YUSAK 6:23 - BALA LUK DO'

²³ Idi didueh nenguit Rahab neremuat dengan taman-tinanneh, kinanak-kinanakneh, idi amung-amung luk ieh kuan. Amungdeh ineh inuit didueh remuat, idi ideh nenganau' lepodeh setau'.

YUSAK 6:23 Iomraidhean Croise

PUDUT 12:2

Idi Ui sikal nganau' namu mangun ku aceh pupu luk mula', idi Ui ngeperuan namu idi nganau' ngadanmu mebala, pad ineh mangun ku peruan kuan lun baken.

PUDUT 18:24

Kudeng inan limeh ngepulu' burur luk matu bang bawang ineh, miakké Iko ngusag bawang ineh dengan na méi' nedeh luk limeh ngepulu' burur luk matu ineh?

PUDUT 19:29

Iamo' kareb Tuhan Allah nengusag amung bawang luk luun raked ineh, idi Ieh nengerawé Ibrahim, pad Ieh nemuit ni Lut ratnan dereh ineh.

IAP 31:19

Idé-idé luk pangeh nengaté lemulun idi idé-idé luk pangeh nengakem lun luk pinaté ineh na miak semuet bang su luk inan nelupo tudu' aco kinioneh, idi kareb aco luk keteluh idi aco luk ketudu' do' muyuh ngeligan burur muyuh idi burur lun luk tiban muyuh.

KEKAMEN RASUL-RASUL 10:28

Idi kebalaneh nedeh, “Muyuh sebuleng kali' idi lun Yahudi ngelaba ukum kudeng ideh perurum dengan lun pupu baken, idi amé' ngikak pana' nateh miak; iamo' Allah pangeh nemada' negku pad ui na mala seburur lemulun dat idi melutak.

KEKAMEN RASUL-RASUL 27:24

kebalaneh, ‘Aleg iko matot, O Paulus; na miak na iko tuped pa kiung raca' Rum, idi matu Allah maré kuanmu amung-amung lemulun luk denganmu bang kapal ineh.’

1 KORINTUS 5:12

Kudeng apehké ui miak ngukum lemulun luk baken lun sidang? Allah miak ngukum nedeh. Iamo' bakenké muyuh luk petulu ngukum lemulun luk bang sidang muyuh sebuleng? Maya' kudeng luk inayud, “Do' matad lemulun luk dat ineh rat arang muyuh.”

EPESUS 2:12

Kareb ineh muyuh mado ratnan Keristus. Muyuh na iniap dengan pupu Allah luk pinili'. Muyuh na nengalap babpat bang jani' luk pijani' Allah kuan pupuNeh. Muyuh mulun bang tana' ini dengan na rapet, idi na Tuhan.

IBERANI 11:31

Ratnan anu teh Rahab, decur luk mesawa' ineh na pinaté dengan amung-amung lemulun luk nengelaba ukum, ngaceku ieh nenawar lemulun luk iné' nier bawang dengan awang.

IBERANI 11:7

Ratnan anu teh, Noh neninger bada' Allah ratnan luk miak mangun, sagan pana' ineh na miak sirenneh. Idi ieh nenganau' temina' aceh alud rayeh pad miak ngulun amung uang tetek ruma'neh. Dengan luk kudeng ineh Noh nengesala' tana' ini, idi ieh nengalap ratnan Allah babpat luk matu luk macing ratnan anu ineh.

YUSAK 2:13

Do' ngulun taman-tinanku, idi kinanak-kinanakku, idi amung uang tetek ruma'deh! Aleg nima' nekai pitayen!”

YUSAK 2:16

Idi kebalaneh nedidueh, “Nalan medueh amé' nan pegkung, pelé medueh na mepapu' nelun luk ngerada' nemedueh. Idi do' sigapung déi' teluh aco kinioneh, pad lun luk iné' ngerada' ineh lemubed. Pangeh ineh miak medueh maya' dalan medueh pun di.”

YUSAK 2:18

Ninger do'-do'! Kareb kai samuet bang bawangmu, do' iko ngabet nuper ini luk mesia' nan gisumen luk dalan kai dueh inururmu ineh. Idi do' iko ngamung taman-tinanmu, kinanak-kinanakmu, idi amung lun bang tetek ruma'mu bang ruma' ini.

LUN LUK NGUYUT 1:25

Idi ieh nemada' nedeh dalan semuet bang bawang ineh. Idi ideh nengatée amung lun bang bawang ineh. Iamo' léei sineh perapu ku uang tetek ruma'neh sinima'deh.