YUSAK 5:9 - BALA LUK DO'

⁹ Idi kebala Tuhan ni Yusak, ‘Idi aco sini teh Ui nala' rat nemuyuh igu' ngaceku muyuh titen lun Masir ‘demulun’.” Idi ngaceku ineh su ineh pana' tetanen Gilgal macing aco sini.

YUSAK 5:9 Iomraidhean Croise

PUDUT 34:14

Kebaladeh neneh, “Na kai miak nganau' luk kudeng ineh, ieh ineh maré kinanak kai kuan lemulun luk na sinunat, ngaceku ini mangun ku sala' kuan kai.

SEMUIL LUK KEDUEH 19:15

Idi raca' nelemubed idi nacing tangeb Abpa' Yarden. Idi lun Yahuda nacing déi' Gilgal iné' papu' raca' pian amé' nated raca' guta Abpa' Yarden.

NEHEMIA 12:29

idi teh rat Baitgilgal, Giba, idi Asmabet, su luk inandeh pangeh netebawang.

NANI UBUR 119:39

Muit negku ratnan kuyo luk inanku matot; pelaba do' amung ukumMu!

YEREMIA 9:25

Kebala Tuhan, “Malé karebneh macing, idi Ui miak ngukum amung lemulun luk sinunat bang bururdeh, iamo' luk na sinunat bang niatdeh: ieh ineh lun Masir, Yahuda, Edom, Amon, Moab, idi amung lun luk tudo déi' su luk ali-ali idi luk kamu' abpuk. Amung pupu ini idi amung pupu Israil nateh sinunat bang niatdeh idi na ideh maya' balaKu.”

YEHISKIEL 23:3

Kareb didueh anak adi' déi' bawang Masir, didueh pasét idi mangun ku decur luk mesawa'.

YEHISKIEL 23:8

Ieh nengimun pasét déi' bawang Masir idi na ugka' teh. Rat kareb ieh anak adi', deléi pamung rudap neneh mepad kudeng dengan decur luk mesawa',

HOSIA 4:15

“Sagan tu pana' pupu Israil na lutep maya' Negku, aleg lun Yahuda mesala' bang luk kudeng ineh. Aleg amé' sembayang déi' Gilgal idi Baitel, idi aleg pejani' su ineh bang ngadan Tuhan luk mulun.

UKUM 24:14

“Nguit lemulun luk nguyo ineh remuat rat su luk inandeh nelupo. Do' amung lun luk pangeh neninger neneh ineh ngerareng ticu'deh luun uluhneh, idi do' lun mula' mitung neneh ku batu.

AMOS 5:5

Aleg amé' sembayang déi' Birsiba. Aleg nakap Negku déi' Baitel. Baitel na ulekneh. Aleg amé' Gilgal — pupu ineh miak tebanen.”

MIKA 6:5

O pupuKu, do' ngerawé ratnan luk tirawé Balak, raca' Moab ratnan muyuh, idi kudeng apeh Bilam Bior nengor balaneh. Do' ngerawé ratnan amung-amung luk nangun kareb maya' dalan rat Sitim amé' Gilgal, pelé muyuh kali' luk inau'Ku pad ngulun nemuyuh.”

SEPANIA 2:8

Kebala Tuhan luk Melalud, “Ui pangeh neninger nelun Moab idi lun Amon ngedat idi situnga na pupuKu, idi pebala dengan medita' niat ratnan kudeng apeh ideh miak ngalap tana'deh.

YUSAK 24:14

Idi teh kebala Yusak, “Idi ngaceku ineh do' muyuh sembayang inan Tuhan idi nganau' kekamen kuanNeh dengan niat luk lutep idi matu. Idi necan amung allah luk inubur tepun-tepun muyuh luk dipar Abpa' Pirat idi déi' Masir pana'. Iamo' do' muyuh mepicet maya' Tuhan.

YUSAK 4:19

Idi kareb lun mula' inul numak rat bang Abpa' Yarden, ieh ineh pulu' aco bulan apat, ieh ineh bulan luk pun, idi ideh nemudut lepodeh déi' Gilgal, ieh ineh lakan Yeriko pa busat aco.

YUSAK 5:8

Kareb ideh pangeh sinunat, idi amung lun Israil mudeng su luk inan nelupo pad amungdeh do'.

SEMUIL LUK PUN-PUN 14:6

Idi kebala Yonatan kuan anak adi' ineh, “Amé' kiteh pebunu' inan baweh lun Pilistin luk na manu ineh, pelé tau uen Tuhan ngedengan. Ngaceku Tuhan na susa' ngedengan nelun mula' idi lun pawa' pana'.”

SEMUIL LUK PUN-PUN 17:26

Idi kebala Daud nelun luk tuped iringneh ineh, “Anunké luk mangun kuan lun luk ngaté nelun Pilistin ini, idi luk ngiu' igu' ratnan kiung lun Israil. Idéké lun Pilistin ini luk na manu, luk mekuu' situnga ku baweh Allah luk mulun ineh?”

SEMUIL LUK PUN-PUN 17:36

Balang idi beruang ineh pana' pinatéku. Kudeng ineh teh lawé lun Pilistin luk na manu ineh muci, mepad kudeng pung ineh. Ngaceku ieh nesitunga nan baweh Allah luk mulun.”

SEMUIL LUK PUN-PUN 7:16

Idi anid lak ieh nalan-nalan amé' Baitel, Gilgal, idi Mispa. Idi ieh nengimet nelun Israil bang teluh bawang ineh.