YUSAK 7:1 - BALA LUK DO'

¹ Israil nengelaba bala Tuhan ratnan na ngalap binaweh luk uen ngusag. Ngaceku Akan Karmi, luk mupun Sabdi, ratnan inul Sera, ratnan pupu Yahuda ineh nengalap binaweh luk bibpeng na miak lapen. Idi ngaceku ineh Tuhan mebura' useh kuan amung lun Israil.

YUSAK 7:1 Iomraidhean Croise

PUDUT 34:27

Idi anak-anak Yakub luk baken iné' bang bawang ineh idi nemano binawehdeh ngua' igu' kinanak didueh.

SEMUIL LUK KEDUEH 24:1

Idi Tuhan museh nelun Israil teh, idi Ieh nengubuk ni Daud ku akubdeh ineh, kebalaNeh, “Iapinmu lun Israil idi lun Yahuda.”

RACA'-RACA' LUK KEDUEH 5:24

Kareb Gehasi pangeh nacing luun surud ineh, idi ieh nengalap amung binaweh ineh rat bang palad didueh ineh, idi rirengneh bang ruma'. Idi ieh nengecuk nedidueh ineh nalan.

INUL LUK PUN-PUN 21:7

Idi kekamen ineh teh dat pa kiung Allah. Ngaceku ineh Ieh nengedereh nelun Israil.

INUL LUK KEDUEH 24:18

Idi ideh nenecan Ruma' Tuhan Allah tepundeh, idi nesembayang inan ulung, idi akangdeh, pad Yahuda idi Yerusalim inukum ngaceku sala'deh ineh.

ESRA 9:6

kesembayangku, “O Allahku, ui pelaba igu', na ui mekuu' sium Namu, O Allahku. Ngaceku amung dat kai pangeh medita' ratnan uluh kai, idi amung sala' kai pangeh pebuun-pebuun macing i langit.

AYUB 35:8

Lun denganmu medereh ngaceku sala'mu, iamo' kekamenmu luk do' ngedengan nedeh.

LUN LUK MADA' 9:18

Ileh meluun do' ratnan repapeh bunu', iamo' sebuleng sala' mo' miak ngusag mula' luk do'.

DANIEL 9:7

O Tuhan, Iko luk matu, idi kai luk megéi' nganau' luk dat — ieh ineh kai luk tudo déi' Yahuda idi déi' Yerusalim, idi amung lun Israil luk pitadMu amé' bang bawang luk muneng idi luk mado, ngaceku ideh na lutep maya' Namu.

UKUM 10:6

Idi kebala Musa ni Arun idi Eliasar idi Itamar, anakneh ineh, “Aleg nima' abpuk muyuh mesasung idi aleg ngerarak ayung muyuh, pad muyuh na mate' idi ngacing useh luk rayeh kuan lun mula' ini. Iamo' amung kinanak muyuh lun Israil miak temido ngaceku apui ini luk pangeh binudung Tuhan.

YUNUS 1:7

Idi keburi' lun luk ngakem bang kapal ineh, “Do' tau nala' udi, pad tau kali' idé luk mesala', idi ieh luk nengacing susa' ini kuan tau.” Idi ideh nenganau' kudeng ineh, idi Yunus luk nekaneh.

YUSAK 22:16

“Kudeng ini bala amung pupu Tuhan, ‘Ngudehké muyuh nenganau' kekamen luk dat ini idi nengedat Allah lun Israil. Idi nekini muyuh pangeh nelemubed ratnan Tuhan, idi nemudut aceh bubpun kuan muyuh, pad aco sini pana' muyuh pangeh mangun, ku bunu' Tuhan?

YUSAK 22:18

Pianké muyuh lemubed ratnan Tuhan? Kudeng muyuh nekini mangun ku bunu' Tuhan, kali' rungen pekak nebpa usehNeh mebura' kuan amung lun Israil.

YUSAK 22:20

Kareb Akan Sera nenganau' sala' dengan rungen ku binaweh luk bibpeng na lapen, bakenké useh ineh mangun pa luun amung lun Israil? Idi baken ieh sebuleng luk naté ngaceku sala'neh?’ ”