YUSAK 7:15 - BALA LUK DO'

¹⁵ Idi lun luk tinicul luk nengalap luk uen ngusag ineh, do' ieh sabpen dengan amung-amung luk ieh kuan. Ngaceku ieh nengelaba pejani' Tuhan, idi nenganau' luk ku gateh arang lun Israil.”

YUSAK 7:15 Iomraidhean Croise

PUDUT 34:7

Idi anak-anak Yakub cacing rat déi' laman. Kareb ideh neninger ratnan ineh, ideh mét niat idi museh, ngaceku Sikem pangeh nenganau' luk dat arang pupu loun Israil, ieh ineh ieh nengeruid anak Yakub.

SEMUIL LUK KEDUEH 13:13

Kudeng apeh ui ngapung igu'ku? Idi iko sebuleng pana' migu' pa kiung lun Israil. Do' iko mutuh teh luk pianmu ratnan raca'. Kali' rungen na ieh ngibpang namu.”

YUSAK 7:11

Lun Israil pangeh nenganau' sala'. Idi teh pejani'Ku luk bida'Ku nedeh, ineh pangeh linabadeh. Idi ideh nengalap binaweh luk bibpeng na lapen, idi pinodeh. Idi ideh pana' mebalih. Idi ideh nenganau' binaweh ineh puar dengan binaweh bang lepodeh.

YUSAK 7:16

Idi pekak uka-uka Yusak netumui, idi ieh nengecuk nelun Israil amé' muneng dengan inuldeh. Idi inul Yahuda luk tinicul.

LUN LUK NGUYUT 20:10

Idi tau miak ngalap pulu' burur bang meratu ratnan amung inul pupu lun Israil luk miak nguit balu' kuandeh luk pebunu'. Ideh luk baken miak amée' ngukum nelun Gibia, ngaceku kekamendeh luk dat luk pangeh inau'deh bang bawang lun Israil.”

LUN LUK NGUYUT 20:5

Idi lun Gibia sikal ngalap negku, idi ideh nengelibut ruma' luk inanku kareb medacem. Ideh pian ngatée negku, iamo' ideh nepaséet inan apidku pad ieh natée.

LUN LUK NGUYUT 20:6

Idi ui nengalap butungneh, idi nenangal neneh. Idi tangalneh biréeku kuan amung babpat tana' lun Israil. Ngaceku ideh nenganau' aceh kekamen luk meluun dat idi melutak arang tau.

SEMUIL LUK PUN-PUN 26:21

Idi kebala Saul, “Ui pangeh mesala'. Muli' O anakku Daud. Ngaceku na ui sikal nganau' dat peh kuanmu. Ngaceku aco sini, iko méi' negku. Ui mebacé idi neraruh!”