YUSAK 6:18 - BALA LUK DO'

¹⁸ Iamo' do' muyuh nginita burur muyuh ratnan binaweh luk uen ngusag ineh, pad na kediman macing nemuyuh ngaceku ngalap aceh binaweh luk miak sagen, pad muyuh na ngacing susa' idi dereh kuan baweh lun Israil.

YUSAK 6:18 Iomraidhean Croise

SEMUIL LUK KEDUEH 21:1

Idi bang kareb Daud inan iru' teluh lak kinioneh. Ngaceku ineh Daud nemutuh pa kiung Tuhan, idi Tuhan nepebala, “Ieh ineh ngaceku Saul idi ngaceku uang tetek ruma'neh nengeruat dara'. Ngaceku ideh pangeh nengaté nelun Gibion ineh.”

LUN LUK MADA' 9:18

Ileh meluun do' ratnan repapeh bunu', iamo' sebuleng sala' mo' miak ngusag mula' luk do'.

YUNUS 1:12

Idi keburi' Yunus, “Do' nala' negku bang abpa', pad ribut ini miak ugka' kuan muyuh. Ui kali' ribut ini mangun ngaceku sala'ku.”

SURAT LUK BIRE PAULUS KUAN LUN RUM 12:9

Do' muyuh mawa dengan na siayu. Do' muyuh megateh inan luk dat, idi ngimet luk do'.

2 KORINTUS 6:17

Ngaceku ineh, kebala Tuhan, “Remuat muyuh rat arangdeh, idi patad rat nedeh. Aleg ngakem anun-anun luk melutak, idi Ui sikal ngalap nemuyuh.

EPESUS 5:11

Aleg muyuh perurum bang kekamen lemulun luk nganau' luk na petulu, iamo' meluun do' ngesala' kekamen ineh. (

BADA' RATNAN UKUM 13:17

Idi aleg muyuh ngalap binaweh anun-anun luk pangeh kidiman ineh, pad Tuhan ugka' ratnan usehNeh, idi Ieh miak mada' katuNeh kuan muyuh, idi Ieh miak méi' nemuyuh idi ngula' nemuyuh maya' kudeng luk pijani'Neh kuan tepun muyuh,

BADA' RATNAN UKUM 23:10

Kudeng arang muyuh inan aceh deléi luk melutak ratnan luk mangun kuan bururneh kareb medacem, do' ieh remuat ratnan su luk inan nelupo. Idi aleg ieh semuet arang lun mula' ineh.

BADA' RATNAN UKUM 7:26

Idi aleg muyuh nguit binaweh luk ku gateh ineh amé' bang ruma' muyuh, pad kediman luk luun binaweh ineh na macing nemuyuh. Do' muyuh megateh neneh, ngaceku binaweh ineh pangeh kidiman Tuhan.

YAKUB 1:27

Baya' luk meligan idi meriput pa kiung Allah Taman, ieh ineh ngikak anak maté idi decur tinula' bang susa'deh, idi ngasa' burur pad na uen tana' ini ngelutak.

YUSAK 7:1

Israil nengelaba bala Tuhan ratnan na ngalap binaweh luk uen ngusag. Ngaceku Akan Karmi, luk mupun Sabdi, ratnan inul Sera, ratnan pupu Yahuda ineh nengalap binaweh luk bibpeng na miak lapen. Idi ngaceku ineh Tuhan mebura' useh kuan amung lun Israil.

YUSAK 7:13

Mudur iko! Ngeligan pupu ini, pad ideh temina' papu' Negku. Ngecuk nedeh temina' papu' Negku nebpa. Ngaceku Ui ini Allah lun Israil pebala, ‘Inan aceh luk bibpeng na lapen arang muyuh, O Israil. Idi na muyuh miak tuman tuped pa kiung bunu' muyuh kudeng muyuh na nala' luk bibpeng na lapen ineh rat arang muyuh!’

YUSAK 7:15

Idi lun luk tinicul luk nengalap luk uen ngusag ineh, do' ieh sabpen dengan amung-amung luk ieh kuan. Ngaceku ieh nengelaba pejani' Tuhan, idi nenganau' luk ku gateh arang lun Israil.”

YUSAK 7:25

Idi kebala Yusak, “Ngudehké iko ngacing dat kuan kai? Idi Tuhan ngedereh namu aco sini.” Idi amung lun Israil nemitung ni Akan ku batu, idi nengeseb amung uang tetek ruma'neh, kareb ideh pangeh nemitung nedeh ku batu.

1 YAHYA 5:21

O anak-anakku, nginita burur muyuh ratnan akang-akang luk mebalih.

SEMUIL LUK PUN-PUN 15:9

Iamo' Saul idi amung bawehneh méi' ni Agag, idi teh amung sapi' idi amék luk do', idi amung anak dumba, idi anun-anun luk do'. Iamo' amung luk dat pinatédeh.