YUSAK 7:11 - BALA LUK DO'

¹¹ Lun Israil pangeh nenganau' sala'. Idi teh pejani'Ku luk bida'Ku nedeh, ineh pangeh linabadeh. Idi ideh nengalap binaweh luk bibpeng na lapen, idi pinodeh. Idi ideh pana' mebalih. Idi ideh nenganau' binaweh ineh puar dengan binaweh bang lepodeh.

YUSAK 7:11 Iomraidhean Croise

RACA'-RACA' LUK KEDUEH 18:12

Samaria linaya' ngaceku lun Israil na nemaya' bala Tuhan Allahdeh. Iamo' ideh nengelaba pejani'Neh, meluun teh amung-amung luk pangeh bida' Musa, demulun Tuhan ineh. Na ideh sikal ninger. Idi na ideh sikal maya' ineh.

RACA'-RACA' LUK KEDUEH 5:24

Kareb Gehasi pangeh nacing luun surud ineh, idi ieh nengalap amung binaweh ineh rat bang palad didueh ineh, idi rirengneh bang ruma'. Idi ieh nengecuk nedidueh ineh nalan.

YESAYA 24:5

Lemulun pangeh nengelutak tana' ini, ngaceku ideh ngelaba ukum Allah idi na ngerawé jani' Allah luk meruked ineh.

YEREMIA 31:32

Na ieh mepad kudeng pejani' luk inau'Ku dengan tepundeh kareb Ui nguyut nedeh remuat rat bang bawang Masir. Na ideh lutep maya' pejani' luk inau'Ku kuandeh, sagan tu pana' Ui luk mangun ku Tuhandeh. Ui ini Tuhan pangeh nepebala.

HOSIA 6:7

“Iamo' kareb pupu ini nesemuet bang bawang luk pijani' ineh, ideh ngelaba jani' luk inau'Ku kuandeh.

UKUM 5:15

“Kudeng seburur lemulun na maré baré luk petulu kuan Tuhan, pad ieh mesala', iamo' na sala' ineh inau' rungen, idi do' ieh maré nan Tuhan aceh dumba deléi, kian amék lek, luk do', ku ngetap baré luk na biré atun. Idi do' ngeletep raga dumba ineh maya' balad pirak Su luk Meligan ineh.

HABAKUK 2:6

Pupu luk linaya' ineh miak situnga nelun luk ngelaya' nedeh. Kebaladeh, “Muyuh ngalap luk na muyuh kuan, iamo' muyuh miak kumin! Tuda' ioké muyuh amé' ku lun do' ngaceku muyuh megéi' naluk nelun luk inan baleh nemuyuh?”

SEKARIA 5:4

Tuhan luk Melalud pebala idi Ieh miak ngeruat kediman ineh, luk miak semuet bang ruma' anid-anid burur lun luk mano idi ruma' lemulun luk mebalih kareb pebulung. Idi kediman ineh miak tudo' bang ruma'deh pad kayuh idi batu ruma'-ruma' ineh uen ngusag.”

MATIUS 22:21

Idi keburi'deh Neneh, “Ini raca' kuan.” Idi kebala Yésus nedeh, “Ngaceku ineh, do' muyuh maré kuan raca' anun-anun luk raca' kuan; idi kuan Allah anun-anun luk Allah kuan.”

KEKAMEN RASUL-RASUL 5:9

Idi kebala Pétrus neneh, “Anunké punneh medueh pangeh perurum sikal nutun Roh Tuhan? Siruh, lemulun luk nenanem awanmu ineh idi munung tanga', idi ideh miak mirir namu remuat teh.”

BADA' RATNAN UKUM 17:2

“Idi kudeng inan arang muyuh bang aceh bawang muyuh, aceh deléi kian decur lek luk pangeh nenganau' luk dat pa kiung Tuhan Allah, idi luk ngelaba jani'Neh,

IBERANI 4:13

Na luk idi anun-anun luk uen ngelinged kuan Allah. Iamo' amung-amung pudut megala' idi mukab pa kiungNeh. Idi tau maré or kuanNeh ratnan kekamen tau.

YUSAK 23:16

Kudeng muyuh ngelaba pejani' Tuhan Allah muyuh luk pangeh inau'Neh kuan muyuh, idi muyuh teh amé' nganau' kekamen kuan allah baken, idi tekeradung sembayang nedeh, kali' rungen useh Tuhan miak mebura' kuan muyuh.”

YUSAK 7:1

Israil nengelaba bala Tuhan ratnan na ngalap binaweh luk uen ngusag. Ngaceku Akan Karmi, luk mupun Sabdi, ratnan inul Sera, ratnan pupu Yahuda ineh nengalap binaweh luk bibpeng na miak lapen. Idi ngaceku ineh Tuhan mebura' useh kuan amung lun Israil.

YUSAK 7:10

Idi kebala Tuhan ni Yusak, “Mudur iko, anun ulekneh iko tekunal kudeng ini?

LUN LUK NGUYUT 2:20

Ngaceku ineh Tuhan pelaba useh nelun Israil, kebalaNeh, “Pupu ini pangeh nengelaba jani'Ku, luk pangeh bida'Ku kuan tepundeh. Idi na ideh neninger arodKu.

SEMUIL LUK PUN-PUN 14:38

Idi kebala Saul, “O amung lun rayeh baweh, do' muyuh amé' tungé', pad tau kali' anun sala' luk kikem bang aco sini.