YUSAK 6:26 - BALA LUK DO'

²⁶ Idi bang kareb ineh teh idi Yusak nepebulung, kebulungneh, “Kediman pa kiung Tuhan, idé luk amé' naped bawang Yeriko ini! Idé-idé luk ngimun mudut bawang ini, anak deléineh luk atun kali' rungen maté. Idi idé-idé luk mudut tanga'neh, anak deléineh luk isuut kali' rungen maté.”

YUSAK 6:26 Iomraidhean Croise

RACA'-RACA' LUK PUN-PUN 16:34

Idi kareb imetneh, Hiel lun Baitel ineh nemudut baruh bawang Yeriko. Idi kareb ieh nenapin bawang ineh, Abiram anak deléineh luk atun naté. Idi kareb ieh nenganau' tanga' bawang ineh, Segub anak deléineh luk isuut pana' naté maya' kudeng luk bila Tuhan atun dengan tang Yusak Nun.

RACA'-RACA' LUK PUN-PUN 22:16

Iamo' kebala Akab neneh, “Tuda' kua' ui nemebpeng namu na miak pebala luk na matu dengan ngadan Tuhan?”

RACA'-RACA' LUK KEDUEH 2:4

Idi kebala Elia ni Elisa, “Do' iko ketecan ieni, ngaceku ui icuk Tuhan amé' Yeriko. Iamo' kebala Elisa, “Ui pebulung ku ngadan Tuhan luk mulun, idi ulunmu pana', na tu ui sikal patad rat namu.” Idi didueh iné' déi' Yeriko.

MALAKI 1:4

Kudeng inul Esau, ieh ineh lun Edom, pebala, “Bawang tau pangeh inusag, iamo' tau miak mudut baruh,” Tuhan miak ngor baladeh, “Nima' nedeh mudut baruh — idi Ui miak ngusag neneh teh. Lun baken miak neten nedeh, ‘Bawang luk dat' idi ‘Pupu luk inan Tuhan megateh ruked-ruked.’ ”

MATIUS 26:63

Iamo' Yésus pirud mo'. Idi keburi' Imam Rayeh Neneh, “Ui ngecuk Namu pebulung ku ngadan Allah luk mulun, idi mada' nekai kudeng matu Iko Keristus Anak Allah.”

KEKAMEN RASUL-RASUL 19:13

Inan teh tuda'-tuda' lun Yahudi luk nalan-nalan ngusu ada'. Idi ideh neten ngadan Tuhan Yésus kareb ideh nenganau' luk kudeng ineh, keburi'deh, “Ui mulung namu dengan ngadan Yésus luk bida' Paulus.”

YUSAK 16:7

idi musul rat Yanua macing Atarot idi Nara, pad macing Yeriko, idi kekiped lakan ineh Abpa' Yarden.