YUSAK 6:15 - BALA LUK DO'

¹⁵ Idi kareb aco luk ketudu' idi ideh nekulat kareb aco masat. Idi ideh nenalan libut bawang ineh tudu' kua' dengan lawé luk mepad. Iamo' kareb aco ini mo' ideh nenalan ngelibut bawang ineh tudu' kua'.

YUSAK 6:15 Iomraidhean Croise

NANI UBUR 119:147

Kareb nateh aco masat ui nawar Namu mutuh pedengan; ui merapet inan jani'Mu.

MATIUS 28:1

Idi pangeh Aco luk inan Mudeng, kareb lélé macing pekak Aco Minggu ineh teh, Mariam Magdalina idi Mariam luk baken teh iné' nier tanem ineh.

IBERANI 11:30

Ratnan anu teh ar bawang Yeriko netabpa, kareb pangeh linibut lun Israil tudu' aco kinioneh.

YUSAK 3:1

Idi pekak uka-uka Yusak netemui, idi nenalan rat Sitim dengan amung lun Israil, idi nacing déi' Abpa' Yarden. Idi ideh nelupo ieneh kareb nateh ideh neguta.

YUSAK 6:14

Idi kudeng ineh teh ideh nenalan ngelibut bawang ineh sekua' mo' bang aco luk kedueh. Idi ideh nelemubed iné' su luk inandeh nelupo. Idi kudeng ineh luk inau'deh bang anem aco kinioneh.

YUSAK 6:16

Idi luk ketudu' kua', amung imam nengiup serupitdeh. Idi Yusak nepebala nelun mula', “Ngitang muyuh, ngaceku bawang ineh barén Tuhan nemuyuh.

2 PETRUS 1:19

Idi kai meluun rapet ku bala luk bida' nabi, idi do' muyuh ngerawé ineh, ngaceku ieh mepad kudeng lapung luk merasat bang su luk medacem, pad Aco masat, idi gituen rat pa busat aco masat idi ngacang bang niat muyuh.