YUSAK 6:22 - BALA LUK DO'

²² Kebala Yusak nedidueh luk iné nier bawang ineh, “Amé' medueh déi' ruma decur luk mesawa' ineh, idi nguit decur ineh rat déi', idi amung lun luk bang tetek ruma'neh, maya' kudeng jani' medueh neneh atun.”

YUSAK 6:22 Iomraidhean Croise

SEMUIL LUK KEDUEH 21:2

(Idi Lun Gibion ineh baken ratnan inul lun Israil, iamo' ratnan teceh lun Amori. Idi lun Israil pangeh nepejani' ngulun nedeh. Iamo' Saul nakap dalan sikal ngaté nedeh ineh, ngaceku meluun ngerawé nelun Israil idi lun Yahuda.)

SEMUIL LUK KEDUEH 21:7

Iamo' raca' méi' ni Mepiboset Yonatan, mupun Saul, ngaceku bulung ku ngadan Tuhan luk arang didueh, ieh ineh Daud idi Yonatan ineh.

NANI UBUR 15:4

Na ieh perurum nelun luk tila' Allah, iamo' ngedita' lemulun luk maya' bala Allah. Ieh megéi' nganau' luk pijani'neh dengan na ngerawé raganeh.

YEHISKIEL 17:13

Idi ieh nengalap seburur lemulun luk inul raca' idi nepejani' neneh, idi nenguit neneh pebulung pad ieh lutep maya' jani'. Ieh nenutup tuda'-tuda' burur lun rayeh,

YEHISKIEL 17:16

Kebala Tuhan, “Ui ini Allah luk mulun. Idi raca' ini miak maté déi' Babil, ngaceku ieh na maya' bulungneh. Idi teh ieh nengelaba jani' luk inau'neh dengan Raca' Babil luk nengikit neneh mangun ku raca'.

IBERANI 11:31

Ratnan anu teh Rahab, decur luk mesawa' ineh na pinaté dengan amung-amung lemulun luk nengelaba ukum, ngaceku ieh nenawar lemulun luk iné' nier bawang dengan awang.

YUSAK 6:17

Idi bawang ineh uen ngusag ngaceku Tuhan, do' bawangdeh idi amung luk bang ineh. Iamo' do' Rahab, decur luk mesawa' ineh dengan lun luk bang tetek ruma'neh uen ngulun. Ngaceku ieh nengapung lun luk iné' nier luk pangeh icuk tau.

YUSAK 6:23

Idi didueh nenguit Rahab neremuat dengan taman-tinanneh, kinanak-kinanakneh, idi amung-amung luk ieh kuan. Amungdeh ineh inuit didueh remuat, idi ideh nenganau' lepodeh setau'.

YUSAK 9:15

Idi Yusak nepedo' nedeh. Idi ieh nepejani' ngulun nedeh. Kudeng ineh teh amung lun rayeh tebubpun ineh nepebulung nedeh.

LUN LUK NGUYUT 1:25

Idi ieh nemada' nedeh dalan semuet bang bawang ineh. Idi ideh nengatée amung lun bang bawang ineh. Iamo' léei sineh perapu ku uang tetek ruma'neh sinima'deh.