YUSAK 7:12 - BALA LUK DO'

¹² Ngaceku ineh lun Israil na miak tuman pa kiung bunu'deh. Idi ideh lumuut rat nedeh, ngaceku ideh pana' mangun ku babpat luk uen ngusag. Kudeng na muyuh nala' luk bibpeng na lapen ineh rat arang muyuh, Ui na miak ngedengan nemuyuh.

YUSAK 7:12 Iomraidhean Croise

NANI UBUR 44:10

Iko nenganau' nekai buro ratnan bunu' kai, pad ideh nengalap binaweh kai.

NANI UBUR 60:10

Matuké Iko nenala' nekai? Naké Iko pebaya' pad-pad dengan baweh kai?

BALE' 28:1

Lemulun luk dat upun buro, sagan pana' na lemulun ngerada' nedeh, iamo' lemulun luk matu mekuu' mepad kudeng balang.

YESAYA 59:2

Iamo' ngaceku sala' muyuh Ieh na ninger putuh muyuh. Sala' muyuh ngatad nemuyuh ratnan Allah, kareb muyuh pian sembayang Neneh.

YEREMIA 23:33

“O Yeremia, kareb seburur rat arang pupuKu, idi nabi idi imam pana' ngitun namu, kebaladeh, ‘Anunké bala Tuhan?’ do' mada' nedeh, kebalamu, ‘Bala Tuhan, ieh ineh aceh babeh, idi ieh miak nala' nemuyuh.’

YEREMIA 6:8

O lun Yerusalim, do' muyuh ninger bada'Ku, pad Ui na necan nemuyuh, pelé Ui na ngisu' bawang muyuh mangun ku su luk ali-ali, luk na inan lemulun tudo.”

HOSIA 9:12

Idi sagan tu pana' inan anak, Ui miak ngalap nedeh, pad seburur pana' nateh luk ketecan. Kareb Ui necan pupu ini, susa' luk pelaba rayeh miak macing nedeh.”

HABAKUK 1:13

Iamo' kudeng apehké Iko tuman nier lemulun ineh luk naluk idi dat? MatehMu meluun meligan, pad Iko na miak nier luk dat, idi Iko na tuman nier lemulun luk nganau' sala'. Ngudehké Iko pirud kareb ideh ngaté lemulun luk meluun siri ratnan bururdeh sebuleng?

IAP 14:39

Idi kareb Musa nengacing amung bala ini kuan lun Israil, idi ideh pelaba tangi'.

IAP 14:42

Aleg muyuh amé' ngaceku Tuhan na idi arang muyuh, pad muyuh na uen bunu' muyuh ngelaya'.

IAP 14:43

Ngaceku lun Amalek idi lun Kanaani idi pa atun muyuh. Idi muyuh miak pitayendeh, ngaceku Tuhan na idi dengan muyuh. Ngaceku muyuh pangeh neteketed ratnan Tuhan.”

IAP 14:45

Idi lun Amalek idi lun Kanaani luk tudo luun buduk pegkung netemurun. Idi ideh nepebunu' nedeh idi nengelaya' nedeh idi ideh nengerada' nedeh macing déi' Horma.

BADA' RATNAN UKUM 7:26

Idi aleg muyuh nguit binaweh luk ku gateh ineh amé' bang ruma' muyuh, pad kediman luk luun binaweh ineh na macing nemuyuh. Do' muyuh megateh neneh, ngaceku binaweh ineh pangeh kidiman Tuhan.

YUSAK 6:18

Iamo' do' muyuh nginita burur muyuh ratnan binaweh luk uen ngusag ineh, pad na kediman macing nemuyuh ngaceku ngalap aceh binaweh luk miak sagen, pad muyuh na ngacing susa' idi dereh kuan baweh lun Israil.

LUN LUK NGUYUT 16:20

Idi Delila nengitang, “O Samson, lun Pilistin macing amée' ngakem namu!” Idi ieh petacu nekulat. Idi keterawéeneh, “Ui miak mepuit mepad kudeng atun.” Iamo' na ieh kali' Tuhan nenecan neneh.

LUN LUK NGUYUT 2:14

Idi Tuhan pelaba useh nelun Israil, pad Ieh nenima' nelun luk dat ngaro bawang idi ngalap binawehdeh. Ieh nenima' amung bunu' luk libut-libutdeh ngelaya' nedeh, pad ideh na tuman matar bururdeh sebuleng.

LUN LUK NGUYUT 2:4

Idi kareb Melaikat Tuhan nepebala kudeng ini, amung lun Israil nenangi'.

SEMUIL LUK PUN-PUN 14:38

Idi kebala Saul, “O amung lun rayeh baweh, do' muyuh amé' tungé', pad tau kali' anun sala' luk kikem bang aco sini.