YUSAK 5:14 - BALA LUK DO'

¹⁴ Idi kebalaNeh, “Baken; iamo' Ui ini Lun Rayeh Baweh Tuhan. Idi nekini Ui pangeh nacing.” Idi Yusak pana' netekeradung idi sembayang Neneh, kesembayangneh, “Anunké bala Tuhan kuan lun dukenNeh?”

YUSAK 5:14 Iomraidhean Croise

PUDUT 17:17

Idi Ibrahim netekunal idi meriruh, keterawéneh, “Miakké seburur lemulun luk ulun meratu lak inan anak? Miakké Sara luk ulun iwa' ngepulu' lak inan anak?”

PUDUT 17:3

Idi Abram netekunal. Idi kebala Allah neneh,

SEMUIL LUK KEDUEH 7:19

Iamo' Iko ngula' peruanMu kuanku, pad Iko nepejani' ngeperuan inulku muci. Idi Iko nengegala' ini kuan lemulun, O Tuhan Allah!

SEMUIL LUK KEDUEH 7:20

Idi anun teh miak belénku Namu! Ngaceku Iko teh luk ngiti negku.

NANI UBUR 110:1

Kebala Tuhan kuan Raca'ku, “Tudo pa tinuehKu, pad Ui nganau' bunu'Mu pa liang kukudMu.

NANI UBUR 24:10

Idéké Raca' luk rayeh ineh? Tuhan luk kuan amung-amung baweh, Ieh ineh Raca' luk rayeh!

PURA' 4:10

Idi kebala Musa, “Mutuh do' Tuhan, ui ini lemulun luk na mileh pebala rat mon idi macing nekini. Kareb Tuhan pebala negku pana' meteh teh balaku.”

PURA' 4:13

Idi kebala Musa, “Mutuh do' Tuhan, ngecuk nelun baken.”

YESAYA 55:4

Ui nganau' Neneh ku Lun Nguyut idi ku Lun Ngimet amung pupu pelé Ui ngegala' rayehKu.

YESAYA 6:8

Idi ui neninger Tuhan pebala, “Idéké luk miak dukenKu? Idéké luk mangun ku gatum Kai?” Kebalaku, “Ui miak amé'. Do' ngecuk negku!”

YEHISKIEL 3:23

Id ui iné luun raked, idi su ineh ui nenier rayeh Tuhan, mepad kudeng luk sinierku déi' tangeb Abpa' Kibar. Idi ui netekeradung luun tana',

DANIEL 10:13

Iamo' melaikat luk dat luk matar imet Parsi sikal metueh rat Negku kinio dueh ngepulu' aceh aco. Pangeh ineh Mikail, seburur rat arang melaikat luk rayeh, iné' ngedengan Negku, ngaceku Ui tican buleng-buleng déi' bang imet Parsi.

DANIEL 12:1

“Kareb ineh, Mikail, melaikat luk rayeh ineh luk matar pupumu miak silagan. Idi kareb ineh inan mula' susa', luk meluun dat ratnan luk nekali' pupu ineh rat pun-pun. Kareb ineh amung pupumu, luk kuan ngadan inayud bang Surat Allah miak uen ngulun.

DANIEL 8:11

Ieh nesitunga nan Raca' baweh surga pana'. Idi ieh nengagka' baré luk pekalai, idi sembayang bang Ruma' Allah pana' igka'neh.

UKUM 9:24

Denak-denak Tuhan nemaré apui luk nengeseb amung baré luk sabpen idi lemak luk luun bubpun ineh. Kareb lun mula' nenier ineh, idi ideh nengitang idi ideh netekunal.

IAP 16:22

Idi didueh netekeradung, kesembayang didueh, “O Allah, Allah lawa amung ulun! Kudeng seburur mesala', miakké Iko museh kuan lun mula' ini?”

IAP 16:45

“Buro medueh rat arang lun Israil ini, ngaceku dengan segageh Ui miak ngaté nedeh.” Idi didueh netekeradung.

IAP 22:31

Idi kareb ineh Tuhan nengukab mateh Bilam. Idi ieh nenier Melaikat Tuhan luk tuped uned dalan idi ngimet pelapet luk metadem. Idi ieh netemurun, idi netekeradung.

MATIUS 22:44

‘Tuhan nepebala kuan Tuhanku, Tudo Iko pa tinuehKu, pad Ui nganau' amung bunu'Mu pa liang kukudMu.’

MATIUS 8:2

Idi inan aceh lemulun luk mét susud iné' Neneh, idi ieh netekeradung pa kiungNeh, keburi'neh, “Tuhan, kudeng Iko pian, miak Iko ngedo' negku.”

LUKAS 1:43

Kudeng apehké peruan ini mangun kuanku, pad tinan Tuhanku iné' ngikak negku?

LUKAS 20:42

Ngaceku Daud sebuleng nemala bang surat Nani Ubur, ‘Tuhan nepebala nan Tuhanku: Tudo Iko pa tinuehKu,

LUKAS 5:12

Kareb Yésus bang aceh bawang, inan aceh lemulun luk mét susud dengan pelaba bura'. Kareb ieh nenier Yésus idi ieh netekeradung idi nemutuh Neneh, keburi'neh, “O Tuhan, kudeng Iko pian, miak Iko ngedo' negku.”

YAHYA 20:28

Idi kebala Tomas Neneh, “O Allah, O Tuhanku!”

KEKAMEN RASUL-RASUL 9:6

Tumui iko idi semuet bang bawang, idi déi' iko miak ninger ratnan anun-anun luk ruenmu.”

PILIPI 3:8

Idi meluun teh, bang terawéku, luk amung-amung miak mangun ku rugi' kuanku ngaceku luk pelaba raga ini, ieh ineh pad ui miak miti Keristus Yésus Tuhanku. Idi ngaceku Keristus ui pangeh nenala' luk amung-amung. Idi amung-amung ineh ui mala mangun ku arap, pad Keristus mangun ku peruanku,

IBERANI 2:10

Maya' pian Allah luk nemudut idi luk ngimet luk amung-amung, petulu Yésus uen ngeriput ku dereh, pad Ieh miak nguit mula' anak amé' inan rayehNeh. Ngaceku Yésus, Ieh ineh lawa ulundeh.

YUSAK 20:1

Idi kebala Tuhan ni Yusak,

BALA LUK LINIO 12:7

Idi mangun aceh bunu' déi' surga, Mikail dengan amung-amung melaikatneh pebunu' dengan galau, idi galau dengan amung-amung bawehneh pana' nepebunu'.