YUSAK 6:4 - BALA LUK DO'

⁴ Idi do' tudu' burur lun imam ngiup tudu' serupit ratnan unga dumba deléi, idi ualan pa atun Pati' Pejani'. Idi kareb aco luk ketudu' do'muyuh nalan tudu' kua' ngelibut bawang ineh, kareb lun imam ngiup serupitdeh.

YUSAK 6:4 Iomraidhean Croise

PUDUT 2:3

Idi Ieh nengeperuan aco luk ketudu' ineh idi nengeligan neneh, ngaceku bang aco sineh Ieh nemangeh pudutNeh, idi nucu' ratnan kekamenNeh.

RACA'-RACA' LUK PUN-PUN 18:43

Idi kebalaneh nan lun dukenneh, “Nalan nekini amé' nier pa abpa' rayeh.” Idi lun dukenneh ineh iné' nier idi nelemubed, kebalaneh, “Na anun-anun nekali'ku déi'.” Idi kebala Elia, “Amé' teh.” Idi kudeng ineh teh ieh nengecuk neneh macing tudu' kua'.

RACA'-RACA' LUK KEDUEH 5:10

Idi Elisa nengecuk lun dukenneh amé' ngecuk ni Naaman unub tudu' kua' bang Abpa' Yarden, pad bururneh miak petuneb kudeng luk pun-pun, idi ieh miak meligan.

RACA'-RACA' LUK KEDUEH 5:14

Ngaceku ineh Naaman netemurun idi nunub bang Abpa' Yarden macing tudu' kua', maya' kudeng bala Elisa ineh. Idi bururneh nepetuneb kudeng luk pun-pun, mepad kudeng burur anak adi'.

INUL LUK KEDUEH 13:12

Idi kali' rungen Allah mo' luk nguyut nekai idi imam-imamNeh pana' dengan serupitdeh luk muni nawar nekai amé' pebunu' nemuyuh. Aleg muyuh pebunu' inan Tuhan Allah tepun muyuh, O lun Israil, ngaceku na muyuh metueh.”

INUL LUK KEDUEH 20:17

Idi sekua' ini na muyuh pebunu', iamo' do' muyuh tuped mo', idi muyuh miak nier pedengan ratnan Tuhan luk ngelaya' nedeh kuan muyuh. O lun Yahuda idi lun bawang Yerusalim, aleg muyuh matot idi merapang. Do' muyuh amé' matun nedeh ineh. Tuhan idi dengan muyuh.’ ”

INUL LUK KEDUEH 20:19

Idi amung lun Liwi ratnan inul Kohat idi inul Kora netuped ngubur Tuhan Allah lun Israil dengan rayeh arod.

INUL LUK KEDUEH 20:21

Idi kareb ieh pangeh nepegayam nelun mula' ineh, idi raca' nengeletep tuda'-tuda' lun luk mileh menani kuan Tuhan, pad ideh pekarur ngubur Neneh kareb ideh nenalan pa atun bunu', kenanideh, “Amung ubur kuan Tuhan, ngaceku awaNeh meruked peh!”

AYUB 42:8

Do' nguit kuan Ayub tudu' sapi' deléi' idi tudu' dumba deléi' barén meteluh ku baré luk sabpen kuan burur meteluh sebuleng. Idi Ayub miak sembayang kuan meteluh, idi Ui miak ngor sembayangneh idi na Ui ngigu' nemeteluh maya' ukum luk petulu. Meteluh na nemala luk matu ratnan Ui, mepad kudeng Ayub.”

YESAYA 27:13

Kareb ineh, aceh serupit miak muni pad nawar nelun Israil muli' rat Asur idi Masir, bawang su luk inandeh tiban. Ideh miak macing idi sembayang inan Tuhan déi' Yerusalim, ieh ineh luun pegkungNeh luk meligan.

UKUM 14:16

Idi do' ieh ngerereb bua' ticu'neh pa tinueh nan umau luk bang ticu'neh pa kabing. Idi ieh ngisit ku bua' ticu'neh sebuang umau ineh tudu' kua' pa kiung Tuhan.

UKUM 4:6

Idi do' ieh ngerereb bua' ticu'neh bang dara' ineh tudu' kua' idi ngisak ineh, pa atun dicing Su luk Meligan ineh.

