo sala'ku kuan Tuhan,” idi Ieh nemaré do' ratnan amung-amung kekamenku luk dat.

NANI UBUR 51:3

Ui miti kekamenku luk dat; idi megéi' ngerawé sala'ku.

BALE' 28:13

Na iko uen ngeperuan kudeng iko ngalum sala'mu. Do' ngamo idi uren, pad Allah méi' namu.

YESAYA 13:12

pad lemulun pawa' mepad kudeng amas rat Opir.

YEREMIA 13:16

Ngerayeh Tuhan Allah muyuh, kareb nateh medacem, pad muyuh na metebaceng luun pegkung kareb medacem, kareb nateh Ieh maré acang luk inan muyuh merapet misu' ku dacem.

DANIEL 9:4

Ui nesembayang inan Tuhan Allahku idi nengamo amung sala' pupuku. Kesembayangku, “O Tuhan Allah, Iko luk rayeh idi luk buren kai. Iko luk lutep maya' jani'Mu, idi megéi ngegala awaMu luk lutep kuan lemulun luk mawa Namu idi luk maya' amung-amung ukumMu.

LUKAS 17:18

Ngudehké sakai ini mo' luk lemubed amé' ngerayeh Allah?”

YAHYA 9:24

Idi ideh nenawar lun luk nebuser ineh sekua' teh, idi nepebala neneh, “Do' iko mada' luk matu pa kiung Allah! Kai ini kali', idi lemulun ineh lun mesala'.”

SURAT LUK BIRE PAULUS KUAN LUN RUM 10:10

Tau manu bang niat tau pad tau ruen matu, iamo' tau ngamo dengan tang tau pad ngalap ulun luk meruked.

2 TIMOTIUS 2:25

idi do' ieh mada' lemulun luk sikal metueh rat neneh dengan mebeneh niat, merapet idi Allah miak nguit nedeh uren, pad ideh kali' ratnan luk matu.

TITUS 2:2

Mada' amung-amung deléi luk remerar pad ideh lutep terawé, mepiteb, idi ngimet burur; pad anudeh idi awadeh meriput, idi pad ideh tuman.

YAKUB 1:20

Useh lemulun na ngacing pian Allah luk matu.

YUSAK 7:20

Idi kebala Akan, “Matu ui pangeh nenganau' sala' inan Tuhan Allah lun Israil. Idi kudeng ineh kudeng ini kekamenku.

BALA LUK LINIO 16:9

Idi lemulun neseb ku pelaba lau', idi ideh nenguyo ngadan Allah luk melalud pa luun amung-amung dereh ineh. Iamo' nateh ideh sikal uren pad maré rayeh kuanNeh.

SEMUIL LUK PUN-PUN 14:43

Idi kebala Saul ni Yonatan, “Mada' negku anunké luk inau'mu.” Idi kebala Yonatan neneh, “Ui nekuman sesuut duru tebikan. Ini ui, ui temina' maté.”

SEMUIL LUK PUN-PUN 6:5

Do' muyuh nganau' ayu kimuh idi ayu labo luk ngedat bawang muyuh, idi ngamo sala' muyuh pa kiung Allah lun Israil. Kian Ieh ugka' ngukum nemuyuh, akang muyuh, idi tana' muyuh lek.