YUSAK 6:17 - BALA LUK DO'

¹⁷ Idi bawang ineh uen ngusag ngaceku Tuhan, do' bawangdeh idi amung luk bang ineh. Iamo' do' Rahab, decur luk mesawa' ineh dengan lun luk bang tetek ruma'neh uen ngulun. Ngaceku ieh nengapung lun luk iné' nier luk pangeh icuk tau.

YUSAK 6:17 Iomraidhean Croise

PUDUT 12:3

“Ui ngeperuan idé-idé luk ngeperuan namu. Iamo' Ui ngediman lemulun luk ngediman namu. Idi rat namu amung-amung pupu luk bang tana' ini miak ngalap peruan.”

ESRA 10:8

Idé luk na macing déi' bang teluh aco ineh, maya' bala amung lun rayeh idi lun ngimet ineh, idi amung binawehdeh ineh miak talan, idi ieh sebuleng pana' miak uen ngatad ratnan tebubpun lun luk tiban ineh.

YESAYA 34:6

PelapetNeh maput ku dara' idi lemakdeh, mepad kudeng dara' idi lemak anak dumba idi amék luk kereten ku baré. Tuhan miak maré baré ini déi' bawang Bosra, idi Ieh miak ngaté amung lemulun ineh déi' bawang Edom.

YEREMIA 46:10

Aco sini, ieh ineh aco Tuhan Allah luk Melalud: aco sini Ieh miak ngua'; aco sini Ieh ngukum bunu'Neh. PelapetNeh miak kuman nedeh, idi ngirup dara'deh pad ieh mebor. Aco sini Tuhan luk Melalud ngaté lemulun luk inukumNeh pa tinueh busat aco, muneng ku Abpa' Pirat.

YEHISKIEL 39:17

Kebala Tuhan Allah negku, “O lemulun, nawar amung suit idi pung rat iapeh-iapeh amé' kuman baré luk ruenKu temina' kuandeh. Ieh ineh aceh irau luk rayeh luun pegkung Israil, su luk inandeh miak kuman lemulun idi ngirup dara'.

UKUM 27:21

idi kareb Lak luk Kelimeh Ngepulu', tana' ineh kuan Tuhan. Idi ineh mangun ku babpat imam.

MIKA 4:13

Kebala Tuhan, “O pupu Yerusalim, do' amé' ngukum bunu' muyuh! Ui miak ngetueh nemuyuh mepad kudeng sapi' luk unga belawan, idi dapar tekaling. Muyuh miak ngerenik mula' pupu, pad binawehdeh lapenKu, pelé amung ineh mangun ku binaweh Tuhan luk kuan aput tana'.”

MATIUS 25:40

Idi Raca' ineh sikal ngor, kebalaNeh, ‘Ui pebala nemuyuh, ngaceku muyuh nenganau' kudeng ini kuan seburur kinanakKu lun dat, ieh ineh luk inau' kuanKu teh.’

1 KORINTUS 16:22

Kudeng idé lemulun luk na mawa inan Tuhan ineh, nima' neneh uen ngediman. Maranata! (ilungneh, O Tuhan, amé' dengan mesaget!)

1 KORINTUS 2:7

Ileh luk badénku, ieh ineh ileh Allah luk inalum, luk inapung ratnan lemulun idi luk litep Allah kareb nateh tana' ini pinudut, mangun ku rayeh tau.

GALATIA 3:10

Lemulun luk merapet sikal maya' Ukum, ideh pa liang kediman, ngaceku pangeh inayud, “Idi kediman kuan anid-anid burur lemulun luk na lutep nganau' amung-amung luk inayud bang surat Ukum ineh.”

GALATIA 3:12

Iamo' Ukum ineh baken ratnan manu, iamo' maya' kudeng luk inayud, “Lemulun luk maya' amung Ukum ineh miak mulun ngaceku Ukum ineh teh.”

BADA' RATNAN UKUM 20:17

Iamo' do' muyuh ngaté amung lun Hiti, Amori, Kanaani, Prisi, Hiwi, idi Yebusi, maya' kudeng bala Tuhan Allah nemuyuh,

IBERANI 11:31

Ratnan anu teh Rahab, decur luk mesawa' ineh na pinaté dengan amung-amung lemulun luk nengelaba ukum, ngaceku ieh nenawar lemulun luk iné' nier bawang dengan awang.

IBERANI 6:10

Ngaceku baken Allah na matu, idi Ieh na mekelupan ratnan, kekamen muyuh idi awa muyuh lu ginala' muyuh kuanNeh, kareb muyuh nengasa' nelun manu atun, idi macing nekini teh.

YAKUB 2:25

Kudeng ineh teh Rahab seburur decur luk mesawa' ineh pana'. Ieh inau' matu ngaceku ratnan kekamenneh, ratnan ieh nenganak idi nengecuk lemulun luk duken rumuat maya' dalan luk baken?

YUSAK 2:1

Idi Yusak nelulem ngecuk dueh burur rat Sitim amé' nier, kebalaneh, “Amé' medueh ngikak tana' ineh, idi bawang Yeriko.” Idi didueh nesemuet bang ruma' seburur decur luk mesawa', ngadanneh Rahab, idi didueh netudo déi'.

YUSAK 2:22

Idi didueh nenalan macing nan pegkung idi sigapung déi teluh aco kinioneh. Idi lun luk icuk raca' ngerada' ineh nenakap nedidueh ineh bang anid dalan idi nateh luk kali'deh. Idi ideh nelemubed iné' Yeriko.

YUSAK 7:1

Israil nengelaba bala Tuhan ratnan na ngalap binaweh luk uen ngusag. Ngaceku Akan Karmi, luk mupun Sabdi, ratnan inul Sera, ratnan pupu Yahuda ineh nengalap binaweh luk bibpeng na miak lapen. Idi ngaceku ineh Tuhan mebura' useh kuan amung lun Israil.

SEMUIL LUK PUN-PUN 15:3

Idi nekini do' iko amé' ngelaya' nelun Amalek ineh, idi ngaté amung-amung luk nedeh, idi aleg méi' nedeh. Do' ngaté amung-amung deléi, decur, do' anak isuut idi anak luk niti' pana', sapi' idi amék, unta idi keladai.”

SEMUIL LUK PUN-PUN 15:6

Idi kebalaneh nelun Keni, “Do' muyuh lumuut idi remuat rat arang lun Amalek, pelé ui na ngaté nemuyuh perapu dengandeh ineh. Naké muyuh méi' nelun Israil kareb ideh nacing rat bawang Masir.” Idi lun Keni nelumuut rat arang lun Amalek.