YUSAK 6:24 - BALA LUK DO'

²⁴ Idi ideh nengesep bawang ineh dengan amung uangneh. Iamo' amas, pirak, idi amung binaweh tekaling idi belawan biré ku binaweh bang Ruma' Tuhan.

YUSAK 6:24 Iomraidhean Croise

SEMUIL LUK KEDUEH 10:5

Kareb i Daud nekali' bala ineh, idi ieh nengecuk nelun amé' mada' nedeh, ngaceku ideh pelaba igu'. Idi kebala Daud, “Meluun do' muyuh tudo déi' Yeriko, pad buluh ada muyuh mulun idi teh muyuh muli'.”

RACA'-RACA' LUK KEDUEH 25:9

Idi ieh nengeseb Ruma' Allah, ruma' raca', idi ruma' amung lun rayeh déi' Yerusalim.

INUL LUK PUN-PUN 18:11

Idi binaweh ineh pana' pangeh linigan Raca' Daud kuan Tuhan, dengan amung amas idi pirak luk pangeh ilapneh ratnan amung pupu baken luk pangeh linaya'neh, ieh ineh rat nelun Edom, Moab, Amon, Pilistin, idi Amalek.

IAP 31:10

Idi amung bawang idi ruma' luk inandeh, idi amung lepodeh tinutungdeh.

BADA' RATNAN UKUM 13:16

Do' ngamung amung binawehdeh luun natad. Idi do' nutung bawang ineh idi amung binawehdeh mangun ku aceh baré kuan Tuhan Allah muyuh. Idi bawang ineh pana' musag macing ruked-ruked idi na miak piduten baruh peh.

BADA' RATNAN UKUM 13:17

Idi aleg muyuh ngalap binaweh anun-anun luk pangeh kidiman ineh, pad Tuhan ugka' ratnan usehNeh, idi Ieh miak mada' katuNeh kuan muyuh, idi Ieh miak méi' nemuyuh idi ngula' nemuyuh maya' kudeng luk pijani'Neh kuan tepun muyuh,

BADA' RATNAN UKUM 20:16

“Iamo' bang bawang pupu ini luk barén Tuhan Allah nemuyuh, do' muyuh ngaté anun-anun luk nginiat.

YUSAK 11:11

Idi ideh nengaté amung lun luk tudo bang bawang ineh, pad seburur pana' nateh luk mulun. Idi bawang ineh tinutungdeh teh.

YUSAK 6:19

Idi amung amas, pirak, idi amung binaweh ratnan tekaling idi belawan, ineh miak meligan kuan Tuhan. Do' ieh ineh uen nuet arang binaweh Tuhan.”

YUSAK 6:25

Iamo' Yusak nengulun Rahab decur luk mesawa' ineh, idi amung lun bang tetek ruma'neh, idi amung-amung luk ieh kuan. Idi ideh tudo arang uned lun Israil macing aco sini, ngaceku ieh nengapung dueh lun luk pangeh icuk Yusak iné' nier bawang yeriko.

YUSAK 8:28

Idi Yusak nenutung bawang Ai ineh, idi nengisu' ineh ku aceh perupun batu macing ruked-ruked idi aceh tabpa macing aco sini.

BALA LUK LINIO 17:16

Idi pulu' unga luk pangeh siniermu ineh idi pung ineh pana', miak megateh inan decur luk mesawa'; idi ideh miak ngalap amung-amung binawehneh, pad ieh lubpa. Ideh miak kuman uangneh, idi ngeseb neneh ku apui.

BALA LUK LINIO 18:8

Ngaceku ineh bang seaco amung derehneh miak macing, ieh ineh até, tido, idi lau. Idi ieh miak sabpen ku apui, ngaceku Tuhan Allah luk ngukum neneh ineh melalud.”