SEKARIA 4:2

Idi ieh nengitun negku, kebalaneh, “Anunké luk sirenmu?” Idi kebalaku, “Aceh kukud dawan luk ratnan amas. Idi pa luun inan aceh bigan luk inan umau, idi tudu' lapung.

SEKARIA 4:6

‘Melaikat ineh nengecuk negku maré ni Serubabel bala ini luk ratnan Tuhan: “Baken ratnan lalud baweh, idi baken ratnan tuehmu sebuleng, iamo' ratnan RohKu, ieh ineh miak mangun.

IAP 23:1

Idi kebala Bilam ni Balak, “Nganau' tudu' bubpun kuanku su ini, idi ngalap tudu' sapi' deléi idi tudu' amék deléi kuanku teh.

YUSAK 6:13

Idi tudu' burur imam luk ngiup tudu' serupit luk ratnan unga dumba deléi ineh nenalan atun. Idi lun pebunu'nenalan pa atundeh, idi lun pebunu' luk baken luk matar, maya' puetdeh. Idi ideh nengiup serupitdeh kidi-kidi.

YUSAK 6:3

Idi do' iko nalan ngelibut bawang ineh dengan amung lun pebunu', ieh ineh sekua' bang seaco. Do' iko nganau' kudeng ineh bang anem aco kinioneh.

YUSAK 6:5

Idi muci miak mangun, kareb serupit ineh muni peranga', idi kareb muyuh ninger uni serupit ineh, do' amung-amung muyuh ineh ngitang, pad libung bawang ineh miak metabpa. Idi anid-anid burur muyuh miak umak su tuludeh.”

BALA LUK LINIO 1:20

Idi luk inalum ratnan tudu' gituen luk pangeh siniermu bang ticu'Ku pa tinueh, idi tudu' kukud dawan luk ratnan amas ineh: idi tudu' gituen ini, ieh ineh melaikat kuan sidang luk tudu' ineh, idi tudu' kukud dawan ineh, ieh ineh tudu' sidang ineh teh.

BALA LUK LINIO 1:4

Rat ni Yahya kuan tudu' sidang luk déi' Asia: Do' katu idi awang temurun kuan muyuh ratnan Allah, Luk idi nekini, idi Luk pangeh idi atun, idi Luk miak macing teh, idi ratnan tudu' roh luk pa kiung kerusiNeh,

BALA LUK LINIO 10:3

Ieh nengitang mepad kudeng uni balang luk ngeku. Idi kareb ieh nengitang, tudu' lalam ineh pana' nenguni unideh anid-anid.

BALA LUK LINIO 15:1

Idi teh ui nenier aceh tanu' luk déi' langit luk pelaba rayeh idi luk inan mawa. Inan tudu' melaikat luk ngimet tudu' dereh luk kekiped; ngaceku bang ineh amung-amung useh Allah pangeh meriput.

BALA LUK LINIO 15:7

Idi sebuleng ratnan apat pudut luk mulun ineh nemaré bigan amas kuan tudu' melaikat, luk panu' ku useh Allah luk mulun ruked-ruked ineh.

BALA LUK LINIO 16:1

Idi ui neninger aceh arod rat bang ruma' Allah ineh luk pebala kuan tudu' melaikat ineh, “Do' muyuh amé' idi ngutang tudu' bigan useh Allah ineh luun tana'.”

BALA LUK LINIO 5:1

Ui nenier aceh surat bang paladNeh pa tinueh Luk tudo luun kerusi ineh. Idi inan luk inayud pekop surat ineh, idi ieh itu ku tudu' etu.

BALA LUK LINIO 5:6

Idi ui nenier luun uned kerusi ineh, idi arang apat pudut luk mulun, idi arang amung-amung lun rayeh ineh, netuped aceh Anak Dumba luk mepad kudeng pangeh kirat ayuneh, idi luk inan tudu' unga, idi tudu' mateh, ieh ineh tudu' roh Allah luk pangeh icuk kuan aput-aput tana' ini.

BALA LUK LINIO 8:2

Idi ui nenier tudu' melaikat luk tuped pa kiung Allah ineh, idi pangeh biré kuandeh tudu' serupit.

BALA LUK LINIO 8:6

Idi tudu' melaikat ngimet tudu' serupit ineh netemina' sikal ngiup ineh.